ແຫຼ່ງຂ່າວທ້ອງຖິ່ນໃນຊີເຣຍ ແລະບັນດາກຸ່ມສິດທິ ເວົ້າວ່າ ເຮືອບິນເຮລິຄອບເຕີຂອງ ກອງທັບຊີເຣຍ ໄດ້ຖິ້ມລະເບີດ ລົງໃສ່ເຂດທີ່ຍຶດຄອງໂດຍກຸ່ມຕໍ່ຕ້ານ ທີ່ເມືອງ Aleppo ທາງພາກເໜືອຂອງປະເທດ.
ຮູບວີດີໂອສະໝັກຫຼິ້ນ ທີ່ລົງໃນເວັບໄຊ້ ທີ່ກ່າວກັນວ່າຖ່າຍຢູ່ໃນ
ເຂດທີ່ຖືກລະເບີດ ສະແດງໃຫ້ເຫັນພວກຄົນ ພາກັນຊອກຄົ້ນຕາມສິ່ງຫັກພັງທີ່ຖືກໄຟໃໝ້ ເມື່ອວັນເສົາວານນີ້.
ເຫດການຖິ້ມລະເບີດດັ່ງກ່າວ ມີຂຶ້ນໃນຂະນະດຽວກັນກັບທີ່ທ່ານພັນ ຄີມູນ ເລຂາທິການໃຫຍ່ຢູເອັນ ເອີ້ນສະຖານະການໃນຊີເຣຍວ່າ “ເປັນສິ່ງທ້າທາຍດ້ານຄວາມໝັ້ນຄົງອັນຮີບດ່ວນທີ່ສຸດຂອງໂລກໃນປັດຈຸບັນນີ້.”
ທ່ານພັນ ຄີມູນ ເວົ້າວ່າ ທ່ານໄດ້ໂອ້ລົມກັບ ທ່ານ Lakhdar Brajhimi ຜູ້ໄກ່ເກ່ຍຂອງຢູເອັນ ພ້ອມກັບທ່ານ ຈອນ ແຄຣີ ລັດຖະມົນຕີຕ່າງປະເທດສະຫະລັດ ແລະທ່ານ Sergei Lavrov ລັດຖະມົນຕີຕ່າງປະເທດ ຣັດເຊຍ ເພື່ອຮຽກຮ້ອງໃຫ້ພວກເຂົາເຈົ້າໃຊ້ອິດທິພົນ ຕໍ່ພວກທີ່ທໍາສົງຄາມກັນນັ້ນ ໃຫ້ກັບຄືນມາ ເຈລະຈາສັນຕິພາບກັນ ໃນວັນທີ 10 ກຸມພານີ້.
ທ່ານພັນ ຄີມູນ ຍັງໄດ້ຮຽກຮ້ອງໃຫ້ທັງສອງຝ່າຍ ໂດຍສະເພາະລັດຖະບານຊີເຣຍ ໃຫ້ອະນຸ
ຍາດໂດຍບໍ່ມີເງື່ອນໄຂ ໃຫ້ພວກຊ່ວຍເຫຼືອເຂົ້າໄປເຖິງພວກຄົນທີ່ຕິດຄ້າງ ຢູ່ເຂດປິດກັ້ນ ທີ່ການຊ່ວຍເຫຼືອເຂົ້າໄປບໍ່ໄດ້ນັ້ນ.
ການເຈລະຈາສັນຕິພາບຮອບທໍາອິດ ລະຫວ່າງພວກຝ່າຍສູ້ລົບກັນຂອງຊີເຣຍ ໄດ້ສິ້ນສຸດລົງເມື່ອວັນສຸກຜ່ານມານີ້ໂດຍບໍ່ມີຄວາມຄືບໜ້າໃດໆ ແຕ່ກໍໄດ້ປູພື້ນຖານໄວ້ສໍາລັບ ການເຈລະຈາກັນໃນອະນາຄົດ ທີ່ຄາດວ່າຈະມີຂຶ້ນໃນເດືອນໜ້ານີ້.
ຮູບວີດີໂອສະໝັກຫຼິ້ນ ທີ່ລົງໃນເວັບໄຊ້ ທີ່ກ່າວກັນວ່າຖ່າຍຢູ່ໃນ
ເຂດທີ່ຖືກລະເບີດ ສະແດງໃຫ້ເຫັນພວກຄົນ ພາກັນຊອກຄົ້ນຕາມສິ່ງຫັກພັງທີ່ຖືກໄຟໃໝ້ ເມື່ອວັນເສົາວານນີ້.
ເຫດການຖິ້ມລະເບີດດັ່ງກ່າວ ມີຂຶ້ນໃນຂະນະດຽວກັນກັບທີ່ທ່ານພັນ ຄີມູນ ເລຂາທິການໃຫຍ່ຢູເອັນ ເອີ້ນສະຖານະການໃນຊີເຣຍວ່າ “ເປັນສິ່ງທ້າທາຍດ້ານຄວາມໝັ້ນຄົງອັນຮີບດ່ວນທີ່ສຸດຂອງໂລກໃນປັດຈຸບັນນີ້.”
ທ່ານພັນ ຄີມູນ ເວົ້າວ່າ ທ່ານໄດ້ໂອ້ລົມກັບ ທ່ານ Lakhdar Brajhimi ຜູ້ໄກ່ເກ່ຍຂອງຢູເອັນ ພ້ອມກັບທ່ານ ຈອນ ແຄຣີ ລັດຖະມົນຕີຕ່າງປະເທດສະຫະລັດ ແລະທ່ານ Sergei Lavrov ລັດຖະມົນຕີຕ່າງປະເທດ ຣັດເຊຍ ເພື່ອຮຽກຮ້ອງໃຫ້ພວກເຂົາເຈົ້າໃຊ້ອິດທິພົນ ຕໍ່ພວກທີ່ທໍາສົງຄາມກັນນັ້ນ ໃຫ້ກັບຄືນມາ ເຈລະຈາສັນຕິພາບກັນ ໃນວັນທີ 10 ກຸມພານີ້.
ທ່ານພັນ ຄີມູນ ຍັງໄດ້ຮຽກຮ້ອງໃຫ້ທັງສອງຝ່າຍ ໂດຍສະເພາະລັດຖະບານຊີເຣຍ ໃຫ້ອະນຸ
ຍາດໂດຍບໍ່ມີເງື່ອນໄຂ ໃຫ້ພວກຊ່ວຍເຫຼືອເຂົ້າໄປເຖິງພວກຄົນທີ່ຕິດຄ້າງ ຢູ່ເຂດປິດກັ້ນ ທີ່ການຊ່ວຍເຫຼືອເຂົ້າໄປບໍ່ໄດ້ນັ້ນ.
ການເຈລະຈາສັນຕິພາບຮອບທໍາອິດ ລະຫວ່າງພວກຝ່າຍສູ້ລົບກັນຂອງຊີເຣຍ ໄດ້ສິ້ນສຸດລົງເມື່ອວັນສຸກຜ່ານມານີ້ໂດຍບໍ່ມີຄວາມຄືບໜ້າໃດໆ ແຕ່ກໍໄດ້ປູພື້ນຖານໄວ້ສໍາລັບ ການເຈລະຈາກັນໃນອະນາຄົດ ທີ່ຄາດວ່າຈະມີຂຶ້ນໃນເດືອນໜ້ານີ້.
