ລິ້ງ ສຳຫລັບເຂົ້າຫາ

ຊາວບຣາຊີລ ເລືອກເອົາ ທ່ານນາງ Rousseff ເປັນປະທານາທິບໍດີ ອີກນຶ່ງສະໄໝ


ປະທານາທິບໍດີຂອງບຣາຊີລ ແລະ ຫົວໜ້າພັກກຳມະກອນ​ ຫຼື Workers' Party (PT) ແລະເປັນຜູ້ສະມັກເລືອກຕັ້ງ ປະທາ ນາທິບໍດີ ທ່ານນາງ Dilma Rousseff ສະແດງຄວາມດີໃຈ ໃນລະຫວ່າງ ກອງປະຊຸມຖະແຫລງຂ່າວ ຫຼັງຈາກທີ່ມີການ ເປີດເຜີຍ ຜົນຂອງການເລືອກຕັ້ງ ໃນນະຄອນຫລວງ Brasilia, ວັນທີ 26 ຕຸລາ 2014.

ປະທານາທິບໍດີບຣາຊີ​ລ ທ່ານ​ນາງ Dilma Rousseff ​ໄດ້​ຖືກ
​ເລືອກ​ໃຫ້​ດຳລົງ​ຕຳ​ແໜ່​ງອີກ​ເປັນສະ​ໄໝ​ທີ 2 ​ເພື່ອ​ນຳພາ​ປະ​ເທດ
​ທີ່​ໃຫຍ່​ອັນ​ດັບ​ 5 ຂອງໂລກ.

ຈາກຄະ​ແນນ​ສຽງທີ່ນັບ​ແລ້ວ 98 ​ເປີ​ເຊັນນັ້ນ ທ່ານນາງ Rousseff
​ໄດ້​ຮັບ​ໄຊຊະນະດ້ວຍຄະ​ແນນ​ສຽງ 5.1 ​ເປີ​ເຊັນ ຫຼາຍກວ່າ​ຄູ່​ແຂ່ງ
ຂອງ​ທ່ານນາງ ຄື​ທ່ານ Aecio Neves ສະມາຊິກ​ສະພາສູງ ທີ່
ນິຍົມ​ຂວາກາງ.

ຜົນການ​ລົງ​ຄະ​ແນນ​ສຽງດັ່ງກ່າວ ຖືກ​ເບິ່ງເຫັນກັນຢ່າງ​ກວ້າງຂວາງ​
ວ່າ ​ເປັນ​ການ​ຮັບຮອງ​ເອົາ ພັກກຳມະກອນ​ ຂອງນາງ Rousseff ທີ່ໄດ້ຄອງ​ຕຳ​ແໜ່​ງ ປະທານາທິບໍດີ​ ມາ​ຕັ້ງ​ແຕ່​ປີ 2003.

ພາບ ການເລືອກຕັ້ງ ປະທານາທິບໍດີ ໃນບຣາຊີລ

ພັກ​ຂອງ​ນາງ ​ໄດ້​ມີ​ຜົນງານແລະ​ໄດ້​ຮັບ​ຄວາມ​ດີ​ຄວາມ​ຊອບ​ວ່າ ​ໄດ້​ຂະຫຍາຍໂຄງການ​ປະຊາ​ສົງ​ເຄາະຕ່າງ​ໆ ​ແລະຍົກ​ລະດັບປະຊາຊົນ ຫຼາຍລ້ານ​ຄົນ​ ​ອອກ​ຈາກຄວາມທຸກ​ຍາກ ​ໃຫ້​ມາ​ຢູ່ໃນ​ກຸ່ມລະດັບ​ປານ​ກາງ.

ຢ່າງ​ ໃດ​ກໍ​ຕາມ ​ການ​ຂະ​ຫຍາ​ຍຕົວ​ໃນ​ອັດຕາ​ຕ່ຳ​ຂອງເສດຖະກິດ ​ແລະ ​ເສດຖະກິດຖອຍ
ຫຼັງ ​ໄດ້​ເປັນ​ຂີດ​ໝາຍ​ຂອງໄລຍະ 4 ປີ​ຫລັງ​ຂອງ​ການ​ດຳລົງ​ຕຳ​ແໜ່​ງ​ຂອງທ່ານ​ນາງ Rousseff. ທ່ານ​ນາງ​ຍັງ​ຄົງ​ປະ​ເຊີນ​ໜ້າ​ກັບ ​ການປະ​ທ້ວງຕໍ່ຕ້ານການສໍ້​ລາດ​ບັງ​ຫລວງ
ຢ່າງໃຫຍ່ຂອງ​ປະຊາຊົນ​ ​ແລະການ​ຕຳ​ນິຕິ​ຕຽນ ກ່ຽວ​ກັບ​ການ​ໃຊ້​ຈ່າ​ຍ​ໃນ​ການຈັດງານ​ແຂ່ງຂັນ​ກິລາບານ​ໂລກ ຫຼື World Cup ​ເມື່ອ​ເດືອນ​ກໍລະກົດ​ຜ່ານ​ມານັ້ນ.

ວີດີໂອ ບັນຍາກາດ ການຖະແຫລງ ຂອງປະທານາທິບໍດີບຣາຊີລ

ຖ່າຍທອດສົດ ປ. ດໍໂນລ ທຣຳ ກ່າວຄຳປາໄສ ຕໍ່ ອົງການສະຫະປະຊາຊາດ

XS
SM
MD
LG