ລິ້ງ ສຳຫລັບເຂົ້າຫາ

ວັນພຸດ, ໑໗ ເມສາ ໒໐໒໔

ທ່ານ ໄບເດັນ ຈະຍົກຄວາມເປັນຫ່ວງ ກ່ຽວກັບຂໍ້ຕົກລົງຊື້ກິດຈະການເຫຼັກ ຂອງສະຫະລັດ ໂດຍ ບໍລິສັດ Nippon Steel


ພາບນີ້ ສະແດງໃຫ້ເຫັນສ່ວນນຶ່ງຂອງໂຮງງານຜະລິດເຫຼັກຂອງສະຫະລັດ Edgar Thomson ໃນເມືອງ ແບຣດດັອກ, ລັດເພັນຊີລເວເນຍ, ໃນວັນຈັນ, ທີ 18 ທັນວາ 2023.
ພາບນີ້ ສະແດງໃຫ້ເຫັນສ່ວນນຶ່ງຂອງໂຮງງານຜະລິດເຫຼັກຂອງສະຫະລັດ Edgar Thomson ໃນເມືອງ ແບຣດດັອກ, ລັດເພັນຊີລເວເນຍ, ໃນວັນຈັນ, ທີ 18 ທັນວາ 2023.

ປະທານາທິບໍດີ ສະຫະລັດ ທ່ານ ໂຈ ໄບເດັນ ວາງແຜນທີ່ຈະສະແດງຄວາມເປັນຫ່ວງຕໍ່ການສະເໜີຊື້ກິດຈະການເຫຼັກຂອງສະຫະລັດ ມູນຄ່າ 14.9 ຕື້ໂດລາ ຂອງບໍລິສັດເຫຼັກ Nippon Steel, ດັ່ງທີ່ຜູ້ມີຄວາມຄຸ້ນເຄີຍກັບເລື່ອງນີ້ກ່າວ ໃນວັນພຸດວານນີ້, ເຮັດໃຫ້ຮຸ້ນຂອງບໍລິສັດສະຫະລັດຫຼຸດລົງເກືອບ 13% ເນື່ອງຈາກການຕົກລົງຊື້ຂາຍດັ່ງກ່າວ ອາດຈະປະເຊີນກັບການຄັດຄ້ານທາງດ້ານການເມືອງຫຼາຍຂຶ້ນ, ອີງຕາມອົງການຂ່າວຣອຍເຕີສ໌.

ບັນຫາດັ່ງກ່າວ ມີທ່າແຮງທີ່ຈະຄອບງຳກອງປະຊຸມສຸດຍອດໃນວັນທີ 10 ເມສານີ້ ລະຫວ່າງທ່ານ ໄບເດັນ ແລະນາຍົກລັດຖະມົນຕີຍີ່ປຸ່ນ ທ່ານ ຟູມິໂອ ກິຊິດະ (Fumio Kishida) ທີ່ແນໃສ່ເພື່ອຊຸກຍູ້ການເປັນພັນທະມິດດ້ານຄວາມໝັ້ນຄົງທີ່ມີມາແຕ່ດົນນານ ລະຫວ່າງປະເທດຂອງພວກເພິ່ນ ເມື່ອປະເຊີນໜ້າກັບການຄວາມເຂັ້ມແຂງຂອງຈີນທີ່ເພີ້ມຂຶ້ນ.

ໃນເດືອນທັນວາ, Nippon Steel ບັນລຸຂໍ້ຕົກລົງທີ່ຈະຊື້ ໂຮງງານຜະລິດເຫຼັກ ທີ່ມີຊື່ສຽງຂອງສະຫະລັດ ອາຍຸ 122 ປີ ໃນມູນຄ່າສູງ, ໂດຍການຕົກລົງຊື້ຂາຍຈະເຮັດໃຫ້ເຫຼັກຂອງສະຫະລັດ ໄດ້ຮັບຜົນປະໂຫຍດຈາກການໃຊ້ຈ່າຍ ແລະສິດທິພິເສດທາງດ້ານພາສີ ຢູ່ໃນຮ່າງກົດໝາຍດ້ານພື້ນຖານໂຄງລ່າງຂອງ ທ່ານ ໄບເດັນ.

​ແນວ​ໃດ​ກໍຕາມ, ສະມາຊິກ​ສະພາ​ສູງ​ພັກ​ເດ​ໂມ​ແຄຣັດ ​ແລະ​ພັກຣີພັບ​ບລິ​ກັນ ​ຫຼາຍ​ຄົນ ​ໄດ້ວິພາກວິຈານ​ຂໍ້​ຕົກລົງ​ດັ່ງກ່າວ, ​ໂດຍ​ອ້າງ​ເຖິງ​ຄວາມ​ເປັນ​ຫ່ວງ​ດ້ານ​ຄວາມໝັ້ນຄົງແຫ່ງ​ຊາດ ຫຼື​ຕັ້ງ​ຄຳ​ຖາມ​ກ່ຽວ​ກັບ​ວ່າ​ ເປັນ​ຫຍັງ​ສອງ​ບໍລິສັດ​ບໍ່ປຶກສາ​ຫາລື​ກັບ​ສະ​ຫະ​ພັນ​ເຫຼັກ​ຂອງ​ສະຫະລັດ​ກ່ອນ​ການ​ປະກາດດັ່ງກ່າວ.

ທ່ານ ດໍໂນລ ທຣຳ, ຄູ່ແຂ່ງຂອງ ທ່ານ ໄບເດັນ ໃນການເລືອກຕັ້ງປະທານາທິບໍດີສະຫະລັດໃນເດືອນພະຈິກ, ໄດ້ກ່າວວ່າ ທ່ານຈະຂັດຂວາງການເຂົ້າຊື້ກິດຈະການເຫຼັກຂອງສະຫະລັດ ຖ້າໄດ້ຖືກເລືອກ. ທຳນຽບຂາວ​ກ່າວ​ໃນ​ເດືອນ​ທັນວາ​ຜ່ານ​ມາ​ວ່າ ຂໍ້​ຕົກລົງ​ດັ່ງກ່າວ​ ຈຳ​ເປັນ​ຕ້ອງ​ໄດ້​ຮັບ​ການ​ພິຈາລະນາ​ຢ່າງ​ຮອບຄອບ ເນື່ອງຈາກ​ບົດບາດ​ຫຼັກ​ຂອງ​ເຫຼັກ​ຂອງ​ສະຫະລັດ ​ໃນ​ການ​ຜະລິດ​ວັດຖຸ​ທີ່​ສຳຄັນ ​ຕໍ່​ຄວາມ​ໝັ້ນຄົງ​ແຫ່ງ​ຊາດ.

ທຳນຽບຂາວໄດ້ປະຕິເສດທີ່ຈະໃຫ້ຄວາມເຫັນໃນວັນພຸດວານນີ້, ແຕ່ຜູ້ທີ່ມີຄວາມຄຸ້ນເຄີຍກັບເລື່ອງນີ້ກ່າວວ່າທ່ານ ໄບເດັນ ຈະອອກຖະແຫຼງການກ່ຽວກັບແຜນການເຂົ້າຊື້ກິດຈະການ ກ່ອນທີ່ ທ່ານ ກິຊິດະ ຈະເດີນທາງມາຮອດ ໃນການຢ້ຽມຢາມທາງລັດຖະການຂອງທ່ານ.

ອ່ານລາຍງານເປັນພາສາອັງກິດຂ້າງລຸ່ມນີ້:

U.S. President Joe Biden plans to express concern over Nippon Steel's proposed $14.9 billion purchase of U.S. Steel, a person familiar with the matter said on Wednesday, pushing the U.S. company's stock nearly 13% lower on bets the deal could face greater political opposition.

The issue has the potential to overshadow an April 10 summit between Biden and Japanese Prime Minister Fumio Kishida aimed at boosting the long-standing security alliance between their countries in the face of growing Chinese strength.

In December, Nippon Steel clinched a deal to buy the 122-year-old iconic U.S. steelmaker for a hefty premium, betting that U.S. Steel would benefit from the spending and tax incentives in Biden's infrastructure bill.

However, several Democratic and Republican U.S. senators have criticized the deal, citing national security concerns or raising questions about why the two companies did not consult U.S. Steel's main union ahead of the announcement.

Donald Trump, Biden's rival in the November U.S presidential election, has said he would block the acquisition of U.S. Steel if elected. The White House said in December the deal needed to be carefully scrutinized given U.S. Steel's core role in producing a material that is critical to national security.

The White House declined to comment on Wednesday, but a person familiar with the matter said Biden would issue a statement about the planned acquisition before Kishida arrives for his state visit.

ຟໍຣັມສະແດງຄວາມຄິດເຫັນ

XS
SM
MD
LG