ລິ້ງ ສຳຫລັບເຂົ້າຫາ

ຈີນ ຈະປະກາດ ຄຳຕັດສິນ ທ່ານ Bo Xilai ໃນວັນອາທິດ ຈະມາ


ທ່ານ Bo ອ​ະດີດສະມາຊິກ ກໍາມະການ​ກົມ​ການ​ເມືອງ​ສູນ​ກາງ​ພັກ ກໍາລັງຖືກ​ດຳ​ເນີນ​ຄະດີ ​
ສານ​ຂອງຈີນ​ແຫ່ງ​ນຶ່ງ​ກ່າວ​ວ່າ ຕົນ​ຈະ​ປະກາດ​ຄຳ​ຕັດສິນ​ໃນ​ວັນ​
ອາທິດ​ຈະ​ມາເຖິງນີ້ ກ່ຽວ​ກັບຄະດີ​ສໍ້​ລາດ​ບັງ​ຫຼວງທີ່​ມີ​ຄວາມ​ສຳ
ຄັນເປັນ​ພິ​ເສດ ຂອງອະດີດ​ນັກ​ການ​ເມືອງ​ຂັ້ນ​ສູງ ທ່ານ Bo Xilai.

ສານປະຊາ​ຊົນຊັ້ນກາງຂອງ​ເມືອງ Jinan ກ່າວ​ຢູ່​ໃນລາຍ​ງານ​
ຂ່າວ​ທາງອິນ​ເຕີ​ແນັດຂອງ​ຕົນ​ວ່າ ການ​ຕັດສິນ​ຈະ​ມີ​ຂຶ້ນໃນ​ເວລາ
10 ​ໂມງ​ຕອນ​ເຊົ້າ​ຂອງ​ວັນ​ອາທິດ ຕາມ​ເວລາ​ທ້ອງ​ຖິ່ນ.

ທ່ານ Bo ອ​ະດີດສະມາຊິກ ກໍາມະການ​ກົມ​ການ​ເມືອງ​ສູນ​ກາງ​ພັກ ທີ່ ຖືກ​ດຳ​ເນີນ​ຄະດີ ​ໃນເດືອນ​ແລ້ວ​ນີ້ ​ໃນ​ຂໍ້​ຫາ​ຮັບ​ເງິນສິນ​ບົນ ສໍ້​ໂກງ​ເງິນ ​ແລະໃຊ້​ອໍານາດ​ເຖື່ອນ.

​ໃນ​ລະຫວ່າງ​ການດໍາ​ເນີນ​ຄະດີນັ້ນ​ ທ່ານ Bo ອາຍຸ 64 ປີ​ ໄດ້​ຮັບ​ຮູ້​ວ່າ​ ໄດ້​ກະທຳຄວາມ​ຜິດຈໍານວນ​ນຶ່ງ ​ແຕ່​ໄດ້​ປະຕິ​ເສດຕໍ່​ສ່ວນ​ໃຫຍ່​ຂອງ ການ​ກ່າວ​ຫາ ​ໂດຍ​ໄດ້​ທຳ​ການ​ຕໍ່ສູ້​ຢ່າງ​ແຂງ​ຂັນ​ແບບ​ທີ່​ບໍ່​ຄາດ​ຝັນ.

ການຕັດສິນ​ ແລະການລົງ​ໂທດທີ່​ມີ​ການ​ຄອງ​ຄອຍ​ຖ້າ​ມາເປັນ​ເວລາ​ດົນ​ນານນັ້ນ ຈະ​ນໍາ​
ໄປສູ່​ການ​ສີ້​ນສຸດລົງຂອງການ​ດຳ​ເນີນ​ຄະດີທີ່​ເປັນ​ຂ່າວ​ ນອງ​ນັນທາ​ງດ້ານ​ການ​ເມືອງທີ່​
ມີ​ຜູ້​ຄົນ​ຕິດຕາມ​ຫຼາຍທີ່​ສຸດ​ຢູ່​ຈີນ​ໃນ​ຮອບ ຫລາຍໆ​ທົດ​ສະ​ວັດ.

ທ່ານ Bo ​ໄດ້​ຖືກປົດຈາກ​ເລຂາທິການ​ພັກ​ ຂອງ​ເມືອງ Chongquin ​ແລະ​ຖືກ​ຂັບ​ໄລ່
​ອອກ​ຈາກກໍາມະການ​ກົມ​ການ​ເມືອງ​ສູນ​ກາງ​ພັກ ​ໃນ​ປີ​ແລ້ວ​ນີ້ ຫລັງ​ຈາກ​ອະດີດ​ຜູ້​ບັນ
ຊາ​ການຕໍາຫລວດ​ຂອງ​ເມືອງດັ່ງກ່າວ​ໄດ້ ​ຫລົບ​ໜີເຂົ້າໄປໃນກົງສຸນ​ສະຫະລັດ ພ້ອມ​
ດ້ວຍ​ຫລັກ​ຖານ​ກ່ຽວ​ກັບ​ຄອບ ຄົວທ່ານ Bo ທີ່ມີ​ການ​ກ່າວ​ຫາ​ວ່າ​ພົວພັນ​ກັບ​ການ​ສັງ
ຫານນັກທຸລະ​ກິດ ​ອັງກິດ ​ໃນ​ປີ 2011.
XS
SM
MD
LG