ກອງປະຊຸມສຸດຍອດສາກົນສອງວັນທີ່ແນເປົ້າໃສ່ການຮ່າງຂໍ້ຕົກລົງໃໝ່ເພື່ອພັດທະນາ ແລະ ສົ່ງເສີມໂອກາດທີ່ເປັນແງ່ບວກຂອງປັນຍາປະດິດ ຫຼື AI ຈະໄຂຂຶ້ນໃນວັນອັງຄານມື້ນີ້ໃນປະເທດ ເກົາຫຼີໃຕ້.
ປະທານາທິບໍດີ ເກົາຫຼີໃຕ້ ທ່ານ ຢູນ ຊຸກ ຢອລ໌ ແລະ ນາຍົກລັດຖະມົນຕີ ອັງກິດ ທ່ານ ຣິຊີ ຊູນາກ ຈະກ່າວຄຳປາໄສເປັນຕົວແທນໃຫ້ບັນດາປະເທດເສດຖະກິດທີ່ສຳຄັນຂອງໂລກຜ່ານການປະຊຸມທາງໄກ ໃນບົດບາດຂອງພວກເພິ່ນດັ່ງກັບຜູ້ຮ່ວມຈັດກອງປະຊຸມສຸດຍອດ Seoul AI.
ເວັບໄຊ້ຂອງກອງປະຊຸມນັ້ນເວົ້າວ່າ ບັນດາຜູ້ເຂົ້າຮ່ວມຈະແນເປົ້າສຳລັບການຕົກລົງ ກ່ຽວກັບ ສາມອົງປະກອບທີ່ສຳຄັນຄື, ຄວາມປອດໄພ, ນະວັດຕະກຳໃໝ່ ແລະ ການກວມລວມ.
ບັນດາຜູ້ນຳຂອງ 7 ປະເທດປະຊາທິປະໄຕທີ່ໃຫຍ່ທີ່ສຸດລວມມີ, ການາດາ, ຝຣັ່ງ, ເຢຍຣະມັນ, ອິຕາລີ, ຍີ່ປຸ່ນ ແລະ ອັງກິດ, ແມ່ນໄດ້ຖືກເຊື້ອເຊີນໄປຮ່ວມເປີດກອງປະຊຸມສຸດຍອດດັ່ງກ່າວ, ພ້ອມກັບບັນດາຜູ້ນຳຈາກ ອອສເຕຣເລຍ ແລະ ສິງກະໂປ.
ຫ້ອງການປະທານາທິບໍດີ ເກົາຫຼີໃຕ້ ເວົ້າວ່າ ຈີນ ຈະສົ່ງຜູ້ແທນຄົນນຶ່ງໄປເຂົ້າຮ່ວມກອງປະຊຸມລະດັບລັດຖະມົນຕີດ້ວຍຕົນເອງ ທີ່ຈະເລີ່ມຂຶ້ນໃນວັນພຸດມື້ອື່ນ.
ຟໍຣັມສະແດງຄວາມຄິດເຫັນ