ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ປ. Brazil ບໍ່​ສາມາດ ຢັບຢັ້ງ ພວກປະ​ທ້ວງ ໄດ້ (ວີດິໂອ/ສະໄລດ໌)


ພວກປະທ້ວງພາກັນຮ້ອງຄໍາຂວັນ ຂໍບໍ່ໃຫ້ໃຊ້ຄວາມຮຸນແຮງ ໃນຂະນະທີ່ຕໍາຫລວດລຽນແຖວກັນເປັນສາຍ ຢືນຢູ່ທາງຫລັງ ໃນຂະນະທີ່ເຂົາເຈົ້າພາກັນປະທ້ວງ ຢູ່ນອກສະໜາມກິລາ Minerao ບ່ອນທີ່ມີການແຂ່ງຂັນເຕະບານຍາດ​ເອົາ​ຂັນ​ສະມາ​ພັນ ຫລື Conferations Cup ລະຫວ່າງຍີ່ປຸ່ນ ແລະແມັກຊິກໂກ, ໃນເມືອງ Belo Horizonte ຂອງ Brazil, ໃນວັນເສົາ ທີ 22 ມິຖຸນາ 2013.
ພວກປະທ້ວງພາກັນຮ້ອງຄໍາຂວັນ ຂໍບໍ່ໃຫ້ໃຊ້ຄວາມຮຸນແຮງ ໃນຂະນະທີ່ຕໍາຫລວດລຽນແຖວກັນເປັນສາຍ ຢືນຢູ່ທາງຫລັງ ໃນຂະນະທີ່ເຂົາເຈົ້າພາກັນປະທ້ວງ ຢູ່ນອກສະໜາມກິລາ Minerao ບ່ອນທີ່ມີການແຂ່ງຂັນເຕະບານຍາດ​ເອົາ​ຂັນ​ສະມາ​ພັນ ຫລື Conferations Cup ລະຫວ່າງຍີ່ປຸ່ນ ແລະແມັກຊິກໂກ, ໃນເມືອງ Belo Horizonte ຂອງ Brazil, ໃນວັນເສົາ ທີ 22 ມິຖຸນາ 2013.
ການຮ້ອງຂໍໃຫ້ຢູ່ໃນຄວາມສະຫງົບຂອງທ່ານນາງ Dilma
Rousseff ປະທານາທິບໍດີ Brazil ບໍ່​ໄດ້ຢັບຢັ້ງພວກປະ​
ທ້ວງທີ່ພາກັນລົງສູ່ຖະໜົນຫົນທາງອີກຄັ້ງນຶ່ງ ໃນວັນເສົາ​
ວານ​ນີ້.

ພວກປະ​ທ້ວງຫຼາຍ​ພັນ​ຄົນພາກັນຮ້ອງໂຮ ແລະໂບກປ້າຍ
ປະທ້ວງ ຢູ່ໃນ​ເມືອງ Belo Horizonte. ການໂຮມຊຸມນຸມ
ໃນລະດັບທີ່ນ້ອຍກວ່າກໍມີຂຶ້ນ ເຊັ່ນກັນ ໃນ​ວັນເສົາ​ວານ​ນີ້
ຢູ່ໃນເມືອງອື່ນໆ.

ຢູ່ຫາດ Copacabana ຂອງນະຄອນ Rio de Janeiro
ພວກເດີນ​ຂະ​ບວນໄດ້ພາກັນເອົາໝາກບານເຕະຫລາຍຮ້ອຍໜ່ວຍ ໄປວາງໄວ້ຢູ່ຕາມ​
ຫາດຊາຍ. ພວກປະທ້ວງຈໍານວນ​ນຶ່ງ​ໄດ້ແນເປົ້າໝາຍການ​ປະ​ທ້ວງ ໃສ່ຄ່າ​ໃຊ້​ຈ່າຍຂອງ Brazil ໃນ​ການ​ເປັ​ນ​ເຈົ້າພາບ​ຈັດງານມະຫະກໍາກິລາ​ເຕະບານ World Cup ໃນປີໜ້າ, ງານແຂ່ງຂັນເຕະບານຍາດ​ເອົາ​ຂັນ​ສະມາ​ພັນ ຫລື Conferations Cup ໃນເດືອນນີ້ ພ້ອມທັງ Olympic Games ລະດູຮ້ອນ ປີ 2016.

ການເດີນຂະບວນ​ປະ​ທ້ວງໃນວັນເສົາວານນີ້ ເກີດຂຶ້ນເຖິງແມ່ນວ່າ ມີການຮຽກຮ້ອງ
ຈາກປະທານາທິບໍດີ Rousseff ວ່າໃຫ້ຍຸດຕິການກໍ່ຄວາມວຸ້ນວາຍ ໃນຕອນ​ແລງວັນ
ສຸກ ນຶ່ງມື້ກ່ອນໜ້ານັ້ນກໍຕາມ.

ຢູ່ໃນຄໍາຖະແຫລງຜ່ານທາງໂທລະພາບແຫ່ງຊາດນັ້ນ ທ່ານນາງເວົ້າວ່າ ການເດີນຂະ
ບວນປະທ້ວງແບບສັນຕິ ແມ່ນສິ່ງທີ່ເຮັດໃຫ້ປະຊາທິ ປະໄຕມີຄວາມເຂັ້ມແຂງ ແຕ່ກໍ
ໃຫ້ຄໍາໝັ້ນສັນຍາວ່າ ການກໍ່ຄວາມຮຸນແຮງທີ່ກ່ຽວພັນ ກັບການປະທ້ວງ ຈະບໍ່ໄດ້ຮັບ
ການໂຍະຍານຜ່ອນຜັນໃຫ້.

ເບິ່ງວີດິໂອການຮຽກປະຊຸມສຸກເສີນຂອງປະທານາທິບໍດີ Brazil

Rousseff Convenes Brazilian Ministers Over Protests
please wait

No media source currently available

0:00 0:01:31 0:00
ລິງໂດຍກົງ

ໃນເຊົ້າວັນສຸກທີ່ຜ່ານມາ ທ່ານນາງໄດ້ຮຽກປະຊຸມຄະນະລັດຖະບານແບບຮີບດ່ວນ ເພື່ອ
ສົນທະນາຫາລືກັນກ່ຽວກັບການປະທ້ວງ.

ກອງປະຊຸມດ່ວນໄດ້ມີຂຶ້ນໃນນຶ່ງມື້ ຫລັງຈາກມີຢ່າງໜ້ອຍນຶ່ງລ້ານຄົນເດີນຂະບວນ
ປະທ້ວງ ​ແລະໂຮມຊຸມນຸມກັນຢູ່ໃນຫລາຍສິບຫົວເມືອງຢູ່ທົ່ວ Brazil ລວມທັງຢູ່ Rio
ບ່ອນທີ່ຕໍາຫລວດ ໄດ້ຍິງລະເບີດນໍ້າຕາເຂົ້າໃສ່ ພວກປະທ້ວງ.

ກະແສຟອງຂອງການເດີນຂະບວນ​ປະ​ທ້ວງ​ໄດ້​ເລີ່​ມມາຈາກ​ການ​ຂຶ້ນຄ່າ​ລົດເມ ແລະ
ຄ່າລົດໄຟໃຕ້ດິນ ແຕ່ນັບຈາກນັ້ນມາ ການປະທ້ວງໄດ້ຫັນ​ໄປແນໃສ່ສິ່ງທີ່ພວກເຂົາ
ເຈົ້າເວົ້າວ່າ ຄວາມເມີນເສີຍຂອງລັດຖະບານ ຕໍ່ການບໍລິການແກ່ສາທາລະນະຊົນ, ການເກັບພາສີສູງ ແລະ ການສໍ້​ລາດ​ບັງ​ຫຼວງຢ່າງໜັກ.

ເບິ່ງວີດິໂອກ່ຽວກັບການປະທ້ວງໃນ Brazil:
ການປະທ້ວງ ໃນບຣາຊິນ ຍັງສືບຕໍ່ ມີຕໍ່ໄປ
please wait

No media source currently available

0:00 0:00:31 0:00


ປະທານາທິບໍດີ Rousseff ໄດ້ຍົກເລີກການເດີນທາງໄປຍັງຍີ່ປຸ່ນທີ່ໄດ້ກໍານົດໄວ້ວ່າ
ຈະມີຂຶ້ນໃນອາທິດໜ້ານີ້ ເພື່ອຢູ່​ຮັບ​ມືກັບການປະທ້ວງ ຊຶ່ງເປັນການປະທ້ວງທີ່ໃຫຍ່
ທີ່ສຸດຂອງປະເທດໃນຮອບສອງທົດສະວັດຜ່ານມາ.

​ແລະ​ເຖິງ​ແມ່ນ​ມີຂ່າວວ່າ ນະຄອນ Sao Paulo ແລະ Rio de Janerio ໄດ້ປະຖິ້ມ
ແຜນການທີ່ຈະຂຶ້ນຄ່າ​ໂດຍສານຂອງ​ລະບົບ​ຂົນ​ສົ່ງ​ສາທາລະນະ​ແລ້ວກໍຕາມ ພວກ​
ປະ​ທ້ວງ​ກໍ​ຍັງ​ບໍ່​ຍອມ​ຢຸດ​ເຊົາ​ເດີນ​ຂະ​ບວນ.

ເບິ່ງປະມວນພາບການປະທ້ວງໃນ Brazil:

XS
SM
MD
LG