ຊ່ວງເວລານຶ່ງອາທິດທີ່ເຄ່ງຕຶງໄດ້ສິ້ນສຸດລົງແລ້ວ ສໍາລັບຊາວ
ເມືອງບອສຕັນ ລັດແມສຊາຈູແຊັສ ແລະເຂດຊານເມືອງ ຫລັງ
ຈາກທີ່ເຈົ້າ ໜ້າທີ່ຕໍາຫລວດ ຈັບໄດ້ຜູ້ຕ້ອງສົງໄສຄົນທີສອງ
ໃນຈໍານວນສອງຄົນໃນເຫດການວາງລະເບີດຢູ່ງານແຂ່ງແລ່ນ
ມາຣາທອນ ເມື່ອຄືນວັນສຸກວານນີ້ ຫລືຕອນເຊົ້າຂອງວັນເສົາ
ຕາມເວລາໃນປະເທດລາວ.
ການຈັບຜູ້ຕ້ອງສົງໄສ ທ້າວ Dzhokhar Tsarnaev ອາຍຸ 19
ປີ ແມ່ນຕິດຕາມມາຫລັງຈາກການຫ້າມຊາວເມືອງໃນເຂດສ່ວນ
ໃຫຍ່ຂອງບອສຕັນ ອອກຈາກບ້ານເຮືອນ ໃນວັນພະຫັດແລະ
ວັນສຸກ ຊຶ່ງເປັນສິ່ງ ທີ່ບໍ່ເຄີຍມີມາກ່ອນໃນຂະນະທີ່ເຈົ້າໜ້າທີ່
ຊອກຄົ້ນຫາທ້າວ Dzhokhar ທີ່ພະຍາຍາມຫລົບໜີ ຫລັງຈາກ
ອ້າຍຂອງຜູ້ກ່ຽວທ້າວTamerlan ອາຍຸ 26 ປີ ໄດ້ເສຍຊີວິດໃນການຍິງຕໍ່ສູ້ກັນກັບຕໍາຫລວດ ໃນຄືນວັນພະຫັດ.
ຕໍາຫລວດໄດ້ຕ້ອນທ້າວ Dzhokhar ໄປຈົນມຸມ ຢູ່ເຮືອນຫລັງນຶ່ງ ໃນເມືອງ Watertown ຊຶ່ງຜູ້ກ່ຽວໄປລີ້ຢູ່ ໃນເຮືອນ້ອຍລໍານຶ່ງ ທີ່ຈອດໄວ້ ຢູ່ເດີ່ນຫລັງບ້ານ.
ຜູ້ກ່ຽວຖືກຈັບ ຫລັງຈາກຍິງຕໍ່ສູ້ກັບຕໍາຫລວດ ແລະໄດ້ຮັບບາດເຈັບ ອາການສາຫັດ ມາກ່ອນແລ້ວ ໃນການຍິງຕໍ່ສູ້ກັບຕໍາ ຫລວດໃນຄືນວັນພະຫັດ ຊຶ່ງຜູ້ເປັນອ້າຍຖືກຍິງຕາຍ
ແລະທ້າວ Dzhokhar ແລ່ນຫລົບໜີໄປລີ້ຢູ່ໃນເຮືອ ຢູ່ເດີ່ນຫລັງບ້ານຂອງເຮືອນຫລັງນຶ່ງ. ການຈັບໂຕຜູ້ຕ້ອງສົງໄສຄົນທີສອງໄດ້ພາໃຫ້ມີການສະຫລອງສະແດງຄວາມດີໃຈ ຢ່າງ ໃຫຍ່ ຢູ່ໃນເມືອງ Watertown ບ່ອນເຂົາຖືກຈັບນັ້ນ.
ປະຊາຊົນຜູ້ຢືນເບິ່ງ ພາກັນສົ່ງສຽງໂຮເຊຍ ຕໍາຫລວດ ແລະເຈົ້າໜ້າທີ່ FBI ຂະນະທີ່
ເຂົາເຈົ້າຂັບລົດ ເອົາໂຕ ທ້າວ Dzhokhar ອອກຈາກເມືອງ Watertown ໄປ.
ປະຊາຊົນກໍພາກັນສະຫລອງເຊ່ນກັນ ໃນນະຄອນບອສຕັນ ບ່ອນທີ່ມີສາມຄົນເສຍຊີວິດ
ໃນເຫດລະເບີດສອງບັ້ນຕິດໆກັນ ທີ່ ທ້າວ Dzhokhar ກັບອ້າຍ ເປັນຄົນເອົາໄປວາງໄວ້
ຢູ່ແຄມທາງແລ່ນມາຣາທອນ ໃກ້ກັບເສ້ນໄຊ ໃນມື້ວັນຈັນນັ້ນ. ມີຫລາຍກ່ວາ 170 ໄດ້ຮັບບາດເຈັບ ຫລາຍໆຄົນມີອາການສາຫັດ ແຂນກຸດຂາຂາດກໍມີ.
ໃນການຖະແຫລງຕໍ່ບັນດານັກຂ່າວຢູ່ທໍານຽບຂາວຄືນວັນສຸກ ຫລັງຈາກຜູ້ຕ້ອງສົງໄສຖືກ ຈັບໄດ້ນັ້ນ ປະທານາທິບໍດີ Barack Obama ກ່າວ ວ່າ ປະເທດຊາດເປັນໜີ້ ປະຊາຊົນ
ແຫ່ງເມືອງເມືອງ Boston ແລະ ລັດ Massachusett ແລະບັນດາຜູ້ທີ່ທ່ານເອີ້ນວ່າ ເຈົ້າໜ້າທີ່ປະຕິບັດກົດໝາຍມືອາຊີບ ທີ່ປະຕິບັດງານຢ່າງດີເລີດ.
ທ່ານໂອບາມາ ກ່າວວ່າ ຜູ້ວາງລະເບີດທັງສອງປະສົບກັບຄວາມລົ້ມແຫລວ ກໍຍ້ອນວ່າ
ປະຊາຊົນອາເມຣິກັນບໍ່ຍອມກົ້ມຫົວ ໃຫ້ແກ່ການກໍ່ການຮ້າຍ. ແຕ່ທ່ານກ່າວຕື່ມວ່າ ຍັງຈະຕ້ອງໄດ້ຖ້າເບິ່ງອີກຢູ່ວ່າ ການວາງລະເບີດນັ້ນເກີດ ຂຶ້ນໄດ້ແນວໃດ ແລະຍ້ອນຫຍັງ?
ຕໍາຫລວດໄດ້ລະບຸຊື່ຜູ້ຕ້ອງສົງໄສສອງອ້າຍນ້ອງ ໃນຕອນແລງວັນພະຫັດ ຫລັງຈາກ FBI ເອົາຮູບຂອງທັງສອງຄົນ ຈາກກ້ອງວົງຈອນປິດ ອອກເຜີຍແຜ່ ໃນຄວາມຫວັງວ່າ ຈະມີຄົນຈື່ພວກກ່ຽວໄດ້. FBI ກ່າວວ່າ ຕົນມີຮູບວີດິໂອຂອງທ້າວ Dzhokhar ເອົາຖົງເປ້ ໄປວາງໄວ້ຢູ່ແຄມທາງ ກ່ອນເກີດເຫດລະເບີດ.
ທ້າວ Tamerlan ຜູ້ອ້າຍໄດ້ຖືກຍິງຕາຍ ໃນການຍິງຕໍ່ສູ້ກັນກັບຕໍາຫລວດ ຫລັງຈາກທີ່ທັງສອງຄົນໄດ້ສັງຫານເຈົ້າໜ້າທີ່ຮັກສາຄວາມປອດໄພໃຫ້ມະຫາວິທະຍາໄລເທັກໂນໂລຈີຂອງລັດແມສຊາຈູແຊັສ ຫລື MIT. ຕໍາຫລວດກ່າວວ່າ ທັງສອງຍັງໄດ້ຈີ້ລົດຄັນນຶ່ງໄປ ແລະແກ່ວງລະເບີດໃສ່ຕໍາຫລວດ ໃນລະຫວ່າງການໄລ່ລ່າກັນນັ້ນ.
ທັງສອງອ້າຍນ້ອງເປັນຊາວ Chechnia ທີ່ເຂົ້າມຢູ່ສະຫະລັດໃນເຂດ ນະຄອນບອສຕັນ ຕັ້ງແຕ່ຍັງນ້ອຍ.
ເມືອງບອສຕັນ ລັດແມສຊາຈູແຊັສ ແລະເຂດຊານເມືອງ ຫລັງ
ຈາກທີ່ເຈົ້າ ໜ້າທີ່ຕໍາຫລວດ ຈັບໄດ້ຜູ້ຕ້ອງສົງໄສຄົນທີສອງ
ໃນຈໍານວນສອງຄົນໃນເຫດການວາງລະເບີດຢູ່ງານແຂ່ງແລ່ນ
ມາຣາທອນ ເມື່ອຄືນວັນສຸກວານນີ້ ຫລືຕອນເຊົ້າຂອງວັນເສົາ
ຕາມເວລາໃນປະເທດລາວ.
ການຈັບຜູ້ຕ້ອງສົງໄສ ທ້າວ Dzhokhar Tsarnaev ອາຍຸ 19
ປີ ແມ່ນຕິດຕາມມາຫລັງຈາກການຫ້າມຊາວເມືອງໃນເຂດສ່ວນ
ໃຫຍ່ຂອງບອສຕັນ ອອກຈາກບ້ານເຮືອນ ໃນວັນພະຫັດແລະ
ວັນສຸກ ຊຶ່ງເປັນສິ່ງ ທີ່ບໍ່ເຄີຍມີມາກ່ອນໃນຂະນະທີ່ເຈົ້າໜ້າທີ່
ຊອກຄົ້ນຫາທ້າວ Dzhokhar ທີ່ພະຍາຍາມຫລົບໜີ ຫລັງຈາກ
ອ້າຍຂອງຜູ້ກ່ຽວທ້າວTamerlan ອາຍຸ 26 ປີ ໄດ້ເສຍຊີວິດໃນການຍິງຕໍ່ສູ້ກັນກັບຕໍາຫລວດ ໃນຄືນວັນພະຫັດ.
ຕໍາຫລວດໄດ້ຕ້ອນທ້າວ Dzhokhar ໄປຈົນມຸມ ຢູ່ເຮືອນຫລັງນຶ່ງ ໃນເມືອງ Watertown ຊຶ່ງຜູ້ກ່ຽວໄປລີ້ຢູ່ ໃນເຮືອນ້ອຍລໍານຶ່ງ ທີ່ຈອດໄວ້ ຢູ່ເດີ່ນຫລັງບ້ານ.
ຜູ້ກ່ຽວຖືກຈັບ ຫລັງຈາກຍິງຕໍ່ສູ້ກັບຕໍາຫລວດ ແລະໄດ້ຮັບບາດເຈັບ ອາການສາຫັດ ມາກ່ອນແລ້ວ ໃນການຍິງຕໍ່ສູ້ກັບຕໍາ ຫລວດໃນຄືນວັນພະຫັດ ຊຶ່ງຜູ້ເປັນອ້າຍຖືກຍິງຕາຍ
ແລະທ້າວ Dzhokhar ແລ່ນຫລົບໜີໄປລີ້ຢູ່ໃນເຮືອ ຢູ່ເດີ່ນຫລັງບ້ານຂອງເຮືອນຫລັງນຶ່ງ. ການຈັບໂຕຜູ້ຕ້ອງສົງໄສຄົນທີສອງໄດ້ພາໃຫ້ມີການສະຫລອງສະແດງຄວາມດີໃຈ ຢ່າງ ໃຫຍ່ ຢູ່ໃນເມືອງ Watertown ບ່ອນເຂົາຖືກຈັບນັ້ນ.
ປະຊາຊົນຜູ້ຢືນເບິ່ງ ພາກັນສົ່ງສຽງໂຮເຊຍ ຕໍາຫລວດ ແລະເຈົ້າໜ້າທີ່ FBI ຂະນະທີ່
ເຂົາເຈົ້າຂັບລົດ ເອົາໂຕ ທ້າວ Dzhokhar ອອກຈາກເມືອງ Watertown ໄປ.
ປະຊາຊົນກໍພາກັນສະຫລອງເຊ່ນກັນ ໃນນະຄອນບອສຕັນ ບ່ອນທີ່ມີສາມຄົນເສຍຊີວິດ
ໃນເຫດລະເບີດສອງບັ້ນຕິດໆກັນ ທີ່ ທ້າວ Dzhokhar ກັບອ້າຍ ເປັນຄົນເອົາໄປວາງໄວ້
ຢູ່ແຄມທາງແລ່ນມາຣາທອນ ໃກ້ກັບເສ້ນໄຊ ໃນມື້ວັນຈັນນັ້ນ. ມີຫລາຍກ່ວາ 170 ໄດ້ຮັບບາດເຈັບ ຫລາຍໆຄົນມີອາການສາຫັດ ແຂນກຸດຂາຂາດກໍມີ.
ໃນການຖະແຫລງຕໍ່ບັນດານັກຂ່າວຢູ່ທໍານຽບຂາວຄືນວັນສຸກ ຫລັງຈາກຜູ້ຕ້ອງສົງໄສຖືກ ຈັບໄດ້ນັ້ນ ປະທານາທິບໍດີ Barack Obama ກ່າວ ວ່າ ປະເທດຊາດເປັນໜີ້ ປະຊາຊົນ
ແຫ່ງເມືອງເມືອງ Boston ແລະ ລັດ Massachusett ແລະບັນດາຜູ້ທີ່ທ່ານເອີ້ນວ່າ ເຈົ້າໜ້າທີ່ປະຕິບັດກົດໝາຍມືອາຊີບ ທີ່ປະຕິບັດງານຢ່າງດີເລີດ.
ທ່ານໂອບາມາ ກ່າວວ່າ ຜູ້ວາງລະເບີດທັງສອງປະສົບກັບຄວາມລົ້ມແຫລວ ກໍຍ້ອນວ່າ
ປະຊາຊົນອາເມຣິກັນບໍ່ຍອມກົ້ມຫົວ ໃຫ້ແກ່ການກໍ່ການຮ້າຍ. ແຕ່ທ່ານກ່າວຕື່ມວ່າ ຍັງຈະຕ້ອງໄດ້ຖ້າເບິ່ງອີກຢູ່ວ່າ ການວາງລະເບີດນັ້ນເກີດ ຂຶ້ນໄດ້ແນວໃດ ແລະຍ້ອນຫຍັງ?
ຕໍາຫລວດໄດ້ລະບຸຊື່ຜູ້ຕ້ອງສົງໄສສອງອ້າຍນ້ອງ ໃນຕອນແລງວັນພະຫັດ ຫລັງຈາກ FBI ເອົາຮູບຂອງທັງສອງຄົນ ຈາກກ້ອງວົງຈອນປິດ ອອກເຜີຍແຜ່ ໃນຄວາມຫວັງວ່າ ຈະມີຄົນຈື່ພວກກ່ຽວໄດ້. FBI ກ່າວວ່າ ຕົນມີຮູບວີດິໂອຂອງທ້າວ Dzhokhar ເອົາຖົງເປ້ ໄປວາງໄວ້ຢູ່ແຄມທາງ ກ່ອນເກີດເຫດລະເບີດ.
ທ້າວ Tamerlan ຜູ້ອ້າຍໄດ້ຖືກຍິງຕາຍ ໃນການຍິງຕໍ່ສູ້ກັນກັບຕໍາຫລວດ ຫລັງຈາກທີ່ທັງສອງຄົນໄດ້ສັງຫານເຈົ້າໜ້າທີ່ຮັກສາຄວາມປອດໄພໃຫ້ມະຫາວິທະຍາໄລເທັກໂນໂລຈີຂອງລັດແມສຊາຈູແຊັສ ຫລື MIT. ຕໍາຫລວດກ່າວວ່າ ທັງສອງຍັງໄດ້ຈີ້ລົດຄັນນຶ່ງໄປ ແລະແກ່ວງລະເບີດໃສ່ຕໍາຫລວດ ໃນລະຫວ່າງການໄລ່ລ່າກັນນັ້ນ.
ທັງສອງອ້າຍນ້ອງເປັນຊາວ Chechnia ທີ່ເຂົ້າມຢູ່ສະຫະລັດໃນເຂດ ນະຄອນບອສຕັນ ຕັ້ງແຕ່ຍັງນ້ອຍ.
