ກຸ່ມທີ່ສົງໄສວ່າ ແມ່ນພວກຫົວຮຸນແຮງ ໂບໂກ ຮາຣາມ ໄດ້ຍຶດ
ເອົາຄ້າຍທະຫານ ໃນເມືອງ Baga ຢູ່ທາງພາກຕາເວັນອອກ
ສຽງເໜືອຂອງໄນຈີເຣຍ.
ພົນລະເມືອງໃນທ້ອງຖິ່ນ ກ່າວວ່າ ພວກກຸ່ມອິສລາມຕິດອາວຸດ
ດັ່ງກ່າວ ເອົາຊະນະກອງທະຫານໄດ້ ຫລັງຈາກໄດ້ຕໍ່ສູ້ກັນເປັນ
ເວລາໜຶ່ງຊົ່ວໂມງ ຢູ່ໃນຄ້າຍດັ່ງກ່າວ ໃກ້ກັບ ແມ່ນ້ຳ Chad.
ມີລາຍງານວ່າ ບັນດາທະຫານ ແລະ ພົນລະເຮືອນ ໄດ້ພາກັນ
ຫລົບໜີອອກຈາກບໍລິເວນດັ່ງກ່າວນັ້ນ ຫຼັງຈາກໄດ້ຖືກໂຈມຕີ
ຫຼາຍໆບັ້ນ ໃນວັນເສົາຜ່ານມາ.
ຄ້າຍດັ່ງກ່າວ ແມ່ນຖືກນຳໃຊ້ໂດຍ ກອງກຳລັງປະຕິບັດການຂອງນາໆຊາດ ທີ່ໄດ້ຮັບຄຳ
ສັ່ງໃຫ້ຕໍ່ສູ້ກັບ ອາຊະຍາກຳຂ້າມຊາດ ແລະ ການບຸກລຸກຕ່າງໆ. ກອງກຳລັງນາໆຊາດດັ່ງ
ກ່າວ ແມ່ນມີລວມທັງທະຫານ ຈາກປະເທດ ໄນຈີເຣຍ Chad ແລະ ໄນເຈີ.
ພວກໂບໂກ ຮາຣາມ ໄດ້ຖືກຖິ້ມໂທດໃສ່ ວ່າເປັນຕົ້ນເຫດຂອງການເສຍຊີວິດ ຂອງຫຼາຍ
ພັນຄົນ ໃນລະຫວ່າງການກໍ່ກະບົດ ລະຍະ 5 ປີ ໃນປະເທດໄນຈີເຣຍນັ້ນ.
