ລິ້ງ ສຳຫລັບເຂົ້າຫາ

ວັນພະຫັດ, ໒໒ ກຸມພາ ໒໐໒໔

ປ. ທຣໍາວ່າ ທ່ານເສຍໃຈຫຼາຍ ຕໍ່ການ​ຮົ່ວ​ໄຫລ ຂອງ​ຂໍ້​ມູນການສືບສວນ ​​ເຫດ​ລະ​ເບີດ​ຢູ່​ອັງກິດ


ແມ່ຂອງນາງ Olivia Campbell, ຂອງ Charlotte Campbell (ທາງກາງ) ໄວ້ອາໄລແກ່ຜູ້ໄດ້ຮັບເຄາະຮ້າຍ ຈາກເຫດລະເບີດແຕກ ຢູ່ນອກສະໜາມກິລາ Manchester ທີ່ຈະຕຸລັດ St Ann's Square.
ແມ່ຂອງນາງ Olivia Campbell, ຂອງ Charlotte Campbell (ທາງກາງ) ໄວ້ອາໄລແກ່ຜູ້ໄດ້ຮັບເຄາະຮ້າຍ ຈາກເຫດລະເບີດແຕກ ຢູ່ນອກສະໜາມກິລາ Manchester ທີ່ຈະຕຸລັດ St Ann's Square.

ປະທານາທິບໍດີ​ດໍໂນ​ລທຣໍາ ກ່າວ​ວ່າ ທ່ານ​ມີ​ຄວາມ​ບໍ່ດີ​ໃຈ​ທີ່​ສຸດ ​ຕໍ່ການ​ຮົ່ວ​ໄຫລ​ຂອງ​ຂໍ້​ມູນ​ກ່ຽວກັບການ​ສືບສວນ​ເຫດ​ລະ​ເບີດ​ແຕກ​ຢູ່​ໃນ​ອັງກິດ ​ໃຫ້​ແກ່​ສື່​ມວນ​ຊົນ​ແລະ​ສັນຍາ​ວ່າ​ຈະ​ທໍາ​ການ​ສອບ​ສວນ​ເລື່ອງນີ້.

ລາຍ​ລະອຽດກ່ຽວກັບການ​ສືບສວນ ທີ່​ໄດ້​ຮົ່ວ​ໄຫລ​ອອກ​ໄປ​ນັ້ນ ລວມມີ ຊື່​ຂອງ​ຜູ້​ວາງລະ​ເບີດ, ​ແລະ​ຮູບ​ທີ່​ຕໍາຫລວດຖ່າຍ​ເອົາ​ຫລັກ​ຖານ ​ໄດ້​ເຮັດ​ໃຫ້​ພວກ​ສືບສວນ​ຂອງ​ອັງກິດ ​ໃຈ​ຮ້າຍ. ພວກ​ເຂົາ​ເຈົ້າ​ໄດ້​ງົດ​ສົ່ງ​ຂໍ້​ມູນ​ໃຫ້​ສະຫະລັດ​ຮູ້​ນໍາ ​ໃນ​ຊ່ວງ​ເວ​ລາສັ້ນໆ ​ໃນວັນ​ພະຫັດ​ວານ​ນີ້.

ທ່ານ​ທຣໍາ ​ໄດ້​ກ່າວ​ທີ່​ນະຄອນ Brussels ​ໃນ​ວັນ​ພະຫັດ​ວານ​ນີ້ວ່າ "ຂ້າພະ​ເຈົ້າ ຂໍ​ໃຫ້​ກະຊວງ​ຍຸຕິ​ທໍາ​ແລະ​ອົງການ​ ທີ່​ກ່ຽວຂ້ອງອື່ນໆ ​ເລີ້ມທໍາ​ການ​ກວດກາ​ບັນຫາ​ນີ້ຄືນ ​ຢ່າງ​ເຕັມ​ທີ່. "ຖ້າ​ເປັນ​ການ​ເໝາະສົມ ຜູ້​ກະທໍາ​ຜິດ ຄວນ​ຖືກ​ນໍາ​ໄປ​ດໍາ​ເນີນຄະດີຕາມ​ກົດໝາຍ ໃຫ້ເຖິງ​ທີ່​ສຸດ​ເລີຍ."

ນາ​ຍົກ​ລັດຖະມົນຕີ​ອັງກິດ ທ່ານນາງ Theresa May ທີ່​ເຂົ້າຮ່ວມ​ກອງ​ປະຊຸມ​ສູງ​ສຸດ​ຂອງ​ກຸ່ມ​ເນ​ໂຕ ​ໃນ​ນະຄອນ Brussels ​ເຊັ່ນ​ກັນ ​ໄດ້​ກ່າວວ່າ ການເອົາ​ຂໍ້​ມູນ​ດ້ານ​ການ​ທະຫານ ​ແລະ​ການສືບ​ລັບໃຫ້​ກັນ​ແລະ​ກັນ​ຮູ້ ​ແມ່ນ​ສ້າງຂຶ້ນບົນ​ພື້ນຖານທີ່​ມີ​ຄວາມ​ເຊື່ອໃຈກັນ. ທ່ານ​ນາງ​ກ່າວ​ວ່າ “ສ່ວນ​ນຶ່ງ​ຂອງ​ການ​ເຊື່ອ​ໃຈ​ກັນ​ກໍ​ຄື​ການ​ຮູ້​ວ່າ​ຂໍ້​ມູນ​ສາມາດເອົາ​ແບ່ງປັນ​ໃຫ້ອີກ​ຝ່າຍ​ນຶ່ງ​ຮູ້​ນໍາ​ຢ່າງ​ລັບໆ.
"ຍັງ​ບໍ່ມີ​ໃຜ​ຮູ້​ເທື່ອ​ວ່າ ​ໃຜ​ເປັນ​ແຫລ່ງ ທີ່​ເຮັດ​ໃຫ້​ຂໍ້​ມູນ​ນັ້ນຮົ່ວ​ໄຫລ. ໃນ​ວັນ​ພະຫັດ​ວານ​ນີ້ ໜັງສື​ພິມ New York Times ​ໄດ້​ກ່າວ​ປ້ອງ​ກັນ​ການ​ພິມ​ຮູ​ບ ທີ່​ເປັນ​ຫລັກ​ຖານ​ນັ້ນ ​ໂດຍ​ເວົ້າວ່າ ຮູບ​ພາບ​ນັ້ນບໍ່​ໄດ້​ເປັນສະ​ແດງ​ໃຫ້​ເຫັນ​ຢ່າງ​ຊັດ​ເຈນ ​ແລະ​ກໍ​ບໍ່​ໄດ້​ເປັນ​ການ​ເຮັດ​ໃຫ້​ຜູ້​ໄດ້​ຮັບ​ເຄາະ​ຮ້າຍ ຮູ້ສຶກຖືກຢຽດຢາມ​ແຕ່​ຢ່າງ​ໃດ.”

ຮູບ​ເຫ​ລົ່ານັ້ນລວມມີ ຖົງ​ເປ້​ທີ່​ຂາດ​ມຸ່ນ ທີ່​ຜູ້​ວາງ​ລະ​ເບີດ​ໃຊ້ ​ແລະ ​ຄະ​ນວນ​ລະ​ເບີດ​ທີ່​ເຕັມ​ໄປ​ດ້ວຍ​ເລືອດ.

ທ້າວ Salman Abedi ທີ່​ເກີດ​ໃນ​ອັງກິດ ເປັນ​ຜູ້​ບີບ​ຄະ​ນວນ​ລະ​ເບີດ​ ​ໃຫ້​ແຕກ​ຂຶ້ນ​ຢູ່​ໃນສະໜາມກິລາ ບ່ອນສະແດງຄອນເສີດ ໃນເມືອງ Manchester ​ໃນ​ຄືນ​ວັນ​ຈັນ​ຜ່ານ​ມາ, ບໍ່ພໍ​ເທົ່າ​ໃດ​ນາທີ​ທີ່ການ​ສະ​ແດງ​ຂອງ​ Ariana Grande ດາລາ​ຊື່​ດັງຊາວອາເມຣິກັນ​ໄດ້​ສິ້ນສຸດ​ລົງ.

22 ຄົນເສຍ​ຊີວິດ ​ແລະ 116 ຄົນ​ໄດ້​ຮັດ​ບາດ​ເຈັບ. ຜູ້​ໄດ້​ຮັບ​ເຄາະ​ຮ້າຍ​ສ່ວນ​ໃຫຍ່ ​ເປັນ​ແຟນ​ເພງ​ຂອງ Grande. ຜູ້​ທີ່ໜຸ່ມນ້ອຍ​ກວ່າໝູ່ທີ່​ສຸດ​ແມ່ນອາຍຸ 8 ປີ.

8 ຄົນ ​ໄດ້ຖືກຈັກຈັບກຸມ​ໄປ​ຂັງ​ໄວ້ ຢູ່​ໃນ​ອັງກິດ​ພາຍຫລັງ​ທີ່ ມີ​ການ​ກວດຄົ້ນຢູ່ໃນ​ເມືອງ Manchester ​ແລະ​ຢູ່​ໃນ​ເມືອງ​ນຶ່ງ​ໃນ​ພາກ​ກາງຂອງ​ອັງກິດ. ບໍ່​ມີ​ການ​ເປີດ​ເຜີຍ​ໃຫ້ຮູ້ລາຍ​ລະອຽດ​ວ່າ ພວກ​ນີ້ມີ​ສ່ວນ​ພົວພັນ​ແນວ​ໃດ​ກັບ​ເຫດ​ລະ​ເບີດ​ແຕກນັ້ນ.

ອ່ານຂ່າວນີ້ເພີ້ມເປັນພາສາອັງກິດ

ເບິ່ງວີດີໂອກ່ຽວກັບຂ່າວນີ້ ເປັນພາສາອັງກິດ

On The Scene: Manchester Suicide Bombing
please wait

No media source currently available

0:00 0:01:16 0:00

XS
SM
MD
LG