ລິ້ງ ສຳຫລັບເຂົ້າຫາ

ມີການພົບເຫັນສົບ ແລະຊາກຫັກພັງຈາກເຮືອບິນ ມຽນມາ ທີ່ຫາຍສາບສູນນັ້ນແລ້ວ


ພາບນິ້ງ ຂອງເຮືອບິນທະຫານ Y-8-200 F ທີ່ຖ່າຍຈາກວີດີໂອ ທີ່ໄດ້ນຳເຜີຍແຜ່ ໃນວັນທີ 7 ມິຖຸນາ, 2017.

ກອງ​ກຳລັງ​ມຽນມາ ​ໄດ້​ກ່າວໃນ​ວັນ​ພະຫັດ​ມື້​ນີ້ວ່າ ພວກ​ກູ້​ໄພ ​ໄດ້​ພົບເຫັນ 10 ສົບ ​
ແລະຊາກ​ຫັກ​ພັງ​ຂອງ​ເຮືອບິນ ທີ່​ເຊື່ອ​ວ່າ ​ເປັນ​ເຮືອບິນ​ທະຫານ ທີ່​ໄດ້​ຫາຍ​ສາບ​ສູນ​ໄປ
ໃນ​ວັນ​ພຸດ​ວານ​ນີ້ ທີ່​ບັນຈຸ​ຜູ້​ໂດຍ​ສານ​ທັງ​ໝົດ 122 ຄົນ​ນັ້ນ.

ຖະ​ແຫຼ​ງການ​ສະບັບ​ນຶ່ງ ​ໄດ້​ລະບຸ​ວ່າ ບັນດາ​ສົບ​ທັງຫຼາຍ​ນັ້ນ ​ແມ່ນ​ຮວມທັງ ຜູ້ໃຫຍ່
6 ຄົນ ​ແລະ​ພວກ​ເດັກນ້ອຍ 4 ຄົນ ຍັງ​ມີ​ຫີບ​ເດີນທາງ ​ເສື້ອ​ຊູຊີບ ​ແລະ​ກົງ​ລໍ້​ຂອງ​
ເຮືອບິນ ທີ່​ໄດ້​ຖື​ກພົບເຫັນ​ໃນ​ນ້ຳ ປະມາ​ນ 35 ກິ​ໂລ​ແມັຕ ຈາກ​ເມືອງ Launglon
ທາງ​ພາກໃຕ້​ຂອງ​ປະ​ເທດ.

​ໃນ​ວັນ​ພະຫັດມື້​ນີ້ ກໍ່າປັ່ນ​ 9 ລຳ ​ແລະ​ຝູງເຮືອ​ບິນ ​ແລະ​ເຮ​ລິ​ຄົບ​ເຕີ ​ໄດ້​ຖືກ​ສັ່ງ​ອອກ
​ໄປລາດ​ຕ​ະ​ເວນ​ຊອກຫາ​ເຮືອບິນ Y-8-200F ທີ່​ຈີນ​ສ້າງ ທີ່​ມຽນມາ ​ໄດ້​ຊື້ ​ໃນເດືອນ
​ມີນາປີ​ກາຍ​ນີ້ ​ແລະ​ທາງ​ທະຫານ ​ໄດ້​ກ່າວ​ວ່າ ມີ​ອາຍຸ​ການບິນ​ພຽງ​ແຕ່ 809 ຊົ່ວ​ໂມງ
​ເທົ່າ​ນັ້ນ.

ເສັ້ນທາງຂອງເຮືອບິນມຽນມາ ທີ່ຫາຍສາບສູນ
ເສັ້ນທາງຂອງເຮືອບິນມຽນມາ ທີ່ຫາຍສາບສູນ

​ເຮືອບິນ​ລຳ​ດັ່ງກ່າວ ​ໄດ້​ລຳ​ລຽງ ສ່ວນ​ໃຫຍ່​ແມ່ນພວກ​ສະມາຊິກ​ຄອບຄົວ​ຂອງ​ບັນດາ
​ເຈົ້າ​ໜ້າ​ທີ່ທະຫານ ທີ່​ເດີ​ນທາງ​ຈາກ​ເມືອງ Myeik ທີ່​ຮູ້ຈັກ​ກັນ​ອີກ​ຊື່​ນຶ່ງ​ວ່າ Mergui
ໃນ​ພາກ​ຕາ​ເວັນ​ອອກສຽງ​ໃຕ້ ຂອງ​ຝັ່ງ​ທະ​ເລ​ອັນ​ດາ​ມັນ. ​ການໂດຍສານ​ສ່ວນໃຫຍ່
ແມ່ນ​ຈະ​ເດີນທາງ​ໄປ​ຍັງ​ນະຄອນ​ຢາງ​ກຸງ ທີ່​ເປັນ​ເມືອງ​ໃຫຍ່ສຸດ​ຂອງ​ປະ​ເທດ ທີ່​ບິນ
ຂ້າມ​ທະ​ເລ​ອັນ​ດາ​ມັນ.

ພັນ​ເອກ Kyaw Zeya ​ລັດຖະມົນຕີຮັກສາ​ຄວາມ​ປອດ​ໄພ ​ແລະ​ຊາຍ​ແດນ Tanin-
tharyi ໄດ້​ບອກ​ VOA ພະ​ແນ​ກພາສາ​ມຽນມາ​ ວ່າ “ພວກ​ເຮົາ ​ໄດ້​ພົບ​ເຫັນຊາກຫັກ
ພັງຢູ່​ອ່າວ Horseshoe,”
ຊຶ່ງຄະນະ​ພວກ​ເພິ່ນ ​ໄດ້​ໄປ​ຮອດ​ຂົງ​ເຂດ​ດັ່ງ​ກ່າວ ​ທັນ​ທີ
ທີ່ເຈົ້າ​ໜ້າ​ທີ່ທ້ອງ​ຖິ່ນ ​ໄດ້​ຮູ້​ເລື່ອງ​ສະຖານ​ທີ່​ເກີດ​ເຫດ​.

ທ່ານ​ກ່າວ​ເພີ່ມ​ຕື່ມ​ໄວ້ວ່າ “ພວກ​ກູ້​ໄພ​ຂອງພວກ​ເຮົາ ທີ່​ຮວມທັງ​ເຈົ້າ​ໜ້າ​ທີ່​ຕຳຫຼວດ
ພະນັກງານ​ດັບ​ເພີງ ​ແລະ​ພວກອາສາສະມັກໃນ ທ້ອງ​ຖິ່ນ ພ້ອ​ມທັງ​ປະຖົມ​ພະຍາ
ບານ ​ແລະ​ຄະນະແພດ​ສຸກ​ເສີນ ​ໄດ້​ຕຽມ​ພ້ອມ​ເຮັດເປັນ​ໂຮງໝໍ ຢູ່​ໃກ້ໆ​ກັບ​ຫາດ​ຊາຍ
ທີ່​ຈະ​ຮັກສາ​ພະຍາບານ​ພວກ​ທີ່​ອາດ​ລອດຊີວິດ​ມາ​ໄດ້,”

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

XS
SM
MD
LG