ພາຍຸຂະໜາດໃຫຍ່ທີ່ພັດຜ່ານພາກຕາເວັນອອກສຽງເໜືອຂອງ ສະຫະລັດ ໃນແລງວັນອັງຄານວານນີ້, ໂດຍພັດຖະຫຼົ່ມພາກພື້ນດັ່ງກ່າວດ້ວຍລົມທີ່ແຮງ ແລະ ຝົນ ແລະ ກໍ່ໃຫ້ເກີດໄຟຟ້າມອດຢ່າງກວ້າງຂວາງ ແລະ ຕົ້ນໄມ້ລົ້ມທີ່ໄດ້ເຮັດໃຫ້ຢ່າງໜ້ອຍຄົນນຶ່ງເສຍຊີວິດ.
ສູນຄາດຄະເນສະພາບອາກາດ ໄດ້ປະກາດຄວາມສ່ຽງຈາກຝົນຕົກໜັກຈົນຮອດວັນສຸກນີ້ ແລະ ອອກຄຳເຕືອນກ່ຽວກັບ ລົມທີ່ມີກຳລັງເທົ່າກັບພາຍຸ ເຮີຣິເຄນ ໃນຂະນະທີ່ແມ່ນ້ຳໃນຊັ້ນບັນຍາການທີ່ໄຫຼແຮງທີ່ສຸດ, ເຊິ່ງແມ່ນອາຍນ້ຳຂະໜາດໃຫຍ່ ທີ່ລັດ ຄາລິຟໍເນຍ ແລະ ພາກຕາເວັນຕົກສຽງເໜືອຂອງມະຫາສະໝຸດ ປາຊີຟິກ ໄດ້ເຫັນໃນລະດູນີ້ ປົກຄຸມພາກພື້ນດັ່ງກ່າວ. ລະບົບພາຍຸທີ່ວ່ານັ້ນຖືກພິຈາລະນາເປັນ “ພາຍຸໄຊໂຄລນລະເບີດ,” ເຊິ່ງຈະເກີດຂຶ້ນເວລາທີ່ພາຍຸໄຊໂຄລນ ຮຸນແຮງຂຶ້ນຢ່າງໄວວາ.
ຕົ້ນໄມ້ທີ່ລົ້ມລົງໄດ້ທັບໃສ່ເຮືອນຫຼາຍຫຼັງ ແລະ ເຮັດໃຫ້ຖະໜົນຮົກເຮື້ອທົ່ວພາກຕາເວັນຕົກສຽງເໜືອຂອງລັດ ວໍຊິງຕັນ. ໃນເມືອງ ລິນວູດ, ລັດ ວໍຊິງຕັນ, ແມ່ຍິງຄົນນຶ່ງໄດ້ເສຍຊີວິດເມື່ອຄືນວັນອັງຄານວານນີ້ ເວລາທີ່ຕົ້ນໄມ້ຂະໜາດໃຫຍ່ໄດ້ລົ້ມທັບຕູບຜ້າຂອງຜູ້ບໍ່ມີບ່ອນຢູ່ອາໄສ, ກົມດັບເພີງເມືອງໃຕ້ ໄດ້ກ່າວໃນຖະແຫຼງການສະບັບນຶ່ງໃນສື່ສັງຄົມ X. ໃນນະຄອນ ຊີອາໂທ, ຕົ້ນໄມ້ໄດ້ລົ້ມທັບລົດຄັນນຶ່ງ ເຮັດໃຫ້ຄົນຄາຢູ່ໃນລົດນັ້ນ, ອີງຕາມລາຍງານຂອງກົມດັບເພີງນະຄອນ ຊີອາໂທ. ກົມດັ່ງກ່າວຕໍ່ມາໄດ້ກ່າວວ່າ ບຸກຄົນທີ່ວ່ານັ້ນມີອາການຄົງທີ່.
ກົມດັບເພີງໃນເມືອງ ແບລວີລ ທີ່ທັງຢູ່ປະມານ 16 ກິໂລແມັດທາງພາກຕາເວັນອອກຂອງນະຄອນ ຊີອາໂທ, ໄດ້ຂຽນຂໍ້ຄວາມລົງໃນສື່ສັງຄົມ X ວ່າ “ຕົ້ນໄມ້ໄດ້ຫັກລົງໃນທົ່ວເມືອງ ແລະ ລົ້ມທັບໃສ່ເຮືອນຫຼາຍຫຼັງ. ຖ້າທ່ານສາມາດເຮັດ, ໃຫ້ລົງໄປຢູ່ໃນຊັ້ນທີ່ຕ່ຳທີ່ສຸດຂອງເຮືອນ ແລະ ຢູ່ຫ່າງຈາກປ່ອງຢ້ຽມ. ຢ່າອອກໄປທາງນອກຖ້າທ່ານສາມາດຫຼີກລ່ຽງໄດ້.”
ໃນຕອນເຊົ້າວັນພຸດມື້ນີ້, ເຮືອນຫຼາຍກວ່າ 600,000 ຫຼັງໃນລັດ ວໍຊິງຕັນ ຖືກລາຍງານວ່າບໍ່ມີໄຟຟ້າໃຊ້.
ອ່ານຂ່າວນີ້ເປັນພາສາອັງກິດ
A major storm swept across the northwest U.S. Tuesday evening, battering the region with strong winds and rain and causing widespread power outages and downed trees that killed at least one person.
The Weather Prediction Center issued excessive rainfall risks through Friday and hurricane-force wind warnings were in effect as the strongest atmospheric river — a large plume of moisture — that California and the Pacific Northwest has seen this season overwhelms the region. The storm system is considered a “ bomb cyclone,” which occurs when a cyclone intensifies rapidly.
Downed trees struck homes and littered roads across northwest Washington. In Lynnwood, Washington, a woman died Tuesday night when a large tree fell on a homeless encampment, South County Fire said in a statement on X. In Seattle, a tree fell onto a vehicle, temporarily trapping a person inside, the Seattle Fire Department reported. The agency later said the individual was in stable condition.
“Trees are coming down all over the city & falling onto homes,” the fire department in Bellevue, about 10 miles (16 kilometers) east of Seattle, posted on the social platform X. "If you can, go to the lowest floor and stay away from windows. Do not go outside if you can avoid it."
Early Wednesday, over 600,000 houses in Washington State were reported to be without power on poweroutage.us.
ຟໍຣັມສະແດງຄວາມຄິດເຫັນ