ການເປີດການແຂ່ງຂັນຮອບ 16 ທີມຂອງເຕະບານໂລກ ໄດ້ຜ່ານ
ໄປດ້ວຍຄວາມຕື່ນເຕັ້ນທີ່ສຸດ ໃນວັນເສົາວານນີ້ ໂດຍທີ່ Brazil
ເອົາຊະນະ Chile ໄດ້ ດ້ວຍການເຕະລູກໂທດ.
ທັງສອງທີມໄດ້ປະຊັນກັນຢ່າງດຸເດືອດ ແລະສະເໝີກັນ 1 ປະຕູຕໍ່
1 ຫຼັງຈາກໝົດເວລາ 90 ນາທີ ແລະ ຕໍ່ອີກ 30 ນາທີ ກ່ອນທີ່ຍັງ
ສະເໝີກັນ 2 ປະຕູຕໍ່ 2 ໃນການເຕະລູກໂທດກັນ.
ນັກເຕະຊື່ດັງຂອງບຣາຊີລ ທ້າວ Neymar ໄດ້ຫລອກຜູ້ຮັກສາ
ໂກລຂອງຊີເລ ທ້າວ Claudio Bravo ແລ້ວເຕະເຂົ້າໂກລ ຢ່າງ
ງ່າຍດາຍ ໃນຂະນະທີ່ນັກເຕະຂອງຊີເລ ທ້າວ Arturo Vidal
ເຕະໄປຕຳຄານໂກລອອກ. ການເຕະລູກໂທດຕັດສິນນັ້ນ ແມ່ນມອບເກມໃຫ້ທີມທີ່ເຕະ
ເຂົ້າປະຕູຫລາຍທີ່ສຸດ ໃນການເຕະ 5 ຄັ້ງ ແຕ່ຖ້າທັງສອງທີມຍັງສະເໝີກັນ ຫຼັງຈາກ
ເຕະ 5 ຄັ້ງແລ້ວ ໄຊຊະນະແມ່ນຕົກເປັນຂອງທີມ ທີ່ເຕະເຂົ້າກ່ອນ ໃນຮອບຕໍ່ໄປ.
ຊີເລເກືອບໄດ້ຮັບໄຊຊະນະໃນວິນາທີສຸດທ້າຍຂອງເວລາເພີ້ມ ແຕ່ ທ້າວ Mauricio
Pinila ເຕະໄປຕຳແຈເສົາໂກລ ຟົ້ງອອກ.
ໂກລທຳອິດຂອງທັງສອງທີມແມ່ນໄດ້ເຕະເຂົ້າໃນ ຕັ້ງທຳອິດຂອງການແຂ່ງຂັນ ຢູ່ທີ່
ເມືອງ Belo Horizonte ຂອງ ບຣາຊີລ.
ການໄດ້ຮັບໄຊຊະນະໃນຄັ້ງນີ້ ສົ່ງບຣາຊີລໄປເຂົ້າຮອບ 8 ທີມ ໂດຍອັດຕະໂນມັດ. ທີມ
ບຣາຊີລ ກຳລັງພະຍາຍາມຈະຄ້ວາເອົາຕຳແໜ່ງແຊ້ມ World Cup ຄັ້ງທີ 6 ອັນເປັນ
ປະຫວັດການນັ້ນ. ບຣາຊີລຈະໄປພົບກັບໂຄລຳເບຍ ໃນຮອບຕໍ່ໄປ ຄື ຮອບ 8 ທີມ ຫລັງ
ຈາກທີ່ ໂຄລຳເບຍ ໄດ້ຊະນະ ຢູຣາກວຍ.
ໃນການແຂ່ງຂັນຄູ່ທີ 2 ຂອງວັນເສົາມື້ວານນີ້ ໂຄລຳເບຍ ໄດ້ຮັບໄຊຊະນະເຂົ້າຮອບ 8 ທີມ ເປັນເທື່ອທຳອິດ ໃນການແຂ່ງຂັນເຕະບານໂລກ ຫລັງຈາກໄດ້ເອົາຊະນະ Uruguay 2 ປະຕູຕໍ່ 0 ທີ່ນະຄອນ Rio de Janeiro. ນັກເຕະໂຄລຳເບຍ ທ້າວ James
Rodriguez ທຳຄະແນນໄດ້ 2 ໂກລ ເຕະເຂົ້າໜຶ່ງໂກລໃນແຕ່ລະຕັ້ງ ຂອງທີມ ອູຣຸໄກວ ທີ່ຂາດນັກເຕະຊື່ດັງຂອງຕົນຄື ທ້າວ Luis Suarez ທີ່ຖືກຫ້າມຫລິ້ນ ຍ້ອນໄປກັດບ່ານັກ
ເຕະຂອງອີຕາລີ.
ນະຄອນ Rio de Janeiro ໃນມື້ວັນເສົາ ເວລາ ບຣາຊີລສູ້ກັບ ຊີເລ່:
