ລິ້ງ ສຳຫລັບເຂົ້າຫາ

ວັນພະຫັດ, ໒໓ ພຶດສະພາ ໒໐໒໔

ພາຍຸຫິມະ ຖະຫຼົ່ມ ພາກຕາເວັນອອກ ສຽງເໜືອ ຂອງ ສຫລ (ສະໄລດ໌)


ທ່ານ Steve Young ພວມຊ້ວນຫິມະອອກຈາກທາງຍ່າງ ໃນລະຫວ່າງພາຍຸຫິມະ ຖະຫຼົ່ມນະຄອນບອສຕັນ (9 ກຸມພາ 2013)
ທ່ານ Steve Young ພວມຊ້ວນຫິມະອອກຈາກທາງຍ່າງ ໃນລະຫວ່າງພາຍຸຫິມະ ຖະຫຼົ່ມນະຄອນບອສຕັນ (9 ກຸມພາ 2013)
ພາກ​ຕາ​ເວັນ​ອອກສຽງ​ເໜືອ​ຂອງສະຫະລັດ ຮວມ​ທັງ​ນ​ະຄອນ​
New York ​ແລະ​ Boston ​ໄດ້​ປິດ​ກິດຈະການ​ທັງໝົດ​ລົງ ​ໃນ​
ຂະ​ນະ​ທີ່​ພາຍຸ​ຫິມະຮ້າຍ​ແຮງ ປົກ​ຄຸມຂົງ​ເຂດ​ດັ່ງກ່າວ.

​ລົມທີ່​ແຮງ​ກວ່າ 100 ກິ​ໂລ​ແມັດຕໍ່​ຊົ່ວ​ໂມງ ​ໄດ້ພັດ​ຖະຫລົ່ມຂົງ​ເຂດ​ໃນ​ຕອນ​ກາງຄືນ ພ້ອມ​ດ້ວຍຫິມະຕົກ ທີ່​ມີ​ການ​ທຳນາຍ​ວ່າ​ຈະ​ສູງ​ເຖິງ​ 60 ຊັງ​ຕີ​ແມັດ ປົກ​ຄຸມ​ບໍລິ​ເວນ​ສ່ວນ​ໃຫຍ່. ນະຄອນ​ Boston ອາດ​ຈະ​ມີ​ຫິ​ມະ​ຕົກ​ສູງ​ເຖິງ 75 ຊັງ​ຕີ​ແມັດ ຫລື​ຫລາຍ​ກວ່າ​ນັ້ນ ເວລາ​ທີ່​ພາຍຸ​ຫິມະ ຫົວນີ້​ເຄື່ອນອອກສູ່​ທະ​ເລ ​ໃນ​ວັນເສົາມື້ນີ້.

​ເຮືອນ​ຊານ​ບ້ານ​ຊ່ອງ​ ແລະ​ທຸລະ​ກິດ​ການ​ຄ້າ​ ຫລາຍ​ຮ້ອຍພັນ​ບ່ອນ​ບໍ່​ມີ​ໄຟຟ້າ​ໃຊ້.

ສາຍການບິນ​ຫລາຍ​ພັນ​ຖ້ຽວ​ໄດ້​ຖືກ​ຍົກເລີກ ​ແລະສະໜາມ​ບິນນະ​ຄອນ​ Boston ​ແລະ​ New York ​ໄດ້​ຖືກ​ປິດ​ລົງ. ລົດ​ໄຟບໍ່​ໄດ້​ຮັບ​ອະນຸຍາດ ໃຫ້​ແລ່ນ​ເຂົ້າຫລື​ອອກ ຈາກນະ
ຄອນ Boston ​ແລະ New York. ຖະໜົນ​ຫົນທາງ ​ແມ່ນ​ຂ້ອນ​ຂ້າງ​ງຽບ​ສະ​ຫງົບ ຍ້ອນ​ມີ​ການຫ້າ​ມບໍ່​ໃຫ້​ຂັບ​ລົດ ​ແລະ​ການ​ຈຳກັດ​ຮັດ​ແຄບ​ອື່ນໆຢູ່​ໃນສ່ວນ​ໃຫຍ່ ຂອງ​ຂົງ​ເຂດ.

ອົງການພະຍາ​ກອນ​ອາ​ກາດ​ແຫ່ງ​ຊາດ ກ່າວ​ວ່າ ການ​ເດີນທາງ​ຈະ​ມີ​ແຕ່​ໄພ​ອັນຕະລາຍ ຖ້າ​ຫາກບໍ່​ແມ່ນ​ເປັນ​ໄປ​ບໍ່​ໄດ້​ເລີຍ.



ບັນດາ​ຜູ້​ປົກຄອງ​ລັດ New York, Massachusetts, Rhode Island, Connecticut ​ແລະ Maine ​ພາກັນ​ປະກາດ​ພາວະ​ສຸກ​ເສີນ.

ສະພາບ​ການ​ໃນ​ລະຍະ​ຮ້າຍ​ແຮງສຸດ​ຂອງພາຍຸ ຄາດ​ວ່າ​ຈະ​ເປັນ​ອັນຕະລາຍເຖິງ​ຕາຍ ​ໂດຍ​ທີ່ອຸນຫະ​ພູມຈະ​ຫຼຸດ​ຕໍ່າ​ກວ່າລະດັບ​ນໍ້າກ້ອນ ມີ​ລົມແຮງ ​ແລະ​ເກືອ​ບຈະແນມບໍ່​ເຫັນ​ຫຍັງ​ໝົດ.
XS
SM
MD
LG