ລິ້ງ ສຳຫລັບເຂົ້າຫາ

ວັນພຸດ, ໒໔ ເມສາ ໒໐໒໔

ອັງກິດ ເຕືອນສຣີລັງກາ ໃຫ້ປັບປຸງ ການນັບຖື ສິດທິມະນຸດ (ວີດີໂອ)


ຕໍາຫລວດ ສຣິລັງກາ ຄວບຄຸມການໂຮມຊຸມນຸມ ຂອງເຜົ່າທະມິນ ປະທ້ວງການຫາຍສາບສູນ ຂອງຍາດຕິພີ່ນ້ອງ ລະຫວ່າງການຢ້ຽມຢາມ ຂອງນາຍົກລັດຖມົນຕີອັງກິດ
ຕໍາຫລວດ ສຣິລັງກາ ຄວບຄຸມການໂຮມຊຸມນຸມ ຂອງເຜົ່າທະມິນ ປະທ້ວງການຫາຍສາບສູນ ຂອງຍາດຕິພີ່ນ້ອງ ລະຫວ່າງການຢ້ຽມຢາມ ຂອງນາຍົກລັດຖມົນຕີອັງກິດ
ນາຍົກລັດຖະມົນຕີອັງກິດ ທ່ານ David Cameron ​ໄດ້​ເຕືອນ
ສຣີລັງກາ ​ໃຫ້ເລັ່ງລັດ ຂັ້ນຕອນ​ໃນ​ການ​ປັບປຸງ​ ດ້ານ​ສິດທິມະ
ນຸດ​ແລະການ​ສ້າງ​ຄວາມ​ປອງ​ດອງຊາດຈາກສົງຄາມກາງ​ເມືອງ
ຫລື​ບໍ່​ດັ່ງນັ້ນກໍ​ຈະປະ​ເຊີນ​ໜ້າ​ກັບການ​ສືບສວນ​ຂອງນາໆ​ຊາດ.

​ໃນ​ການ​ຖະ​ແຫຼງ ທີ່​ກອງ​ປະຊຸມ​ສຸດ​ຍອດ​ເຄືອ​ຈັກກະ​ພົບ​ອັງກິດ
ທີ່ນະ​ຄອນ​ຫຼວງ ໂຄ​ລົມ​ໂບ ​ໃນ​ວັນ​ເສົາ​ມື້ນີ້ ທ່ານ Cameron
ກ່າວ​ຕໍ່​ບັນດາ​ນັກ​ຂ່າວ​ວ່າ ບັນຫາ ການ​ກໍ່​ອາ​ຊະ​ຍາ​ກຳສົງຄາມ
​ແລະ​ການ​ລະ​ເມີດສິດທິ​ມະນຸດ ​ໃນ​ລະຫວ່າງ ແລະ​ຫລັງທີ່​ໄດ້​
ເກີດ​ບັນຫາຂັດ​ແຍ້​ງ ​ມາ​ເປັນ​ເວລາ 27 ປີ ​ໃນສຣີລັງການັ້ນຈະ
ບໍ່​ໜີ​ໄປໃສ. ທ່ານກ່າວ​ວ່າ ຖ້າ​ຫາກ​ສຣີລັງກາບໍ່ແກ້​ໄຂ​ບັນຫາ​
ຄວາມ​ວິຕົກ​ກັງວົນ​ຂອງ ນາໆ​ຊາດ ກ່ຽວກັບການ​ເຄົາລົບ​ນັບຖື​ສິດທິ​ມະນຸດ​ແລ້ວ ປະ​ເທດ​ຂອງ​ທ່ານ ຈະເປັນ​ຜູ້ຊຸກ​ຍູ້ໃຫ້ມີ​ການ​ສືບສວນ ​ທີ່​ນຳພາ​ໂດຍອົງການສະຫະ​ປະຊາ​ຊາດ.

ນອກ​ນັ້ນ ທ່ານຍັງ​ກ່າວ​ວ່າ ທ່ານ​ໄດ້​ສົນທະນາ​ຢ່າງກົງ​ໄປ​ກົງ​ມາກັບປະທາ​ນິບໍດີ ສຣີລັງ​ກາ ທ່ານມາ​ຮິນ​ດາ ຣາຊາ​ພັກ ຫລັງ​ຈາກນາ​ຍົກ​ລັດຖະມົນຕີ ​Cameron ໄດ້​ກັບ​ຄືນ​ມາ​ຈາກການ​ເດີນທາງ​ໄປ​ຊອກ​ຄົ້ນຫາ​ຄວາມ​ຈິງ​ ຈາກເຂດ Jaffna ທີ່ ​ໄດ້​ປະສົບ​ກັບ​ໄພ​ສົງຄາມ ​ໃນ​ວັນ​ສຸກ​ວານ​ນີ້ ​ແລະ​ມີ​ຄວາມ​ຮູ້ສຶກ​ວ່າ ລັດຖະບານ ​ສຣີລັງກາ ບໍ່​ຕ້ອງການ​ຢາກ​ສ້າງ​ຄວາມ​ກ້າວໜ້າ​ ກ່ຽວກັບບັນຫາ​ດັ່ງ​ກ່າວ.

​ເຖິງ​ຢ່າງ​ໃດ​ກໍ​ດີ ລັດຖະມົນຕີກະຊວງ​ນໍ້າ ທ່ານ Siripalade Silva ​ໄດ້​ປະຕິ​ເສດຕໍ່ການ​
ໃຫ້​ຄວາມ​ເຫັນຂອງ​ທ່ານ Cameron ​ໂດຍ​ກ່າວ​ວ່າ ສຣີລັງກາຈະ​ຕ້ານຢັນ ບໍ່​ໃຫ້​ມີ​ການ​ສືບສວນ​ຂອງ​ນາໆ​ຊາດ.

Sri Lanka
please wait
Embed

No media source currently available

0:00 0:01:26 0:00
XS
SM
MD
LG