ທະຫານ ຊີເຣຍ ພະຍາຍາມ ຍຶດຄືນ ເຂດຄວບຄຸມ ຂອງ ພວກກະບົດ

ບັນດາ​ນັກ​ເຄື່ອນ​ໄຫວ​ຊີ​ເຣຍກ່າວ​ວ່າ ທ​ະຫານ​ໄດ້ຍິງໂຈມ​ຕີສອງ
​ຄຸ້ມ​ໃນ​ເຂດຊານ​ເມືອງຂອງ​ນະຄອນຫຼວງ Damascus ​ແລະ​ສົ່ງ​
ກໍາລັງ​ໄປສະໜັບສະ​ໜຸນ​ ​ໃນ​ຄວາມ​ພະຍາຍາມ​ເພື່ອຈະ​ເຂົ້າຢຶດ
ຄືນ ​ເອົາເຂດ​ແດນ​ທີ່​ພວກ​ກະບົດ​ຄວບ​ຄຸມ​ຢູ່​ນັ້ນ.

ກຸ່ມ​ສີ້​ງຊອມ​ສິດທິ​ມະນຸດ​ໃນ​ຊີ​ເຣຍ ກ່າ​ວ​ໃນ​ວັນ​ສຸກ​ນີ້​ວ່າ ທະຫານ​ໄດ້​ຍິງ​ລູກ​ຈະ​ຫລວດ​ໄປ​ໃສ່ທີ່​ໝັ້ນ​ຂອງ​ພວກ​ກະບົດໃນ​ຄຸ້ມ Daraya ​ແລະຄຸ້ມ Moadamiah ຊຶ່ງ​ເປັນ​ເຂດ​ຊາ​ນ​ເມືອງທີ່​ຕັ້ງຢູ່​ທາງ​ພາກ​ຕາ​ເວັນ​ຕົກ​ສຽງ​ໃຕ້​ຂອງ​ນະຄອນຫລວງ.

ກຸ່ມສິ້ງຊອດ​ສິດທິ​ມະນຸດ ກ່າວ​ຕື່ມວ່າ ຕົນ​ມີ​ຄວາມ​ຢ້ານ​ກົວ​ວ່າ ກອງ​ທະ​ຫານ​ທີ່ໂຮມ​ຊຸມນຸມ​ກັນໃນ​ເຂດ​ຊານ​ເມືອງ​ນັ້ນອາດຈະ​ເປັນ​ການ​ຕຽ​ມ​ເພື່ອ​ເປີດ​ສາກໂຈ​ມຕີ​ທາງ​ພາກ​ພື້ນ​ດິນກໍ​ເປັນໄດ້.

​ໃນ​ວັນ​ພະຫັດ​ວານນີ້ ທູດ​ສັນຕິ​ພາບ​ຂອງອົງການ​ສະຫະ​ປະຊາ​ຊາດ ທ່ານ Lakhdar Brahimi ກ່າວ​ວ່າ ສະຫະລັດ ແລະຣັດ​ເຊຍ​ ໄດ້ຕົກລົງເຖິງ​ຄວາມ​ຈຳ​ເປັນ​ເພື່ອ​ຊອກ​ຫາ​ຊ່ອງ​ທາງ “​ການ​ແກ້​ໄຂແບບ​ສ້າງສັນ” ທີ່​ຈະ​ຊ່ວຍ​ໃຫ້​ຊີ​ເຣຍກັບພົ້ນຈາກ​ຄວາມ​ຫາ​ຍານະ.

ທ່ານ Brihimi ​ໄດ້ພົບ​ປະ​ແບບ​ສາມ​ຝ່າຍ​ກັບ ລັດຖະມົນ​ຕີ​ການ​ຕ່າງປະ​ເທດສະຫະລັດ ທ່ານ​ນາງ Hillary Clinton ​ແລະ​ລັດຖະມົນຕີ​ການ​ຕ່າງປະ​ເທດຣັດ​ເຊຍ ທ່ານ Sergei Lavrov ຢູ່​ນອກກອງ​ປະຊຸມ​ສິດ ທິ​ມະນຸດ ທີ່ນະຄອນ Dublin ​ໃນ​ຕອນ​ເຊົ້າ​ວັນ​ພະຫັດວານ​ນີ້.