ລິ້ງ ສຳຫລັບເຂົ້າຫາ

ການເລືອກຕັ້ງສະພາ ໃນອັງກິດ ຢູ່ໃນສະພາບທີ່ ທຳນາຍລ່ວງໜ້າໄດ້ຍາກ ວ່າໃຜຈະຊະນະ


ບັນດາ​ຜູ້​ມີ​ສິດອອກສຽງໃນ​ອັງກິດ ພາກັນ​ອອກ​ໄປ​ປ່ອນ​ບັດ​
​ໃນ​ວັນ​ພະຫັດ​ມື້​ນີ້ ​ໃນ​ການເລືອກ​ຕັ້ງສະພາ ​ທີ່​ການ​ສຳ​ຫຼວດ
ຫາງ​ສຽງ​ສະ​ແດງ​ໃຫ້​ເຫັນ​ວ່າ ມີ​ສຽງ​ສະໜັບ​ສະ​ໜຸນສູ​ສີ​ກັນ
ຫຼາຍ ຈົນ​ຍາກ​ທີ່​ຈະ​ທຳນາຍ​ລ່ວງ​ໜ້າ​ໄດ້.

ຜົນ​ຂອງ​ການ​ສຳ​ຫຼວດຫາງ​ສຽງ​ທົ່ວ​ປະ​ເທດ ​ໃນ​ວັນ​ພຸດ​ວານ​ນີ້
ສະ​ແດງ​ໃຫ້​ເຫັນ​ວ່າ ພັກ​ນິຍົມ​ແນວທາງ​ເດີມ​ຂອງ​ນາຍົກລັດຖະ
ມົນຕີ David Cameron ​ໄດ້​ຮັບ​ສຽງ​ສະ​ໜັບສະ​ໜຸນຈາກ​ຜູ້​
ປ່ອນ​ບັດ​ອັງກິດ 33 ​ເປີ​ເຊັນ ​ແຕ່​ທ່ານ Ed Milliband ຜູ້​ແຂ່ງ
ຂັນ​ຈາກ​ພັກ​ຝ່າຍ​ຄ້ານ​ທີ່​ສຳຄັນ ຄື​ພັກ Labor ຫຼື​ແຮງ​ງານ ​ໄດ້
​ຮັບ​ສຽງ​ສະໜັບສະໜຸນ​ນຳ​ຫຼັງ​ພຽງ​ແຕ່ 1 ​ເປີເຊັນ​ເທົ່າ​ນັ້ນ.

ການ​ສຳ​ຫຼວດຫາງ​ສຽງ ສະ​ເໜີ​ແນະ​ວ່າ ຜົນ​ຂອງ​ການ​ເລືອກ​ຕັ້ງອາດສາມາດ​ບັງຄັບ​ໃຫ້​ພັກ​ໃດ​ກໍ​ໄດ້ ​ໃນ​ບັນດາ​ສອງ​ພັນ​ໃຫຍ່ຄູ່​ແຂ່ງກັນ​ນີ້ ປະກອບ​ຄະນະ​ລັດຖະບານ​ປະສົມ​ໃໝ່​ຂຶ້ນ​ ກັບ​ພວກ​ພັກ​ການ​ເມືອງ​ນ້ອຍໆ ທີ່ມີ​ບ່ອນ​ນັ່ງ​ບໍ່​ຫລາຍ ​ໃນ​ສະພາ​ແຫ່ງ​ຊາດ​ທີ່​ມີ​ບ່ອນ​ນັ່ງ​
ທັງ​ໝົດ 650 ບ່ອນ​ນັ້ນ.

ທ່ານ Cameron ​ໄດ້​ໃຫ້​ຄຳ​ໝັ້ນ​ສັນຍາວ່າ ຖ້າ​ຖືກ​ເລືອກ​ຕັ້ງ​ໃໝ່ ຈະ​ຈັດການ​ລົງ​ປະຊາ​ມະຕິ​ຂຶ້ນ ກ່ຽວ​ກັບ​ວ່າ ອັງກິດ​ຄວນ​ຈະ​ຮວມຢູ່​ໃນ​ສະຫະພາບ​ຢູ​ໂຣບ ທີ່​ມີສະມາຊິກ 28 ປະ​ເທດ​ນັ້ນ​ຕໍ່​ໄປ​ຫລື​ບໍ? ​ເລື້ອງ​ເອກະລາດ​ຂອງ Scotland ຈາກ​ອັງກິດ​ ກໍຍັງສືບ​ຕໍ່​ເປັນບັນ
ຫາ​ອັນ​ສຳຄັນ​ທີ່​ສຸດຢູ່.

ທັງທ່ານ Cameron ​ທີ່ໄດ້​ເປັນ​ຜູ້ນຳ​ອັງກິດ​ມາ​ຕັ້ງ​ແຕ່​ປີ 2010 ​ແລະ​ທ່ານMilliband ຕ່າງ​ກໍ​ຖື​ວ່າ ການ​ເລືອກ​ຕັ້ງຄັ້ງ​ນີ້ ​ເປັນການ​ລົງ​ປະຊາ​ມະຕິ ກ່ຽວ​ກັບ​ການ​ເສດຖະກິດ​ຂອງ​ປະ​ເທດ ຊຶ່ງ​ເປັນ​ເສດຖະກິດ​ໃຫຍ່​ ​ອັນ​ດັບ​ 5 ​ຂອງ​ໂລກນັ້ນ.

XS
SM
MD
LG