ບັນດາເຈົ້າໜ້າທີ່ໄນຈີເຣຍ ກ່າວວ່າ ກຸ່ມຫົວຮຸນແຮງໂບໂກ
ຮາຣຳ ປ່ອຍໂຕພວກປະຊາຊົນເກືອບ 200 ຄົນ ທີ່ຖືກລັກ
ພາໂຕໄປໃນລັດ Yobe ໃນພາກຕາເວັນອອກສຽງເໜືອ
ໃນຕົ້ນເດືອນມັງກອນນີ້.
ບັນດາເຈົ້າໜ້າທີ່ກ່າວວ່າ ປະຊາຊົນປະມານ 190 ຄົນ ສ່ວນ
ຫຼາຍເປັນພວກແມ່ຍິງ ໄດ້ຖືກປ່ອຍໂຕໃນລະຫວ່າງວັນສຸກ
ແລະວັນເສົາຜ່ານມານີ້ ຫຼັງຈາກຖືກລັກຈັບໂຕໄປໃນລະຫວ່າງ
ການໂຈມຕີໃນວັນທີ 6 ເດືອນນີ້ ທີ່ບ້ານ Katarko. ໃນລະຫວ່າງ
ການບຸກໂຈມຕີນັ້ນ ພວກມືປືນກຸ່ມໂບໂກຮາຣຳ ຈູດບ້ານເຜົາ
ເຮືອນຂອງປະຊາຊົນເປັນສ່ວນຫຼາຍ.
ບັນດາເຈົ້າໜ້າທີ່ກ່າວວ່າ ປະຊາຊົນບາງຄົນອາດຈະຍັງຖືກກັກໄວ້ເປັນໂຕປະກັນຢູ່.
ກຸ່ມໂບໂກຮາຣຳ ໄດ້ທຳການລັກພາໂຕປະຊາຊົນຄັ້ງໃຫຍ່ ມາໃນອະດີດ. ໃນປີແລ້ວນີ້
ກຸ່ມດັ່ງກ່າວໄດ້ລັກພາໂຕພວກນັກຮຽນຍິງເກືອບ 300 ຄົນຈາກເມືອງ Chibok.
ໃນການເຄື່ອນໄຫວອີກດ້ານນຶ່ງນັ້ນ ພວກຫົວຮຸນແຮງທີ່ສົງໄສວ່າແມ່ນກຸ່ມໂບໂກຮາຣຳ ແລະກຳລັງຂອງໄນຈີເຣຍ ທຳການສູ້ລົບກັນໃນວັນອາທິດມື້ນີ້ໃນເມືອງ Maiduguri ໃນພາກຕາເວັນອອກສຽງເໜືອຂອງປະເທດ. ບໍ່ມີລາຍງານແຈ້ງໃຫ້ຊາບໃນທັນທີກ່ຽວກັບການບາດເຈັບແລະລົ້ມຕາຍ ທີ່ອາດເປັນໄປໄດ້ນັ້ນ.
ໃນຂະນະດຽວກັນ ລັດຖະມົນຕີການຕ່າງປະເທດສະຫະລັດທ່ານ John Kerry ຈະເດີນ
ທາງໄປຍັງໄນຈີເຣຍໃນວັນອາທິດມື້ນີ້ ເພື່ອພົບປະກັບ ບັນດາຜູ້ສະໝັກຮັບເລືອກຕັ້ງປະທານາທິບໍດີ ທີ່ມີຄະແນນນຳໜ້າ 2 ທ່ານ ແລະຮຽກຮ້ອງວ່າ ການເລືອກຕັ້ງໃນເດືອນໜ້າຈະຕ້ອງດຳເນີນໄປຢ່າງເສລີແລະຍຸຕິທຳ.
ກະຊວງການຕ່າງປະເທດກ່າວວ່າ ທ່ານ Kerry ຈະເດີນທາງໄປຍັງນະຄອນ Lagos ເມືອງໃຫຍ່ສຸດຂອງໄນຈີເຣຍ ແລະເນັ້ນເຖິງຄວາມສຳຄັນຂອງການຮັບປະກັນການເລືອກຕັ້ງຈະດຳເນີນໄປຢ່າງສັນຕິແລະໜ້າເຊື່ອຖືໄດ້.
ນັກການທູດຂັ້ນສູງສຸດຂອງສະຫະລັດ ຈະພົບປະກັບປະທານາທິບໍດີ Goodluck Jonathan ທີ່ກຳລັງນຳພາປະເທດໃນປັດຈຸບັນ ແລະຜູ້ ສະໝັກຄູ່ແຂ່ງຂັນຝ່າຍຄ້ານ ຄືທ່ານ Muhammadu Buhari ນັ້ນ.
ການເລືອກຕັ້ງຕ່າງໆທີ່ຜ່ານມາໃນໄນຈີເຣຍ ແມ່ນປະສົບກັບຄວາມວຸ້ນວາຍ. ໄຊຊະນະຂອງປະທານາທິບໍດີ Jonathan ທີ່ເປັນບັນຫາໂຕ້ແຍ້ງກັນໃນການເລືອກຕັ້ງໃນປີ 2011 ໄດ້ກະຕຸ້ນໃຫ້ເກີດຄວາມວຸ້ນວາຍຂຶ້ນໃນພາກເໜືອຂອງປະເທດ ທີ່ໄດ້ສັງຫານປະຊາຊົນໄປປະມານ 800 ຄົນນັ້ນ.
ການເລືອກຕັ້ງປີນີ້ ປະສົບກັບຄວາມຫຍຸ້ງຍາກ ໂດຍການລຸກຮືຂຶ້ນຂອງກຸ່ມໂບໂກຮາຣຳ
ທີ່ໄດ້ສັງຫານຜູ້ຄົນໄປແລ້ວຫລາຍພັນຄົນໃນພາກຕາເວັນອອກສຽງເໜືອ ແລະການຄວບຄຸມເປັນສ່ວນຫຼາຍໃນລັດ Borno ໂດຍກຸ່ມໂບໂກຮາຣຳນັ້ນ.
ບັນດາເຈົ້າໜ້າທີ່ໄນຈີເຣຍ ໄດ້ກ່າວມາວ່າ ການເລືອກຕັ້ງປະທານາທິບໍດີ ແລະລັດຖະສະ
ພາ ຈະດຳເນີນໄປໃນວັນທີ 14 ກຸມພາຕາມກຳນົດເວລາທີ່ວາງໄວ້.
