ລັດຖະມົນຕີປ້ອງກັນປະເທດຂອງອັງກິດ ກ່າວວ່າ ຄະນະ
ນັກການທູດອັງກິດນ້ອຍໆຄະນະນຶ່ງ ກໍາລັງຢູ່ໃນພາກຕາ
ເວັນອອກຂອງລີເບຍ ເພື່ອພະຍາຍາມທີ່ຈະເຈລະຈາກັບ ພວກກະບົດຢູ່ທີ່ນັ້ນ.
ທ່ານ Liam Fox ບອກກັບວິທະຍຸ ບີບີຊີ ໃນວັນອາທິດ
ມື້ນີ້ວ່າ ອັງກິດໄດ້ຕິດຕໍ່ກັບຄະນະການທູດດັ່ງກ່າວ ໃນ
ເມືອງ Benghazi ແຕ່ກໍເວົ້າວ່າ ເວລານີ້ ຍັງບໍ່ເປັນການ
ເໝາະສົມທີ່ຈະໃຫ້ຄວາມເຫັນເພີ່ມຕື່ມອີກ.
ແຕ່ໜັງສືພິມ Sunday Times ລາຍງານວ່າ ຊາວລີເບຍ
ຝ່າຍຕໍ່ຕ້ານໄດ້ຈັບກຸມພວກໜ່ວຍກໍາລັງທະຫານພິເສດຂອງ
ອັງກິດ ຫລາຍເຖິງ 8 ຄົນ ແລະນັກການທູດຄົນນຶ່ງໃນເຂດ ຕາເວັນອອກຂອງລີເບຍນັ້ນ.
ໜັງສືພິມ ຊັນເດ ທາຍສ໌ ກ່າວວ່າ ພວກກໍາລັງທະຫານ
ພິເສດດັ່ງກ່າວນີ້ ຖືກມອບໝາຍພາລະກິດລັບ ໃຫ້ນໍາພາຄະນະນັກການທູດໄປຕິດຕໍ່ກັບ
ພວກຜູ້ນໍາຂອງຝ່າຍຕໍ່ຕ້ານ. ແຕ່ທ່ານຟ໊ອກບໍ່ຍອມໃຫ້ຄວາມເຫັນໃດໆກ່ຽວກັບລາຍງານ ດັ່ງກ່າວ.
ໜັງສືພິມນີ້ກ່າວອີກວ່າ ພວກຝ່າຍຕໍ່ຕ້ານແມ່ນໂກດແຄ້ນນໍາການມີໜ້າຂອງກໍາລັງທະຫານ
ຕ່າງປະເທດຢູ່ດິນແດນຂອງລີເບຍ ເພາະວ່າພວກເຂົາເຈົ້າຢ້ານວ່າ ຜູ້ນໍາລີເບຍ ມວມມາ
ກາດດາຟີ ອາດໃຊ້ການມີໜ້າຂອງກໍາລັງທະຫານຂອງຝ່າຍຕາເວັນຕົກຢູ່ໃນລີເບຍ ເພື່ອລະ
ດົມເອົາການສະໜັບສະໜຸນຈາກພວກທີ່ຮັກຊາດ ໃຫ້ແກ່ລະບອບປົກຄອງຂອງທ່ານ.
ໜັງສືພິມທາຍສ໌ ກ່າວຕື່ມວ່າ ຊາວອັງກິດຖີ່ຖືກຈັບ ໄດ້ຖືກນໍາຕົວໄປຍັງທີ່ໝັ້ນຂອງຝ່າຍ
ຕໍ່ຕ້ານ ທີ່ເມືອງເບນກາຊີ ເພື່ອສອບປາກຄໍາ.
