ຊາວບຣາຊິລພາກັນໄປປ່ອນບັດໃນວັນອາທິດມື້ນີ້ ໃນ ການເລືອກຕັ້ງປະທານາທິບໍດີ ທີ່ອາດມີຜົນເຮັດໃຫ້ທ່ານ ນາງ Dilma Rousseff ຜູ້ສະມັກ ເລືອກຕັ້ງທີ່ມີຄະ ແນນນໍາໜ້ານັ້ນກາຍເປັນປະທານາທິບໍດີຍິງ ຄົນທໍາອິດຂອງບຣາຊິລ.
ຜົນການຫຍັ່ງຫາງສຽງກ່ອນການເລືອກຕັ້ງພົບວ່າ ທ່ານນາງ Rousseff ຈາກພັກ Workers’ Party ຫລືພັກຄົນງານ ຂອງລັດຖະບານ ມີຄະແນນ ນໍາໜ້າ 20 ເປີເຊັນ ເໜືອ ຄູ່ແຂ່ງຂັນທີ່ໃກ້ຊິດທີ່ສຸດຂອງທ່ານນາງ ຄື ທ່ານ Jose Serra ອະດີດເຈົ້າແຂວງໆ Sao Paulo.
ທ່ານນາງ Rousseff ເປັນອະດີດຫົວໜ້າກອງເລຂາທິ ການຂອງປະທາ ນາທິບໍດີ Luiz Inacio Lula de Silva ຜູ້ກໍາລັງຈະພົ້ນຈາກຕໍາແໜ່ງແລະສະໜັບສະໜູນ ໃຫ້ທ່ານນາງ Rousseff ເປັນຜູ້ສືບຕໍາ ແໜ່ງແທນຕົນ.
ຜົນການສໍາຫລວດຊີ້ໃຫ້ເຫັນວ່າ ທ່ານນາງ Rousseff ອາດໄດ້ຮັບຄະແນນສຽງຫລາຍ ກວ່າ 50 ເປີເຊັນ ຊຶ່ງພຽງພໍທີ່ຈະຫລີກລ່ຽງບໍ່ໃຫ້ມີການເລືອກຕັ້ງຮອບສອງ ຂັ້ນຕັດສິນ ຊີ້ຂາດກັບທ່ານ Serra ນັ້ນ.
ເວລານີ້ ການເສດຖະກິດຂອງບຣາຊິລຍັງຄອງຄວາມເຂັ້ມແຂງຢູ່ຕະຫລອດມາ ພາຍໃຕ້ ການບໍລິຫານປະເທດຂອງປະທານາທິບໍດີ da Silva ເຖິງແມ່ນໄດ້ເກີດສະພາວະເສດ ຖະກິດຕົກຕໍ່າໃນທົ່ວໂລກກໍຕາມ. ແຕ່ປະທານາທິບໍດີ de Silva ບໍ່ມີສິດລົງສະມັກ ເລືອກຕັ້ງອີກ ເນຶ່ອງຈາກວ່າທ່ານໄດ້ດໍາລົງຕໍາແໜ່ງປະທານາທິບໍດີມາໄດ້ ສອງສະໄໝ ເຕັມໆແລ້ວ.
