ປະທານາທິບໍດີຮັກສາການ ປະເທດ ບຣາຊິລ ທ່ານ Michel Temer ໄດ້ມີການພົວພັນກັບການສໍ້ລາດບັງຫຼວງທີ່ເປັນຂ່າວນອງນັນໃຫຍ່ທີ່ສຸດຂອງປະເທດ ໃນ ການໃຫ້ການ ໂດຍພິຍານຄົນສຳຄັນ ທີ່ໄດ້ເປີດເຜີຍຕໍ່ສາທາລະນະ ໃນວັນພຸດ ວານນີ້.
ທ່ານ Sergio Machado ອະດີດຜູ້ບໍລິຫານລະດັບສູງ ຂອງບໍລິສັດນ້ຳມັນລັດ ຖະບານ Petrobras ໄດ້ກ່າວວ່າ ທ່ານ Temer ໄດ້ຂໍເງິນຈາກບໍລິສັດ ເພື່ອເປັນ ເງິນທຶນໃນການ ໂຄສະນາຫາສຽງ ສຳລັບທ່ານເອງ ແລະ ສະມາຊິກຄົນອື່ນໆ ຢູ່ໃນພັກຂອງທ່ານ.
ຜູ້ບໍລິຫານຂອງບໍລິສັດນ້ຳມັນໄດ້ກ່າວວ່າ ທ່ານ Temer ໄດ້ພົບປະກັບທ່ານ ເພື່ອຂໍເງິນ 431,000 ໂດລາ ເພື່ອໄປເປັນທຶນໃຫ້ກັບການໂຄສະນາຫາສຽງ ຂອງສະມາຊິກສະພາ ທ່ານ Gabriel Chalita.
ນອກນັ້ນ ທ່ານ Machado ຍັງໄດ້ກ່າວວ່າ ທ່ານໄດ້ຈັດການເງິນສິນບົນສຳລັບ ທ່ານ Temer ແລະ ນັກການເມືອງຄົນອື່ນໆອີກ 10 ຄົນ, ບາງຄົນໃນນັ້ນ ແມ່ນສະມາຊິກພັກ PMDB ທີ່ມີນະໂຍບາຍແນວທາງເປັນກາງອຽງຂວາຂອງ ທ່ານ Temer.
ສ່ວນພິຍານຄົນອື່ນໆໄດ້ກ່າວຫາທ່ານ Temer ໃຊ້ເງິນໜູນຫຼັງບັນດາຜູ້ບໍລິ ຫານຂອງ ບໍລິສັດ Petrobras ສອງຄົນດັ່ງນັ້ນພວກເຂົາເຈົ້າຈຶ່ງສາມາດຄວບ ຄຸມແຜນການໄດ້.
ທ່ານ Temer ໄດ້ປະຕິເສດຕໍ່ທຸກໆການມີສ່ວນຮ່ວມໃນແຜນການຂອງບໍລິສັດ Petrobras ທີ່ເປັນຂ່າວນອງນັນອັນໃຫຍ່ເຊິ່ງພວກພະນັກງານສັນຍາຈ້າງໄດ້ ເກັບເງິນ ຈາກບໍລິສັດເກີນຈຳນວນ ປະມານ 2 ຕື້ໂດລາ. ຫ້ອງການຂອງທ່ານ ໄດ້ກ່າວວ່າ ການໃຫ້ ປາກຄຳຂອງທ່ານ Machado ແມ່ນຂໍ້ຕົກລົງໃນຄະດີອາຊະ ຍາກຳທີ່ໄດ້ຖືກເປີດເຜີຍ ຕໍ່ສາທາລະນາໂດຍສານສູງສຸດໃນວັນພຸດວານນີ້, ເຊິ່ງ “ບໍ່ມີມູນຄວາມຈິງໃດໆເລີຍ.”
ລັດຖະບານປະສົມທີ່ເປັນກາງອຽງຂວາ ຂອງທ່ານ Michel Temer ໄດ້ຖືກຕັດ ສິນເກືອບ ບໍ່ເຖິງ 1 ເດືອນຜ່ານມາ ຫຼັງຈາກມີການຟ້ອງຮ້ອງອະດີດປະທາ ນາທິບໍດີຂອງ ບຣາຊິລ ທ່ານນາງ Dilma Rousseff. ສະມາຊິກສະພາ ບຣາຊິລ ໄດ້ລົງຄະແນນສຽງເພື່ອກ່າວ ໂທດ ຕໍ່ທ່ານນາງ Rousseff ກ່ຽວກັບ ຂໍ້ຫາ ຕ່າງໆທີ່ທ່ານໄດ້ໃຊ້ເລ່ກົນດ້ານບັນຊີເພື່ອ ເຊື່ອງງົບປະມານທີ່ຂາດໄປຂອງ ບຣາ ຊິລ ໃນເວລາທີ່ທ່ານນາງໄດ້ລົງແຂ່ງຂັນເລືອກຕັ້ງເພື່ອເຂົ້າຮັບຕຳແໜ່ງຕື່ມອີກໃນປີ 2014.
