ທ້າວ Osama Bin Laden ໄດ້ທຳນາຍ ກ່ຽວກັບການພັງທະ
ລາຍລົງຂອງກຸ່ມລັດອິສລາມ ໂດຍເຕືອນ ກ່ອນທີ່ລາວເສຍຊີ
ວິດວ່າ ການດຳເນີນຄວາມພະຍາຍາມໃດໆກໍຕາມໂດຍພວກ
ນັກລົບສົງຄາມສັກສິດ ທີ່ຈະປະກາດຕັ້ງ ລັດອິສລາມ ກ່ອນທີ່
ຈະເອົາຊະນະປະເທດຕາເວັນຕົກນັ້ນ ແມ່ນຈະປະສົບຄວາມ
ລົ້ມແຫຼວຢ່າງແນ່ນອນ.
ການມອງເຫດການດັ່ງກ່າວ ແມ່ນນຶ່ງໃນຫຼາຍໆຂໍ້ຄວາມທີ່ຫາ
ກໍມີການເປີດເຜີຍຈາກເອກກະສານລັບ 113 ສະບັບອັນເປັນ
ສ່ວນນຶ່ງຂອງເອກກະສານທີ່ໜ່ວຍ Navy SEAL ຂອງສະຫະ
ລັດໄດ້ພົບເຫັນໃນລະຫວ່າງການບຸກເຂົ້າໄປໃນບ້ານພັກຂອງ Osama Bin Laden ໃນ
ປີ 2011 ທີ່ເມືອງ Abbotabad ໃນປະເທດປາກິສຖານ ບ່ອນທີ່ຜູ້ນຳ ຂອງກຸ່ມອາລກາອີ
ດາໄດ້ຖືກຂ້າຕາຍນັ້ນ.
ເອກກະສານທີ່ຮວມທັງບັນທຶກແລະຈົດໝາຍຕ່າງໆທີ່ຂຽນເປັນພາສາອາຣັບແລະແປໂດຍ
ໜ່ວຍສືບລັບສະຫະລັດ ວາດພາບໃຫ້ເຫັນວ່າ ຜູ້ບໍລິຫານທີ່ຄວບຄຸມດ້ວຍຕົວເອງ ແມ່ນມີຄວາມຫວາດລະແວງຫລາຍຂຶ້ນ ໃນຂະນະທີ່ພວມດີ້ນຮົນຕໍ່ສູ້ ເພື່ອບໍ່ໃຫ້ກຸ່ມກໍ່ການຮ້າຍທີ່ ທ່ານກໍ່ຕັ້ງຂຶ້ນມາ ພັງທະລາຍລົງນັ້ນ.
ເຈົ້າໜ້າທີ່ສືບລັບອະວຸໂສຄົນນຶ່ງ ຂອງສະຫະລັດ ກ່າວເຖິງເອກກະສານທີ່ຂຽນຂຶ້ນ ໃນລະ
ຫວ່າງປີ 2009 ຫາ 2011 ນັ້ນວ່າ ຂະບວນການດັ່ງກ່າວ ບໍ່ມີຫຍັງເລີຍ ທີ່ວ່າເປັນເອກກະ
ພາບ ມັນມີການຂັດແຍ້ງກັນຢູ່ຕະຫລອດເວລາ. ທ່ານສາມາດມອງເຫັນຄວາມບໍ່ຮຽບຮ້ອຍ
ຢູ່ທາງຫລັງສາກ.
