ປະທານາທິບໍດີສະຫະລັດ ທ່ານ ໂຈ ໄບເດັນ ແລະ ຜູ້ທ້າຊິງຕຳແໜ່ງໃນການ ເລືອກຕັ້ງວັນທີ 5 ພະຈິກທີ່ຈະມາເຖິງນີ້ຂອງທ່ານ, ອະດີດປະທານາທິບໍດີ ທ່ານ ດໍໂນລ ທຣຳ, ໄດ້ຕົກລົງກັນໃນວັນພຸດວານນີ້ທີ່ຈະທຳການໂຕ້ວາທີກັນ 2 ຄັ້ງ, ຄັ້ງທີນຶ່ງແມ່ນວັນທີ 27 ມິຖຸນາ ແລະ ອີກຄັ້ງນຶ່ງແມ່ນວັນທີ 10 ກັນຍາ.
ໂທລະພາບ CNN ກ່າວວ່າ ຜູ້ໂຄສະນາຫາສຽງທັງສອງທ່ານ ໄດ້ຕົກລົງທີ່ຈະ ຈັດການປະເຊີນຫນ້າກັນຄັ້ງທໍາອິດໃນອີກ 6 ອາທິດຢູ່ທີ່ສະຕູດິໂອຂອງຕົນໃນ ນະຄອນແອັດແລນຕ້າ ໂດຍບໍ່ມີຜູ້ຊົມເຂົ້າເບິ່ງ. ສໍາລັບການໂຕ້ວາທີຄັ້ງທີສອງ ແມ່ນຈະຖືກຈັດຂຶ້ນໂດຍໂທລະພາບ ABC.
ການປະກາດສໍາລັບການໂຕ້ວາທີຂອງທັງສອງທ່ານນັ້ນ ມີຂຶ້ນພ້ອມກັນຢ່າງ ໄວວາໃນວັນພຸດວານນີ້.
ທ່ານ ທຣໍາ, ສະມາຊິກຈາກພັກຣີພັບບລີກັນທີ່ສູນເສຍການແຂ່ງຂັນເລືອກຕັ້ງ ໃຫ້ ທ່ານ ໄບເດັນ ໃນປີ 2020, ເຖິງແມ່ນທ່ານຈະຍັງຄົງອ້າງແບບຜິດໆວ່າ ທ່ານຖືກຫຼອກລວງໃຫ້ອອກຈາກທໍານຽບຂາວໃນສະໄໝໃໝ່ຂອງທ່ານກໍຕາມ, ເປັນເວລາຫຼາຍອາທິດໄດ້ຮຽກຮ້ອງໃຫ້ມີການໂຕ້ວາທີຫຼາຍໆຄັ້ງ ກ່ອນຮອດການລົງຄະແນນສຽງແຫ່ງຊາດຂອງປີ 2024. ທ່ານ ໄບເດັນ, ສະມາຊິກພັກ ເດໂມແຄຣັດ, ເມື່ອບໍ່ດົນມານີ້ໄດ້ຕົກລົງທີ່ຈະໂຕ້ວາທີກັບ ທ່ານ ທຣໍາ.
ໃນວັນພຸດວານນີ້, ການໂຄສະນາຫາສຽງຂອງ ທ່ານ ໄບເດັນ ໄດ້ແຈ້ງໃຫ້ຮູ້ ກ່ຽວກັບການໂຕ້ວາທີໃນເດືອນມິຖຸນາ ແລະ ເດືອນກັນຍາ ທີ່ຈະມາເຖິງນີ້, ໃນຂະນະທີ່ທ່ານກ່າວວ່າ ທ່ານຈະບໍ່ເຂົ້າຮ່ວມໃນການໂຕ້ວາຄັ້ງທີ່ 3 ທີ່ໄດ້ສະ ເຫນີໃຫ້ມີຂຶ້ນສໍາລັບເດືອນກັນຍາ ແລະເດືອນຕຸລາ ໂດຍຄະນະກໍາມະການການ ໂຕ້ວາທີຂອງປະທານາທິບໍດີທີ່ບໍ່ເຂົ້າຂ້າງພັກການເມືອງໃດ ເຊິ່ງໄດ້ຈັດການໂຕ້ ວາທີໃນທຸກໆ 4 ປີ ເປັນເວລາສາມທົດສະວັດຕິດຕໍ່ກັນ.
ທ່ານ ທຣໍາ, ເຊິ່ງໄດ້ໂພສຢູ່ໃນເວັບໄຊທ໌ Truth Social ຂອງທ່ານ ກ່າວວ່າ ທ່ານ “ມີຄວາມພ້ອມ ແລະມີຄວາມປາດຖະໜາທີ່ຈະໂຕ້ວາທີ” ກັບ ທ່ານ ໄບເດັນ ໃນເດືອນຫນ້າ ແລະໃນເດືອນກັນຍາ ທີ່ຈະມາເຖິງນີ້. ໂທລະພາບ CNN, ເຊິ່ງເປັນເຄືອຂ່າຍຂ່າວເຄໂບລ 24 ຊົ່ວໂມງ, ໄດ້ອອກມາປະກາດ ກ່ຽວກັບການໂຕ້ວາທີຄັ້ງທໍາອິດ ບໍ່ດົນຫຼັງຈາກນັ້ນ, ແລະກ່າວວ່າ ສອງຜູ້ດໍາເນີນລາຍການອາວຸໂສຂອງຕົນ, ທ່ານ ເຈກ ແທັບເປີ (Jake Tapper) ແລະ ທ່ານນາງ ເດນາ ບາສ (Dana Bash) ຈະເປັນໂຄສົກ ໃນການດໍາເນີນງານດັ່ງກ່າວ.
ຟໍຣັມສະແດງຄວາມຄິດເຫັນ