ລິ້ງ ສຳຫລັບເຂົ້າຫາ

ປາກົດດວ່າ ຜູ້​ລົງ​ສະມັກ​ເລືອກ​ຕັ້ງຂອງ​ພັກ​ກຳມະກອນ
ຊຶ່ງ​ເປັນ​ພັກ​ຂອງ​ລັດຖະບານ​ບຣາຊິ​ລນັ້ນ​ໄດ້​ຄະ​ແນນ​ນໍາ​ໜ້າ​
ຢ່າງ​ຫລວງຫລາຍ ​ໃນ​ການເລືອກ​ຕັ້ງ​ປະທານາທິບໍດີຮອບ
ທຳອິດ​ໃນ​ວັນ​ອາທິດ​ວານ​ນີ້ ​ແຕ່ກໍບໍ່​ພຽງພໍສໍາລັບ​ສຽງ​ສ່ວນ​
ຫລາຍເຮັດ​ໃຫ້​ຈໍາ​ເປັນ​ຕ້ອງ​ມີ​ການ​ປ່ອນ​ບັດ​ຮອບ​ສອງ​
ຫລືຮອບ​ຕັດສິນ​ຊີ້​ຂາດ​ກັນ.

ເກືອບ​ວ່າ 98% ຂອງ​ຄະ​ແນນ​ສຽງ​ແມ່ນ​ໄດ້ນັບ​ໄປ​ແລ້ວ. ​
ເຈົ້າ​ໜ້າ​ທີ່ເລື​ອກຕັ້ງ​ແຫ່ງ​ຊາດກ່າວ​ວ່າ ທ່ານນາງ Dilma
Rousseff ​ທີ່​ພະຍາຍາມເປັນຜູ້​ນໍາ​ແມ່ຍິງຄົນ​ທຳ​ອິດຂອງ​
ບຣາຊິ​ລ ໄດ້​ຄະ​ແນນ​ສຽງ 46.9% ປຽບທຽບ​ກັບຜູ້​ແຂ່ງ ຂັນ ຄືທ່ານ Jose Serra ຈາກ​ພັກສັງຄົມ​ປະຊາທິປະ​ ໄຕ ທີ່​ໄດ້​ຄະ​ແນນ​ສຽງ ພຽງ​ແຕ່ 32.6% ​ເທົ່າ​ນັ້ນ.

ສ່ວນທ່ານ​ນາງ Marina Silva ຈາກພັກ​ສີ​ຂຽວ ຊຶ່ງ​ເປັນ​ອະດີດລັດຖະມົນຕີ​ ສະພາບ​ແວດ​ລ້ອມ​ນັ້ນ ກໍ​ໄດ້​ຄະ​ແນນ​ສຽງຫລາຍຢ່າງ​ໜ້າ​ແປກ​ໃຈ ຄື​ຫລາຍ​ເຖິງ 19.3%.

ນັກ​ວິ​ເຄາະ​ການ​ເມືອງ ກ່າວ​ວ່າ ທ່ານນາງ Silva ຜູ້ຊຶ່ງ​ມີ​ເຊື້ອ​ສາຍ​ຊາວ Amazon ທີ່ແທ້ ​ຈິງ​ ​ແລະບໍ່​ສາມາດ​ອ່ານ​ອອກ​ຂຽນ​ໄດ້​ຈົນ​ກວ່າ​ອາຍຸ 16 ນັ້ນ ອາດ​ສາມາດ​ເປັນຜູ້​ຕັດສິນ​ໄດ້ ວ່າ Brazil ຈະມີ​ປະ​ທາ​ນາ​ທິບໍດີ​ແມ່ຍິງ​ຄົນ​ທໍາ​ອິດ​ຫລື​ບໍ່? ທັງ​ນີ້​ທັງ​ນັ້ນ ກໍ​ແລ້ວ​ແຕ່​ວ່າ ພັກ ຂອງທ່ານ​ນາງຈະໃຫ້ການ​ສະ​ໜັບ​ສະໜູນແກ່​ພັກ​ໃດ ​ໃນ​ການ​ເລືອກ​ຕັ້ງ​ຮອບ​ສອງ ໃນ​ວັນ​ທີ່ 31 ຕຸລານີ້.

XS
SM
MD
LG