ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ທ່ານ ໄບເດັນ ແລະ ທ່ານ ທຣໍາ ປະທະຄໍາເວົ້າກັນ ຕັ້ງແຕ່ເລີ້ມຕົ້ນການໂຕ້ວາທີ ຂອງການເລືອກຕັ້ງປະທານາທິບໍດີປີ 2024


ປະທານາທິບໍດີສິະຫະລັດ ທ່ານ ໂຈ ໄບເດັນ ແລະອະດີດປະທານາທິບໍດີ ທັງເປັນຜູ້ສະໝັກແຂ່ງຂັນປະທານາທິບໍດີຈາກພັກຣີພັບບລິກັນ ທ່ານ ດໍໂນລ ທຣໍາ, ໂຕ້ວາທີກັນຄັ້ງທໍາອິດ ສໍາລັບການເລືອກຕັ້ງປະທານາທິບໍດີປີ 2024 ຢູ່ທີ່ຫ້ອງສົ່ງຂອງ CNN ໃນນະຄອນແອັດແລນຕ້າ, ວັນທີ 27 ມິຖຸນາ 2024.
ປະທານາທິບໍດີສິະຫະລັດ ທ່ານ ໂຈ ໄບເດັນ ແລະອະດີດປະທານາທິບໍດີ ທັງເປັນຜູ້ສະໝັກແຂ່ງຂັນປະທານາທິບໍດີຈາກພັກຣີພັບບລິກັນ ທ່ານ ດໍໂນລ ທຣໍາ, ໂຕ້ວາທີກັນຄັ້ງທໍາອິດ ສໍາລັບການເລືອກຕັ້ງປະທານາທິບໍດີປີ 2024 ຢູ່ທີ່ຫ້ອງສົ່ງຂອງ CNN ໃນນະຄອນແອັດແລນຕ້າ, ວັນທີ 27 ມິຖຸນາ 2024.

ປະທານາທິບໍດີສະຫະລັດ ທ່ານ ໂຈ ໄບເດັນ ແລະ ອະດີດປະທານາທິບໍດີ ທ່ານ ດໍໂນລ ທຣໍາ ໄດ້ປະທະຄຳ​ເວົ້າກັນຕັ້ງແຕ່ເລີ້ມຕົ້ນການໂຕ້ວາທີຂອງພວກ ທ່ານໃນຕອນກາງຄືນວັນພະຫັດວານນີ້, ໂດຍໂຕ້ຖຽງກັນຢ່າງຈະແຈ້ງ ກ່ຽວກັບ ລະບົບເສດຖະກິດ, ວຽກງານການຕ່າງປະເທດ ແລະການຍົກຍ້າຍຖິ່ນຖານ ຂ້າມຊາຍແດນເມັກຊິໂກ ເຂົ້າສູ່ສະຫະລັດ.

ທ່ານ ທຣໍາ ກ່າວຕໍ່ບັນດາຜູ້ຊົມໂທລະພາບທົ່ວປະເທດຈາກເວທີການໂຕ້ວາທີ ຢູ່ທີ່ສຳນັກງານໃຫຍ່ຂອງ​ໂທ​ລະ​ພາບ CNN ໃນນະຄອນແອັດແລນຕ້າ​, ລັດ​ຈໍ​ເຈຍວ່າ “ພວກເຮົາຄືກັບປະເທດໂລກທີສາມ ແລະມັນກໍແມ່ນສິ່ງທີ່ໜ້າອັບອາຍ.”

ທ່ານ ທຣໍາ ກ່າວໂດຍຕໍາໜິ ທ່ານ ໄບເດັນ ວ່າ “ພວກເຮົາບໍ່ເຄົາລົບນັບຖືທ່ານ ອີກຕໍ່ໄປ, ພວກເຂົາຄິດວ່າ ພວກເຮົາຄືຄົນໂງ່.”

ທ່ານ ໄບເດັນ ຕອບໂຕ້ໃນຈຸດນຶ່ງທັນທີ ດ້ວຍການແນມເບິ່ງ ທ່ານ ທຣໍາ ແລ້ວກ່າວວ່າ “ນີ້ແມ່ນປະທານາທິບໍດີທີ່ຂີ້ຮ້າຍທີ່ສຸດໃນປະຫວັດສາດຂອງ ອາເມຣິກາ,” ໂດຍອ້າງ​ເຖິງ​ກຸ່ມ​ຂອງນັກປະຫວັດສາດ ຜູ້ທີ່​ໃນ​ຕົ້ນ​ປີນີ້ໄດ້ໃຫ້ຄະ ແນນ ທ່ານ ທຣໍາ ​ຢູ່​ອັນ​ດັບ​ສຸດ​ທ້າຍ​ໃນ​ບັນ​ດາປະທານາທິບໍດີ 46 ຄົນຂອງປະ ເທດ. “ຜູ້ຊາຍຄົນນີ້ ບໍ່ມີຄວາມຮູ້ກ່ຽວກັບປະຊາທິປະໄຕຂອງປະຊາຊົນ ອາເມຣິກັນເລີຍ.”

Biden, Trump clash in first presidential debate of 2024
please wait

No media source currently available

0:00 0:02:30 0:00

ທ່ານ ທຣໍາ, ມັກຈະເປັນຜູ້ຮຸກຮານເລື້ອຍໆ ໃນການໂຕ້ວາທີຕອບໂຕ້ຕໍ່ ທ່ານ ໄບເດັນ ທີ່ມີສຽງແຫບ ແລະ ຢຸດເວົ້າຢູ່, ເຊິ່ງຕອບຄືນດ້ວຍຄໍາເວົ້າທີ່ສຽດສີ, ໂດຍ ທ່ານ ທຣໍາ ກ່າວວ່າ ທ່ານ ໄບເດັນ ຂີ້ຮ້າຍທີ່ສຸດ. ພວກ​ເຂົາ​ເຈົ້າໄດ້​ກ່າວ​ຫາ​ກັນ​ ແລະ​ກັນໄປມາຢູ່ຕະຫຼອດ​ວ່າເປັນຄົນຂີ້​ຕົວະ. ການ​ສຳ​ຫຼວດຂອງ CNN ຫລັງ​ການ​ໂຕ້​ວາທີ​ແບບ​ຫຍໍ້ໆ​ກ່າວ​ວ່າ ທ່ານ ທຣໍາ ​ໄດ້ຮັບໄຊ​ຊະນະໃນ​ການ​ໂຕ້​ວາທີ​ຢ່າງ​ໜ້າ​ເຊື່ອ​ຖື​ດ້ວຍ​ຄະ​ແນນ 67-33% ​ແລະ​ພັກ​ເດ​ໂມ​ແຄຣັດ​ບາງ​ຄົນ​ໄດ້​ສະ​ແດງ​ຄວາມ​ຕົກ​ໃຈ​ຕໍ່​ການ​ປະຕິບັດ​ໜ້າທີ່​ຂອງ ​ທ່ານ ໄບເດັນ.

ທ່ານ ທຣໍາ ໄດ້ເຊື່ອມໂຍງບັນຫາຂອງປະເທດກ່ຽວກັບການໄຫຼຂ້າມຊາຍແດນ ຂອງພວກຜູ້ຍົກຍ້າຍຖິ່ນຖານຢູ່ພາກຕາເວັນຕົກສຽງໃຕ້ຂອງ ສະຫະລັດ ທີ່ຕິດ ກັບປະ​ເທດ ເມັກຊິໂກ ​ຢ່າງຊ້ຳແລ້ວຊ້ຳອີກ, ໂດຍກ່າວວ່າ ພວກເຂົາເຫຼົ່ານັ້ນ ໄດ້ທຳລາຍລະບົບເສດຖະກິດຂອງ ສະຫະລັດ, ເຊິ່ງເປັນປະເທດທີ່ມີລະບົບ ເສດຖະກິດໃຫຍ່ທີ່ສຸດໃນໂລກ, ພ້ອມກັນນັ້ນ ພວກເຂົາກໍຍັງເຂົ້າມາຍາດເອົາ ວຽກງານຂອງປະ​ຊາ​ຊົນອາເມຣິກັນອີກດ້ວຍ.

ອ່ານຂ່າວນີ້ເປັນພາສາອັງກິດ

ຟໍຣັມສະແດງຄວາມຄິດເຫັນ

XS
SM
MD
LG