ທຳນຽບຂາວກ່າວໃນວັນພະຫັດວານນີ້ວ່າ ຕົນບໍ່ມີຂໍ້ມູນໃດໆກ່ຽວກັບໄພຂົ່ມຂູ່ທີ່ສະຫະລັດ
ອາດກຳລັງປະເຊີນຢູ່ ກ່ອນວັນຄົບຮອບປີທຳອິດ ໃນການສັງຫານມື້ລາງອະດີດຜູ້ນຳກຸ່ມກໍ່
ການຮ້າຍອາລກາຍດາ ນາຍ Osama bin-Laden ທີ່ປາກິສຖານ.
ໂຄສົກຂອງທຳນຽບຂາວ ທ່ານ Jay Carney ກ່າວຕໍ່ພວກນັກຂ່າວວ່າ ໃນເວລານີ້ພວກ
ເຮົາຍັງບໍ່ມີຂໍ້ມູນທີ່ໜ້າເຊື່ອຖືໄດ້ທີ່ວ່າກຸ່ມກໍ່ການຮ້າຍຕ່າງໆ ຮວມທັງກຸ່ມອາລກາຍດາພວມ
ວາງແຜນທຳການໂຈມຕີໃນສະຫະລັດເພື່ອໃຫ້ມີຂຶ້ນພ້ອມ ກັນກັບວັນຄົບຮອບໃນການເສຍ
ຊີວິດຂອງນາຍ bin-Laden.
ແຕ່ແນວໃດກໍຕາມ ທ່ານໄດ້ກ່າວຢໍ້າວ່າພັນທະມິດ ແລະເຄືອຂ່າຍຂອງກຸ່ມກໍ່ການຮ້າຍອາລ
ກາຍດາ ຍັງສືບຕໍ່ມີຄວາມຕັ້ງໃຈ ທີ່ຈະທຳການໂຈມຕີຢູ່ໃນສະຫະລັດ ບາງທີອາດເພື່ອເປັນ
ການແກ້ແຄ້ນ ໃນການເສຍຊີວິດ ຂອງນາຍ bin-Laden ແຕ່ບໍ່ຈຳເປັນທີ່ຈະຕ້ອງກ່ຽວພັນ
ກັບວັນຄົບຮອບດັ່ງກ່າວ.
ກ່ອນໜ້ານີ້ ປະທານາທິບໍດີສະຫະລັດທ່ານບາຣັກ ໂອບາມາໄດ້ສັ່ງໃຫ້ທົບທວນເບິ່ງພາບ
ລວມຂອງໄພຂົ່ມຂູ່ແລະມີຄຳສັ່ງໃຫ້ຄະນະຂອງທ່ານນຳໃຊ້ທຸກມາດຕະການທີ່ຈຳເປັນເພື່ອ
ໃຫ້ການປົກປ້ອງຄຸ້ມຄອງປະຊາຊົນອາເມຣິກັນ.
ນອກນັ້ນແລ້ວ ໃນວັນພະຫັດວານນີ້ ຜູ້ພິພາກສາຄົນນຶ່ງ ຂອງສານປະຈຳເຂດສະຫະລັດ
ໄດ້ປະຕິເສດ ບໍ່ຍອມອະນຸຍາດໃຫ້ ນຳອອກເຜີຍແຜ່ຮູບພາບ ແລະວີດີໂອກ່ຽວກັບການ
ບຸກໂຈມຕີຂອງທະຫານສະຫະລັດທີ່ໄດ້ສັງຫານນາຍ bin-Laden ຜູ້ກໍ່ການຮ້າຍທີ່ໂລກ
ຕ້ອງການໂຕທີ່ສຸດ ຢູ່ທີ່ເຮືອນຂອງຜູ້ກ່ຽວໃນເມືອງ Abbotabad ເມື່ອວັນທີ 2 ພຶດສະ
ພາປີ 2011 ແລະພິທີສົ່ງສະການຜູ້ກ່ຽວລົງທະເລ.
ຂະນະດຽວກັນ ຄອບຄົວຂອງນາຍ bin-Laden ໄດ້ຖືກເນລະເທດຈາກປາກິສຖານ ໄປ
ຍັງ Saudi Arabia ໃນຕອນເຊົ້າຂອງວັນເສົາມື້ນີ້. ພວກເຈົ້າໜ້າທີ່ສືບລັບກ່າວວ່າ ພັນ
ລະຍາໝ້າຍ 3 ຄົນຂອງນາຍ bin-Laden ແລະລູກໆ ໄດ້ຖືກນຳໂຕໄປຍັງສະໜາມບິນ
ແຫ່ງນຶ່ງໃກ້ໆນະຄອນອິສລາມາບັດບໍ່ດົນຫຼັງຈາກຕອນທ່ຽງຄືນທີ່ມີເຮືອບິນລຳນຶ່ງລໍຖ້າຢູ່ແລ້ວ.
ຈຸດໝາຍປາຍທາງທີ່ຈະຖືກສົ່ງໄປຢູ່ Saudi Arabia ນັ້ນບໍ່ມີໃຜຮູ້ຈັກ.