ພວກກະບົດຈາກ ກຸ່ມຫົວຮຸນແຮງຈັດ Boko Haram ໄດ້ສັງ
ຫານຢ່າງໜ້ອຍ 38 ຄົນຈາກການບຸກໂຈມຕີສອງໝູ່ບ້ານໃນ
ຂົງເຂດ Diffa ຂອງ Niger ໃກ້ກັບຊາຍແດນຂອງ Nigeria.
ການໂຈມຕີນີ້ ເປັນຂີດໝາຍຫລ້າສຸດໃນຄວາມພະຍາຍາມ
ຂອງກຸ່ມ Boko Haram ທີ່ມີຖານປະຕິບັດງານຕັ້ງຢູ່ໃນ
Nigeria ເພື່ອເຂົ້າໂຈມຕີບັນດາປະເທດເພື່ອນບ້ານ ທີ່ໄດ້
ເຂົ້າຮ່ວມກັບກອງທັບ Nigeria ໃນຄວາມພະຍາມເພື່ອ ປາບ
ປາມກຸ່ມດັ່ງກ່າວ. ໃນຕົ້ນອາທິດນີ້ ບັນດາເຈົ້າໜ້າທີ່ໃນປະເທດ
Chad ໄດ້ຖິ້ມໂທດໃສ່ກຸ່ມດັ່ງກ່າວເປັນຜູ້ວາງລະເບີດສະລະຊີບ
2 ຄັ້ງຢູ່ໃນນະຄອນ ຫລວງ ເຮັດໃຫ້ຢ່າງໜ້ອຍ 33 ຄົນເສຍຊີວິດ.
Chad ພ້ອມດ້ວຍ Niger ແລະ Cameroon ໄດ້ສົ່ງທະຫານໃນຕົ້ນປີນີ້ເພື່ອສູ້ລົບກັບກຸ່ມ
Boko Haram ຫຼັງຈາກພວກກະບົດໄດ້ເລີ້ມໂຈມຕີຂ້າມຊາຍແດນຢ່າງຕໍ່ເນື່ອງ.
ໃນອາທິດແລ້ວນີ້ ບັນດາປະເທດເຫລົ່ານັ້ນໄດ້ເຂົ້າຮ່ວມ Nigeria ແລະ Benin ໃນການ
ປະກາດຈັດຕັ້ງກອງກຳລັງຢູ່ໃນຂົງເຂດໃໝ່ ທີ່ມີກອງບັນ ຊາການຢູ່ນະຄອນ N’Djamena ເພື່ອປາບປາມພວກກະບົດ.
ກຸ່ມ Boko Haram ໄດ້ເລີ້ມກໍ່ກະບົດຢູ່ Nigria ໃນປີ 2009 ແລະແຕ່ນັ້ນມາ ໄດ້ສັງຫານ
ຊາວ Nigeria ຫລາຍພັນຄົນໃນການຍິງໂຈມຕີແລະວາງລະເບີດ. ລັດຖະບານ Nigeria
ໄດ້ຕອບໂຕ້ດ້ວຍການປະກາດພາວະສຸກເສີນ ຢູ່ໃນສາມລັດທາງພາກເໜືອຂອງປະເທດ
ແຕ່ການເຄື່ອນໄຫວດັ່ງກ່າວ ບໍ່ສາມາດຍຸດຕິການໂຈມຕີຂອງພວກຫົວຮຸນແຮງ.
ອົງການນິລະໂທດສາກົນ ໄດ້ຕິຕຽນການຮັບມືຂອງ Nigeria ໂດຍກ່າວໃນ ຕົ້ນເດືອນນີ້
ວ່າ ການປະຕິບັດງານໄດ້ສັງຫານປະຊາຊົນຕື່ມອີກ 8,000 ຄົນ.
