ລິ້ງ ສຳຫລັບເຂົ້າຫາ

ວັນເສົາ, ໒໕ ພຶດສະພາ ໒໐໒໔

ນາຍົກອັງກິດ ໄປຢ້ຽມຢາມ ອັຟການິສຖານ ໂດຍບໍ່ໄດ້ ປະກາດລ່ວງໜ້າ


ນາຍົກອັງກິດ ທ່ານ David Cameron ຈັບມືກັບປະທານາທິບໍດີ ອັຟການິສຖານ ທ່ານ Ashraf Ghani.
ນາຍົກອັງກິດ ທ່ານ David Cameron ຈັບມືກັບປະທານາທິບໍດີ ອັຟການິສຖານ ທ່ານ Ashraf Ghani.

ນາຍົກລັດຖະມົນຕີອັງກິດທ່ານ David Cameron ​ໄດ້​ໄປ
ຢ້ຽມຢາມ ອັຟກາ​ນິສຖານ ໂດຍ​ບໍ່​ໄດ້​ປະກາດ​ໃຫ້ຊາບລ່ວງ​
ໜ້າ ​ເພື່ອ​ສົນທະນາ​ຫາລືກັບບັນດາ​ຜູ້ນຳລັດຖະບານສາມັກ
ຄີຊາດຊຸດໃໝ່ ຂອງປະເທດດັ່ງກ່າວ.

ທ່ານ Cameron ​ໄດ້​ພົບ​ປະ​ກັບ ປະທາ​ນາ​ທິບໍດີ Ashraf
Ghani ຢູ່​ທໍາ​ນຽບ ປະທາ​ນາ​ມິ​ບໍດີ ໃນ​ນະຄອນຫລວງ​ຄາ​ບູລ
​ໃນ​ຕອນ​ເຊົ້າ​ວັນ​ສຸກ​ມື້​ນີ້​ເພື່ອ​ໂອ້ລົມ​ກັນ.

​ໃນ​ລະຫວ່າງ​ກອງ​ ປະ​ຊຸມຖະແຫຼງຂ່າວ ຫລັງ​ຈາກ​ການ​ພົບ​
ປະກັນ​ແລ້ວ​ນັ້ນ ທ່ານ Cameron ກ່າວ​ວ່າ ອັງກິດຈະສືບຕໍ່
ໃຫ້ການ​ສະໜັບສະໜຸນ ໃນດ້ານການພັດທະນາ​ກຳລັງ​ທະຫານ​ອັ​ຟກາ​ນິສຖານ ​ເຖິງ​ແມ່ນ​ວ່າຕົນ​ພວກ​ນຳເອົາ​ກຳລັງສູ້ລົບ ທັງ​ໝົດ ກັບຄືນ​ປະເທດ ພາຍ​ໃນ​ທ້າຍ​ປີ​ນີ້ກໍຕາມ.

ປັດຈຸບັນ​ນີ້ ອັງກິດມີທະຫານ​ເກືອບ 3,000 ຄົນ ຢູ່​ໃນອັຟການິສຖານ ອັນ​ເປັນ​ພາກ​ສ່ວນ
ນຶ່ງ ຂອງກໍ​າລັງ​ອົງການ NATO.

ທ່ານ Cameron ກ່າວ​ວ່າ “ອັງກິດໄດ້​ຮັບການສູນເສຍຢ່າງໜັກ ໃນການ​ຊ່ວຍ​ເຫລືອ ​
ເພື່ອນຳ​ມາ​ເອົາສະຖຽນລະພາບມາສູ່​ປະ​ເທດ​ດັ່ງກ່າວ. ​ແຕ່​ນີ້​ເປັນ​ບ່ອນ​ທີ່ ກຸ່ມ al-Qaida

​ໄດ້ເຝິກແອບພວກ​ກໍ່​ການ​ຮ້າຍ. ນີ້​ເປັນ​ບ່ອນວາງແຜນຢ່າງລັບໆ ໃນການໂຈມຕີເມື່ອວັນ
ທີ 11ກັນຍາ ​ແລະ​ການວາງ​ແຜນອື່ນໆອີກ​ທີ່​ນັບ​ບໍ່​ຖ້ວນ. ​ແລະການທີ່ອັ​ຟກາ​ນິສຖານໄດ້
ປອດຈາກກຸ່ມກໍ່ການຮ້າຍ al-Qaida ແມ່ນນອນ ຢູ່ໃນ​ຜົນ​ປະ​ໂຫຍ​ດແຫ່ງຊາດຂອງ​ປະ​
ເທດ​ເຮົາ ​ພ້ອມ​ດ້ວຍອັຟກາ​ນິສຖານ. ​ແລະ ບັດ​ນີ້ ​ເປັນເວລາ 13 ປີ​ມາ ອັ​ຟກາ​ນິສຖານ
ແມ່ນສາມາດ ແລະຈະ​ຕ້ອງ​ກຳກັບ ນຳເລື່ອງຄວາມ​ປອດ​ໄພ​ຂອງ​ຕົນ​ເອງ.”

ການ​ຢ້ຽມຢາມ​ຂອງຜູ້ນຳ​ອັງ​ກິດ​ ​ໄດ້​ມີຂື້ນ​ບໍ່ເທົ່າໃດມື້ ​ຫລັງ​ຈາກ​ການສາບານ​ໂຕ ເຂົ້າຮັບ
ຕຳແໜ່ງ ຂອງ​ທ່ານ Ghani ໃນວັນຈັນຜ່ານມາ. ຄູ່​ແຂ່ງຂັນ​ ໃນການ ເລືອກຂອງ​ທ່ານ ຄື
ທ່ານ Abdullah Abdullah ​ກໍໄດ້​ຖືກ​ສາບານ​ໂຕ​ເຂົ້າຮັບ ຕຳແໜ່ງຫົວໜ້າ​ຄະນະບໍລິຫານ​
ໃນ​ການຄອງອໍານາດຮ່ວມກັນ ທີ່​ໄດ້​ບັນລຸ​ການ​ຕົກລົງ​ ຫລັງ​ຈາກ​ໄດ້ເກີດວິກິດການລຸນຫລັງ
ການເລືອກຕັ້ງເປັນເວລາຫລາຍໆ​ເດືອນ​.

As International Troops Dwindle, Fight in Afghanistan Continues
please wait

No media source currently available

0:00 0:01:38 0:00

ທ່ານ Cameron ​ໄດ້​ຍ້ອງຍໍ​ສັນລະ​ເສີນ ທ່ານ Ghani ​ແລະ​ທ່ານ Abdullah ທີ່​ປະຕິບັດ
​ງານ​ຮ່ວມ​ກັນ ​ເພື່ອ​ປະກອບລັດຖະບານສາມັກຄີຊາດ ​ແຕ່​ໄດ້​ກ່າວ​ວ່າ ວຽກ​ການ​ຍັງ​ບໍ່​ທັນ
​ເສັດ​ສີ້​ນ​ເທຶ່ອ.

ທ່ານ Ghani ​ໄດ້​ສະ​ແດງ​ຄວາມ​ໄວ້ອາ​ໄລ ໃຫ້​ແກ່ທະຫານອົງການ NATO ທີ່​ໄດ້ເສຍຊີ
ວິດໃນການ​ສູ້​ລົບ ຢູ່​ອັ​ຟກນິສຖານ ​ໂດຍ​ກ່າວ​ວ່າ ການ​ເລື​ອກຕັ້ງ​ຂອງ​ປະ​ເທດ​ຫວ່າງ​ມໍ່ໆ​ມາ
​ນີ້ ​ແລະ​ການສ້າງຕັ້ງ​ລັດຖະບານ​ສາມັກຄີຊາດທີ່ຕິດຕາມ​ມາ ແມ່ນ​ເປັນໝາກ​ຜົນ​ຂອງການ
​ເສຍ​ສະລະດັ່ງກ່າວ. ທ່ານກ່າວ​ວ່າ ບັນຫາ​ທີ່ ອັ​ຟກາ​ນິສຖານປະ​ເຊີນ​ໜ້າ​ນັ້ນ ແມ່ນບໍ່​ສາ
ມາດ​ຕໍ່ສູ້ແຕ່​ພຽງ​ເຂົາ​ເຈົ້າຕາມລຳພັງຜູ້ ດຽວໄດ້.

​ໃນ​ ວັນ​ອັງຄານ​ທີ່​ຜ່ານ​ມານີ້ ບັນດາ​ເຈົ້າ​ໜ້າ​ທີ່​ອັຟການິສຖານ ​ແລະ​ສະຫະລັດ ​ໄດ້​ເຊັນ​ຂໍ້​
ຕົກລົງ​ຄວາ​ມ​ປອດ​ໄພສອງ​ຝ່າຍ ທີ່​ຈະ​ອະນຸຍາດ​ໃຫ້ ທະຫານສະຫະ ລັດ ​ແລະ​ພົນລະ​
ເຮືອນ​ເກືອບ 10,000 ຄົນ ​ແລະ​ກຳລັງ NATO ອີກ 2,000 ຄົນ ​ຢູ່ໃນອັຟການິສຖານໄດ້
ຕໍ່ໄປ ຫລັງ​ຈາກກຳນົດ​ເສັ້ນ​ຕາຍ ທີ່ຕັ້ງໄວ້​ໃນ​ວັນ​ທີ 31 ​ເດືອນ​ທັນ​ວາ ​ເພື່ອ​ໃຫ້​ທະຫານ​
ນາໆຊາດ​ຖອນ​ອອກໄປນັ້ນ.

ຂໍ້ຕົກລົງດັ່ງກ່າວອະນຸຍາດ​ ໃຫ້ກຳລັງປະສົມນາໆ​ຊາດ ສືບຕໍ່ທຳການເຝິກ​ແອບ ກຳລັງ
​ຮັກສາ​ຄວາມ​ປອດ​ໄພອັຟກາ​ນິສຖານ ​ແລະ​ປະ​ຕິ​ບັດ​ງານ​ໂຈມຕີກຸ່ມກໍ່ການ ຮ້າຍ al-Qadai ຢູ່​ໃນປະ​ເທດໄດ້.

BRITAIN AFGHANISTAN CNPK
please wait

No media source currently available

0:00 0:02:01 0:00

XS
SM
MD
LG