ປະຊາຊົນບຣາຊີລຫຼາຍລ້ານຄົນ ພາກັນອອກໄປປ່ອນບັດໃນ
ວັນອາທິດມື້ນີ້ ໃນການເລືອກຕັ້ງປະທານາທິບໍດີ ທີ່ຄາດວ່າ
ຈະຍັງຜົນໃຫ້ມີການໂຄສະນາຫາສຽງອີກຄັ້ງນຶ່ງ ແລະການ
ປ່ອນບັດບັ້ນຕັດສິນຊີ້ຂາດ ໃນທ້າຍເດືອນນີ້.
ບັນດານັກວິເຄາະ ກ່າວວ່າ ປະທານາທິບໍດີ Dilma Rous
seff ທີ່ກຳລັງພະຍາຍາມໃຫ້ໄດ້ ເປັນປະທານາທິບໍດີສະໄໝ
ທີສອງ ຄາດວ່າຈະໄດ້ຮັບສຽງສະໜັບສະໜຸນຫລາຍກວ່າໝູ່
ໃນການປ່ອນບັດວັນອາ ທິດມື້ນີ້ ແຕ່ເບິ່ງຄືວ່າ ທ່ານນາງຈະບໍ່
ໄດ້ຮັບສຽງຂ້າງຫຼາຍຢ່າງຂາດ ຮອຍ ເພື່ອຫຼີກລ່ຽງການເລືອກ
ຕັ້ງຮອບຕັດສິນຊີ້ຂາດນັ້ນ.
ທ່ານນາງ Rousseff ມີຄູ່ແຂ່ງຂັນສຳຄັນສອງຄົນ ຄືນຶ່ງແມ່ນທ່ານນາງ Marina Silva
ວີລະສະຕີຂອງຂະບວນການອະນຸລັກໂລກ ທີ່ໄດ້ແຍກອອກຈາກພັກລັດຖະບານ ແລະເຂົ້າ
ໄປສັງກັດພັກສັງຄົມນິຍົມບຣາຊີລ ແລະອີກຄົນນຶ່ງ ແມ່ນທ່ານ Aecio Neves ສັງກັດພັກສັງຄົມປະຊາທິປັດ ຊຶ່ງປັດຈຸບັນເປັນສະມາຊິກສະພາສູງ ແລະເປັນອະດີດຜູ້ວ່າການລັດ.
ພວກຕຳໜິຕິຕຽນກ່າວວ່າ ປະທານາທິບໍດີ Rousseff ສາມາດກາງຕໍ່ການສະໜັບສະໜຸນ
ຈາກຊົນຊັ້ນອອກແຮງງານບຣາຊີລໄດ້ ຍ້ອນໂຄງການປະຊາສົງເຄາະທີ່ໃຫ້ເງິນຊ່ວຍເຫລືອ
ຢ່າງຫລວງຫລາຍ ຊຶ່ງລິເລີ້ມຂຶ້ນໃນລະຫວ່າງການດຳລົງຕຳແໜ່ງ 2 ສະໄໝ ຂອງປະທາ
ນາທິບໍດີຄົນກ່ອນ ທ່ານ Luiz Inacio Lula da Silva ທີ່ໄດ້ຮັບຄວາມນິຍົມຊົມຊອບຈາກ
ປະຊາຊົນຢ່າງຫຼວງຫຼາຍນັ້ນ.
