ເຈົ້າໜ້າທີ່ທາງພາກຕາເວັນຕົກສຽງໃຕ້ຂອງປາກີສຖານເວົ້າວ່າ ໄດ້ມີການໂຈມຕີຂະບວນ ລົດເມສາມຄັນດ້ວຍລະເບີດ ທີ່ໄດ້ສັງຫານນັກສະແຫວງ ບຸນນິກາຍ Shi’ite ຢູ່ເທິງລົດເມ ຢ່າງໜ້ອຍ 19 ຄົນ ໃນວັນອາທິດມື້ນີ້.
ເຈົ້າໜ້າທີ່ເວົ້າອີກວ່າ ອີກ 25 ຄົນບາດເຈັບ ແລະບາງຄົນມີອາການ ສາຫັດ ໃນການໂຈມຕີ ດ້ວຍລະເບີດທີ່ບີບຂະນວນໄລຍະໄກ ຊຶ່ງເກີດຂຶ້ນ ທີ່ເມືອງ Mastung ແຂວງ Baluchistan.
ເຫດລະເບີດຄັ້ງນີ້ ຍັງຜົນໃຫ້ລົດເມຄັນນຶ່ງພັງພິນາດ ແລະອີກຄັນນຶ່ງ ເສຍຫາຍໜັກ.
ທາງການປາກີສຖານເວົ້າວ່າ ລົດເມໂດຍສານດັ່ງກ່າວ ບັນທຸກນັກສະແຫວງບຸນໄປຍັງ ປະເທດອິຣ່ານ ຊຶ່ງເປັນປະເທດທີ່ມີຊາວ Shi’ite ອາໄສຢູ່ເປັນສ່ວນໃຫຍ່ ແລະເປັນປາຍ ທາງທີ່ມີຊື່ສຽງສໍາລັບພວກສະແຫວງບຸນທາງສາສະໜາ. ປາກີສຖານເປັນປະເທດທີ່ມີ ຊາວມູສລິມນິກາຍຊຸນນີ ອາໄສຢູ່ເປັນສ່ວນໃຫຍ່.
ຍັງບໍ່ມີຝ່າຍໃດອ້າງເອົາຄວາມຮັບຜິດຊອບ ສໍາລັບການໂຈມຕີຄັ້ງນີ້ເທື່ອ.
ແຂວງ Baluchistan ເປັນທີ່ໝັ້ນຂອງກຸ່ມຫົວຮຸນແຮງ ໂຮມທັງກຸ່ມນຶ່ງທີ່ນິຍົມພວກນິຍົມຕາລິບານ ແລະພວກແບ່ງແຍກດິນແດນຊາວ Baluch ທີ່ທໍາການສູ້ລົບລະດັບຕໍ່າ ໂດຍຫວັງທີ່ຈະໄດ້ຮັບສິດໃນການປົກຄອງຕົນເອງທາງການເມືອງ ແລະໄດ້ຮັບສ່ວນແບ່ງຜົນກໍາໄລ ຫລາຍຂຶ້ນຈາກຊັບພະຍາກອນທໍາມະຊາດຂອງຂົງເຂດນັ້ນ.
ເຈົ້າໜ້າທີ່ເວົ້າອີກວ່າ ອີກ 25 ຄົນບາດເຈັບ ແລະບາງຄົນມີອາການ ສາຫັດ ໃນການໂຈມຕີ ດ້ວຍລະເບີດທີ່ບີບຂະນວນໄລຍະໄກ ຊຶ່ງເກີດຂຶ້ນ ທີ່ເມືອງ Mastung ແຂວງ Baluchistan.
ເຫດລະເບີດຄັ້ງນີ້ ຍັງຜົນໃຫ້ລົດເມຄັນນຶ່ງພັງພິນາດ ແລະອີກຄັນນຶ່ງ ເສຍຫາຍໜັກ.
ທາງການປາກີສຖານເວົ້າວ່າ ລົດເມໂດຍສານດັ່ງກ່າວ ບັນທຸກນັກສະແຫວງບຸນໄປຍັງ ປະເທດອິຣ່ານ ຊຶ່ງເປັນປະເທດທີ່ມີຊາວ Shi’ite ອາໄສຢູ່ເປັນສ່ວນໃຫຍ່ ແລະເປັນປາຍ ທາງທີ່ມີຊື່ສຽງສໍາລັບພວກສະແຫວງບຸນທາງສາສະໜາ. ປາກີສຖານເປັນປະເທດທີ່ມີ ຊາວມູສລິມນິກາຍຊຸນນີ ອາໄສຢູ່ເປັນສ່ວນໃຫຍ່.
ຍັງບໍ່ມີຝ່າຍໃດອ້າງເອົາຄວາມຮັບຜິດຊອບ ສໍາລັບການໂຈມຕີຄັ້ງນີ້ເທື່ອ.
ແຂວງ Baluchistan ເປັນທີ່ໝັ້ນຂອງກຸ່ມຫົວຮຸນແຮງ ໂຮມທັງກຸ່ມນຶ່ງທີ່ນິຍົມພວກນິຍົມຕາລິບານ ແລະພວກແບ່ງແຍກດິນແດນຊາວ Baluch ທີ່ທໍາການສູ້ລົບລະດັບຕໍ່າ ໂດຍຫວັງທີ່ຈະໄດ້ຮັບສິດໃນການປົກຄອງຕົນເອງທາງການເມືອງ ແລະໄດ້ຮັບສ່ວນແບ່ງຜົນກໍາໄລ ຫລາຍຂຶ້ນຈາກຊັບພະຍາກອນທໍາມະຊາດຂອງຂົງເຂດນັ້ນ.
