ລິ້ງ ສຳຫລັບເຂົ້າຫາ

site logo
ວັນພະຫັດ, 19 ພຶດສະພາ 2022

ຮ່າງກົດໝາຍເພື່ອຊ່ວຍ ໄຕ້ຫວັນ ໃຫ້ໄດ້ຮັບຖານະຜູ້ສັງເກດການຄືນ ໃນອົງການ WHO ຜ່ານສະພາຕ່ຳແລ້ວ


ປະຊາຊົນຜູ້ນຶ່ງໃສ່ໜ້າກາກອະນາໄມ ເພື່ອປ້ອງກັນກັນແຜ່ລະບາດ ຂອງເຊື້ອພະຍາດ ໂຄວິດ-19 ຢູ່ໃນ ໄຕ້ຫວັນ, ເມື່ອວັນທີ 26 ເມສາ 2022.

ສະພາຕໍ່າຂອງສະຫະລັດ ໄດ້​ລົງມະ​ຕິ​ຢ່າງ​ເປັນເອກະສັນກັນຮັບຜ່ານຮ່າງກົດໝາຍໃນມື້ວັນພຸດວານນີ້ ຮຽກຮ້ອງໃຫ້ກະຊວງການຕ່າງປະເທດສະ​ຫະ​ລັດສະເໜີແຜນການເພື່ອຊ່ວຍເຫຼືອໄຕ້ຫວັນ ໃຫ້​ໄດ້​ຮັບຖານະຜູ້ສັງເກດການ​ຄືນ ຢູ່​ທີ່ອົງການອະນາໄມໂລກ, ໂດຍພະຍາຍາມ​ຫາ​ທາງ​ຊ່ວຍ​ເຫຼືອປະເທດເກາະແຫ່ງນີ້ ເນື່ອງຈາກຕ້ອງປະເຊີນກັບຄວາມກົດດັນຈາກ ຈີນ, ອີງຕາມລາຍງານຂອງອົງການຂ່າວຣອຍເຕີ ໃນມື້ວັນພຸດວານນີ້.

ສະພາຕໍ່າ ຮັບຜ່ານຮ່າງກົດໝາຍດ້ວຍຄະ​ແນນສຽງ 425 ຕໍ່ 0, ກໍາລັງສົ່ງໄປຫາທໍານຽບຂາວ ເນື່ອງຈາກຮ່າງ​ກົດ​ໝາຍດັ່ງກ່າວໄດ້ຜ່ານສະພາສູງແລ້ວ ເມື່ອເດືອນສິງຫາໃນປີກາຍນີ້. ຜູ້ຊ່ວຍຢູ່ໃນສະພາສູງກ່າວວ່າ ພວກເຂົາເຈົ້າຄາດວ່າ ປະທານາທິບໍດີໂຈ ໄບເດັນ ຈະລົງນາມໃນມາດຕະການດັ່ງກ່າວ ໃຫ້​ກາຍເປັນກົດໝາຍ.

ໄຕ້ຫວັນ ຖືກຂັດຂວາງຈາກອົງການລະດັບໂລກ ເປັນສ່ວນຫຼາຍ ເຊັ່ນວ່າ ອົງ ການອະນາໄມໂລກ ເຊິ່ງເປັນໜ່ວຍງານສຸກເສີນ ທາງດ້ານສຸຂະພາບແຫ່ງອົງ ການສະຫະປະຊາຊາດ, ໂດຍການຄັດຄ້ານຂອງຈີນທີ່ພວກເຂົາຖືວ່າ ປະເທດເກາະແຫ່ງນີ້ ເປັນແຂວງນຶ່ງຂອງຕົນ ບໍ່ແມ່ນ​ເປັນປະເທດນຶ່ງຕ່າງຫາກ.

ມາດຕະການນີ້ ໄດ້ຊີ້ນໍາໃຫ້ລັດຖະມົນຕີ ກະຊວງການຕ່າງປະເທດຂອງສະຫະ ລັດ ກໍານົດຍຸດທະສາດເພື່ອຮັບຮອງເອົາຖານະຜູ້ສັງເກດການ ຢູ່ທີ່ກອງປະຊຸມສະມັດຊາໃຫຍ່ ຂອງອົງການອະນາໄມໂລກ ເຊິ່ງອົງ​ການຕັດສິນໃຈ​ສຳ​ລັບ​ອົງການອະນາໄມໂລກ. ໄຕ້ຫວັນໄດ້ຖືກຖອດຈາກຖານະດັ່ງກ່າວໃນປີ 2017.

ອ່ານຂ່າວນີ້ເປັນພາສາອັງກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG