ພວກກູ້ໄພຢູ່ບຣາຊີລ ໄດ້ຊ່ອຍກູ້ເອົາສົບຜູ້ເສຍຊີວິດຢ່າງນ້ອຍ 5 ຄົນອອກມາຈາກຊາກຫັກ
ພັງຂອງຕຶກອາຄານ 3 ຫຼັງໃນເຂດໃຈກາງເມືອງຂອງນະຄອນຣິໂອເດິຈາເນໂຣ.
ພວກກູ້ໄພສຸກເສີນພົບເຫັນຊາກສົບທັງ 5 ໃນວັນພະຫັດວານນີ້ ຂະນະທີ່ພວກເຂົາເຈົ້າໃຊ້
ໝາສືບກິ່ນແລະອຸບປະກອນໜັກຊອກຄົ້ນຫາຕາມຊາກຂອງອາຄານທັງສາມທີ່ພັງລົງມາໃນ
ຕອນແລງຂອງຄືນວັນພຸດ.
ນອກນັ້ນຍັງມີບໍ່ຕໍ່າກວ່າ 6 ຄົນໄດ້ຮັບບາດເຈັບແລະອີກ 15 ຄົນຍັງຫາຍສາບສູນ.
ອາຄານທັງສາມທີ່ພັງລົງມາແມ່ນສູງລະຫວ່າງ 4 ຫາ 20 ຊັ້ນ. ທ່ານ Eduar-do Paes
ເຈົ້າຄອງນະຄອນຣິໂອກ່າວວ່າ ປະກົດວ່າ ການພັງລົງຂອງອາຄານທັງສາມແມ່ນເປັນຍ້ອນ
ບັນຫາດ້ານໂຄງສ້າງແລະບໍ່ແມ່ນຍ້ອນການຮົ່ວຂອງແກັສ ຕາມທີ່ໄດ້ມີການສົງໄສກັນໃນຂັ້ນ
ຕົ້ນ.
ເຈົ້າໜ້າທີ່ກ່າວຕໍ່ຕາໜ່າງໂທລະພາບ Globo ຂອງບຣາຊີລວ່າ ພວມມີການກໍ່ສ້າງຢູ່ໃນອາ
ຄານຫຼັງນຶ່ງຂອງຈຳນວນສາມຫຼັງ ແລະອາດມີສ່ວນພາໃຫ້ອາຄານເຫຼົ່ານີ້ພັງລົງ.
ເບິ່ງວີດີໂອ ການປະຕິບັດງານກູ້ໄພ ຢູ່ບ່ອນທີ່ອາຄານພັງ ໃນນະຄອນຣິໂອເດິຈາເນໂຣ.
