ໜັງສືພິມທີ່ສຳຄັນສະບັບນຶ່ງຂອງສະຫະລັດລາຍງານວ່ານາຍ Osama bin Laden ໄດ້
ສັ່ງໃຫ້ກຸ່ມກໍ່ການຮ້າຍ al-Qaida ສັງຫານປະທານາທິບໍດີສະຫະລັດ ທ່ານບາຣັກ ໂອບາ
ມາ ແລະນາຍພົນ David Petraeus ຊຶ່ງເວລານັ້ນເປັນຜູ້ບັນຊາການທະຫານສະຫະລັດ
ຢູ່ໃນອັຟການິສຖານ.
ນັກຂຽນຄໍລັມຂອງໜັງສືພິມ Washington Post ນາຍ David Ignatius ລາຍງານ ໃນ
ວັນສຸກວານນີ້ວ່າ ເອກກະສານ ທີ່ໄດ້ມາຈາກບ້ານພັກຂອງນາຍ bin Laden ໄດ້ກ່າວເຖິງ
ແຜນການທີ່ນາຍ Bin Laden ໄດ້ຂຽນໄວ້ວ່າ ການສັງຫານທ່ານ Obama ນັ້ນຈະເປັນທີ່
ຮັບຮອງວ່າຮອງປະທານາທິບໍດີສະຫະລັດ ທ່ານ Joe Binden ຈະໄດ້ຂຶ້ນກໍາອໍານາດ ຊຶ່ງ
ນາຍ bin Laden ກ່າວວ່າ ເປັນຜູ້ທີ່ “ບໍ່ມີການຕຽມພ້ອມໃດໆທັງໝົດ” ໃນການເຂົ້າຮັບ
ໜ້າທີ່.
ນາຍ Bin Laden ໄດ້ສະເໜີໃຫ້ຜູ້ກໍ່ການຮ້າຍຊາວປາກິສຖານ ນາຍ Ilyas Kashmiri
ເປັນຜູ້ນໍາພາໃນການໂຈມຕີປະທານາທິບໍດີໂອບາມາ. ນາຍ Kashmiri ໄດ້ຖືກຂ້າຕາຍໃນ
ການໂຈມຕີຂອງເຮືອບີນບໍ່ມີຄົນຂັບ ໃນເດືອນມິຖຸນາແລ້ວນີ້.
ເຈົ້າໜ້າທີ່ສະຫະລັດແລະນັກວິເຄາະກ່າວວ່າ ບໍ່ມີຫລັກຖານໃດໆທີ່ສະແດງໃຫ້ເຫັນວ່າກຸ່ມ
ກໍ່ການ al-Qaida ເກືອບພ້ອມແລ້ວ ທີ່ຈະລົງມືປະຕິບັດຕາມຂໍ້ສະເໜີດັ່ງກ່າວນີ້.