ລິ້ງ ສຳຫລັບເຂົ້າຫາ

6 ຄົນ ເສຍຊີວິດ ຍ້ອນ ການໂຈມຕີ ດ້ວຍປືນຄົກ ໃນອີຣັກ


ຕຳຫຼວດ ລັດຖະບານກາງ ອີຣັກ ພວມຄົ້ນລົດຄັນນຶ່ງ ທີ່ດ່ານກວດ ໃນກຸງແບັກແດດ (23 ມັງກອນ 2014)
ບັນດາ​ເຈົ້າ​ໜ້າ​ທີ່ອີຣັກ ກ່າວວ່າ ການຍິງ​ປືນຄົກໂຈມຕີ ​ໄດ້​ສັງ
ຫານ​ຫົກ​ຄົນ ​ໃນ​ວັນ​ເສົາ​ມື້​ນີ້ ທີ່​ໝູ່​ບ້ານ​ຂອງ​ຊາວມຸສລິ​ມ
Shi’ite ໃກ້​ກັບ​ເມືອງ Baquba.

ຜູ້​ໄດ້​ຮັບ​ເຄາະ​ຮ້າຍ ແມ່ນ​ສະ​ມາ​ຊິກ​ຫ້າ​ຄົນ ​ໃນ​ຄອບຄົວ​ດຽວ​
ກັນ ພ້ອມ​ດ້ວຍ​ຜູ້ ຍິງ​ນຶ່ງ​ຄົນ ​ແລະ​ເດັກນ້ອຍ​ຜູ້​ຊາຍ ທີ່​ຮວມ​ຢູ່
ໃນບັນດາ​ຜູ້​ເສຍ​ຊີວິດ.

ຍັງ​ບໍ່​ທັນມີການອ້າງ​ເອົາ​ຄວາມ​ຮັບຜິດຊອບ ຈາກ​ການຍິງປືນ
ຄົນໂຈມຕີໃນຄັ້ງນີ້ ເທື່ອ.

ການ​ໂຈມຕີ​ທີ່​ຮ້າຍ​ແຮງ ຢູ່​ທາງພາກຕາເວັນອອກສຽງ​ເໜືອ​ຂອງ​ນະຄອນ​ຫລວງ​ Baghdad
ແມ່ນ​ເຫດຮ້າຍເທື່ອຫລ້າ​ສຸດ ຂອງຄວາ​ມຮຸນ​ແຮງ​ທີ່ເພີ້ມທະວີຂຶ້ນໃນ​ໄລຍະຫລາຍ​ເດືອນ
ຜ່ານ​ມານີ້ ​ຢູ່ໃນອີຣັກ.

ຫລາຍ​ຮ້ອຍ​ຄົນ​ໄດ້ເສຍ​ຊີວິດ​ໃນ​ເດືອນນີ້ພຽງເດືອນ​ດຽວ​ເທົ່າ​ນັ້ນ ​ສ່ວນໃຫຍ່ແມ່ນ ​ໃນການ
​ປະ​ທະ​ກັນ ລະຫວ່າງພວກມຸສລິມນິກາຍ Sunni ​ແລະນິກາຍ Shi’ite.
XS
SM
MD
LG