ລິ້ງ ສຳຫລັບເຂົ້າຫາ

22 ຄົນ ເສຍຊີວິດ ຍ້ອນ ເຫດລະເບີດ ຢູ່ອີຣັກ (ວີດີໂອ)


ລະ​ເບີດ​ລົດ​ຄັນ​ນຶ່ງ ແຕກ​ຂື້ນ ​ຢູ່​ໃກ້​ກັບ​ບ່ອນ​ໂຮມ​ຊຸມ​ນຸມຂອງຊາວ Sunni ໃນ​ເມືອງ Samarra ທາງພາກ​ເໜືອ​ຂອງກຸງ Baghdad ​
ວັນ​ແຫ່ງ​ຄວາມ​ຮຸນ​ແຮງ​ໃນອີຣັກ ​ໄດ້ເຮັດ​ໃຫ້​ມີ​ຜູ້​ເສຍ​ຊີວິດ​ຢ່າງ​
ໜ້ອຍ 22 ຄົນ ​ໃນ​ວັນ​ສຸກວານ​ນີ້ ​ໃນ​ຂະນະ​ທີ່​ຄວາມ​ເຄັ່ງ​ຕຶງ ລະ
ຫວ່າງພວກ​ທີ່​ນັບຖື​ສາສະໜາ ອິສລາມ​ນິກາຍ Shi’ites ​ແລະ
ນິກາຍ Sunny ກຸ່ມ​ນ້ອຍ ຍັງ​ດໍາ​ເນີນຢູ່​ຕໍ່​ມາ.

ຜູ້ໂຈມ​ຕີ​ສະລະ​ຊີບຄົນ​ນຶ່ງ ​ໄດ້​ບີບ​ຂະ​ນວນ​ລະ​ເບີດ​ໃຫ້​ແຕກ​ຂຶ້ນ
ຢູ່​ນອກ​ວັດ​ຂອງ​ຊາວ Shi’ite ​ຢູ່​ຄຸ້ມ Graiaat ໃນ​ກຸງ Baghdad
​ເຮັດ​ໃຫ້​ມີ​ຜູ້​ເສຍ​ຊີວິດ 15 ຄົນ ​ແລະ​ໄດ້​ຮັບ​ບາດ​ເຈັບ 32 ຄົນ.

ລະ​ເບີດ​ລົດ​ຄັນ​ນຶ່ງທີ່ແຕກ​ຂື້ນ​ຢູ່​ໃກ້​ກັບ​ບ່ອນ​ໂຮມ​ຊຸມ​ນຸມຂອງຊາວ
Sunni ໃນ​ເມືອງ Samarra ທາງພາກ​ເໜືອ​ຂອງ ກຸງ Baghdad
​ເຮັດ​ໃຫ້​ມີ​ຜູ້​ເສຍ​ຊີວິດ 7 ຄົນ​.

ຍັງ​ບໍ່​ທັນ​ມີ​ກຸ່ມ​ໃດ​ອ້າງ​ເອົາ​ຄວາມຮັບ​ຜິ​ດຊອບ ​ໃນການ​ໂຈມ​ຕີ
​ດັ່ງກ່າວນີ້​ເທື່ອ. ຊາວ​ອີ​ຣັກ​ໄດ້​ເຫັນ​ຄວາມ​ຮຸນ​ແຮງ​ທີ່​ຮ້າຍ​ແຮງ​
ສຸດຈໍານວນ​ນຶ່ງ​ເກີດ​ຂຶ້ນໃນ​ຮອບສີ່​ປີ ​ໃນ​ຂະນະ​ທີ່​ຄວາມ​ໂກດ​
ແຄ້ນ​ຂອງ​ຊາວ Sunni ກຸ່​ມນ້ອຍພວມ​ເພີ້​ມທະວີຂື້ນ ນັ້ນ.

ຊາວ Sunni ຫລາຍ​ຄົນ​ກ່າວ​ວ່າ ລັດຖະບານທີ່​ນໍາພາ​ໂດຍ​ຊາວ Shi’ite ນັ້ນ​ບໍ່​ຫົວຊາ​ນໍາ​ຄວາມ​ຕ້ອງການ​ຂອງ​ພວກເຂົາ​ເຈົ້າ ​ແລະກໍ​ບໍ່​ໄດ້​ໃຫ້​ຄວາມ​ສຳຄັນ​ທາງ​ດ້ານ​ການ​ເມືອງ​ຕໍ່​ພວກ​ເຂົາ​ເຈົ້າ​ແຕ່​ຢ່າງ​ໃດ​ເລີຍ.

ສະຫະ​ປະຊາ​ຊາດກ່າວ​ວ່າ ຄວາມ​ຮຸນແຮງໃນ​ອີຣັກ ​ໄດ້​ສັງຫານ​ຫລາຍກ​ວ່າ 2,500 ຄົນ​ ນັບ​ຕັ້ງ​ແຕ່​ເດືອນ​ເມສາ ​ເປັນ​ຕົ້ນມາ.

XS
SM
MD
LG