ເຮືອບິນທະຫານຂອງເນເທີແລນລຳນຶ່ງ ທີ່ນຳເອົາສົບຂອງພວກ
ເຄາະຮ້າຍເຮືອບິນມາເລເຊຍຕົກໃນອາທິດແລ້ວນີ້ໄດ້ເດີນທາງ
ອອກຈາກເມືອງ Kharkiv ໃນພາກຕາເວັນອອກ ຂອງຢູເຄຣນ
ໄປສູ່ປະເທດເນເທີແລນ.
ລັດຖະບານເນເທີແລນໄດ້ປະກາດໄວ້ທຸກໃນທົ່ວປະເທດເປັນເວ
ລານຶ່ງມື້ ຂະນະທີ່ປະເທດດັ່ງກ່າວຕຽມຮັບມືກັບການໄປເຖິງຂອງ
ບັນດາສົບຊຸດທຳອິດ. ເຮືອບິນ ຕົກໃນວັນພະຫັດແລ້ວ ໄດ້ເຮັດ
ໃຫ້ທັງໝົດ 298 ຄົນຢູ່ເທິງເຮືອບິນ ເສຍຊີວິດ ຊຶ່ງສ່ວນໃຫຍ່ເປັນ
ຊາວເນເທີແລນ.
ຜູ້ເຄາະຮ້າຍ ຖ້ຽວບິນ MH17
ຍັງມີການສັບສົນກັນຢູ່ກ່ຽວກັບວ່າ ມີຈັກສົບແທ້ຢູ່ໃນລົດໄຟ ທີ່ໄດ້ໄປເຖິງເມືອງ Kharkiv
ຈາກເຂດທີ່ພວກກະບົດຄວບຄຸມໃນວັນອັງຄານວານນີ້. ພວກກະບົດນິຍົມຣັດເຊຍ ທີ່ຖືກ
ກ່າວຫາວ່າຍິງເຮືອບິນຕົກ ໄດ້ກ່າວໃນວັນຈັນຜ່ານມານີ້ວ່າ ເຂົາເຈົ້າໄດ້ຈັດສົ່ງ 282 ສົບ
ແລະຊິ້ນສ່ວນຂອງອີກ 16 ສົບ. ແຕ່ຫົວໜ້າສັນ ນະສູດສົບ ຂອງເນເທີແລນ ທ່ານ Jan
Tuinder ກ່າວວ່າ ຫ້ອງເຢັນຂອງຂະ ບວນລົດໄຟ ບັນຈຸໄດ້ແຕ່ພຽງ 200 ສົບເທົ່ານັ້ນ.
ນາຍົກລັດຖະມົນຕີອອສເຕຣເລຍ ທ່ານ Tony Abbott ກ່າວໃນວັນພຸດວານນີ້ວ່າ ພວກ
ເຄາະຮ້າຍຈາກເຮືອບິນຕົກຈຳນວນນຶ່ງ ອາດຍັງຖືກປະໄວ້ ຢູ່ທີ່ບ່ອນເຮືອບິນຕົກ.
ໃນຂະນະດຽວກັນ ອັງກິດ ກ່າວວ່າ ຕົນໄດ້ຮັບຫີບບັນທຶກຂໍ້ມູນການບິນສອງຫີບ ຂອງເຮືອ
ບິນໂດຍສານມາເລເຊຍແລ້ວ.
ບັນດາເຈົ້າໜ້າທີ່ສະຫະລັດ ກ່າວວ່າ ຖ້ຽວບິນນຳເບີ 17 ຂອງສາຍການບິນມາ ເລເຊຍ ອາດ
ຈະຖືກຍິງຕົກໃນອາທິດແລ້ວນີ້ໂດຍພວກແບ່ງແຍກດິນແດນນິຍົມ ຣັດເຊຍ ໂດຍໃຊ້ລູກສອນ
ໄຟທີ່ຍິງຈາກໜ້າດິນຂື້ນສູ່ອາກາດ SA-11 ຂອງຣັດເຊຍ ແລະມີທ່າທາງວ່າ ພວກກະບົດທີ່
“ບໍ່ໄດ້ຮັບການເຝິກແອບ ຢ່າງພຽງພໍ” ໄດ້ຍິງເຮືອບິນຕົກ ດ້ວຍຄວາມຜິດພາດ. ບັນດາເຈົ້າ
ໜ້າທີ່ສືບລັບສະຫະລັດ ກ່າວວ່າ ເຂົາເຈົ້າບໍ່ມີຫລັກຖານທີ່ວ່າ ຣັດເຊຍພົວພັນໂດຍກົງກັບ
ການຍິງເຮືອ ບິນລຳດັ່ງກ່າວຕົກ.
