ຂະນວນຂອງລະເບີດໄດ້ຖືກບີບໂດຍຜູ້ສະຫຼະຊີບແມ່ຍິງຄົນໜຶ່ງ ເຮັດໃຫ້ຢ່າງໜ້ອຍ 14 ຄົນເສຍຊີວິດຢູ່ທີ່ຕະຫຼາດແຫ່ງໜຶ່ງ ໃນພາກຕາເວັນອອກສຽງເໜືອຂອງ ໄນຈີເຣຍ.
ຜູ້ເຫັນເຫດການເວົ້າວ່າ ປະມານ 50 ຄົນໄດ້ຮັບບາດເຈັບ.
ເຈົ້າໜ້າທີ່ກ່າວໃນຕອນເຊົ້າວັນອາທິດວານນີ້ວ່າ ການລະເບີດໄດ້ເກີດຂຶ້ນຢູ່ທາງເຂົ້າຂອງຕະຫຼາດໃນເມືອງຫຼວງ Damaturu ຂອງລັດ Yobe.
ບໍ່ມີໃຜອ້າງເອົາຄວາມຮັບຜິດຊອບໃນການໂຈມຕີຄັ້ງນີ້.
ໃນຕົ້ນຂອງເດືອນນີ້, ມີຢ່າງໜ້ອຍ 9 ຄົນໄດ້ຖືກຂ້າຕາຍ ໃນເມືອງຫຼວງ Damaturu ເມື່ອມືລະເບີດສະຫຼະຊີບແມ່ຍິງຄົນໜຶ່ງໄດ້ແນເປົ້າໝາຍໃສ່ປະຊາຊົນທີ່ກຳລັງກຽມພ້ອມສຳລັບເທດສະການມຸສລິມ ເພື່ອສະເຫຼີມສະຫຼອງການສິ້ນສຸດເດືອນຖືສິນອົດອາຫານ ຫຼື Ramadan.
