ຮອງປະທານາທິບໍດີສະຫະລັດ ທ່ານ Joe Biden ກໍາລັງຢູ່ທີ່
ປະເທດຈີນ ເພື່ອທໍາການເຈລະຈາຫາລື ທີ່ຄາດວ່າຈະເພັ່ງເລັງ
ໃສ່ເຂດປ້ອງກັນທາງອາກາດໃໝ່ທີ່ເປັນບັນຫາໂຕ້ແຍ້ງຂອງ
ປັກກິ່ງ ຊຶ່ງຮວມທັງໝູ່ເກາະ ທີ່ທາງຍີ່ປຸ່ນ ກໍໄດ້ອ້າງເອົາກໍາມະ
ສິດນັ້ນນໍາ.
ທ່ານ Biden ໄດ້ໄປຮອດນະຄອນຫຼວງປັກກິ່ງ ໃນວັນພຸດມື້ນີ້
ບອ່ນທີ່ທ່ານໄດ້ໃຫ້ຄຳໝັ້ນສັນຍາວ່າ ຈະນໍາເອົາບັນຫາດັ່ງກ່າວ
ນີ້ ຂຶ້ນມາໂອ້ລົມ ໃນຂະນະທີ່ພົບປະກັບປະທານປະເທດຈີນ
ທ່ານ Xi Jinping ແລະບັນດາຜູ້ນໍາຂັ້ນສູງອື່ນໆຂອງຈີນນໍາ.
ໃນການຢ້ຽມຢາມເປັນເວລານຶ່ງມື້ຂອງທ່ານ Biden ແມ່ນເລີ່ມຕົ້ນທີ່ສະຖານທູດສະຫະລັດ
ປະຈໍາກຸງປັກກິ່ງ ບ່ອນທີ່ທ່ານໄດ້ຊຸກຍູ້ໃຫ້ຊາວຈີນກຸ່ມນຶ່ງ ທີ່ໄປຂໍວີຊ່ານັ້ນວ່າ “ໃຫ້ທ້າທາຍ
ຕໍ່ລັດຖະບານ.”
ຊຶ່ງທ່ານ Biden ກ່າວວ່າ: “ຄວາມຄິດປະດິດສ້າງໃໝ່ໆ ສາມາດມີຂຶ້ນໄດ້ ກໍຕໍ່ເມື່ອ
ທ່ານສາມາດຫາຍໃຈເຂົ້າອອກໄດ້ຢ່າງເສລີ ກ້າທ້າທາຍຕໍ່ລັດຖະບານ ທ້າທາຍ
ຕໍ່ບັນດານາຍຄູ ແລະ ທ້າທາຍຕໍ່ບັນດາຜູ້ນໍາທາງສາສະໜາ.”
ຫຼັງຈາກການພົບປະໃນເວລາຕໍ່ມາ ກັບຄູ່ຕໍາແໜ່ງຝ່າຍຈີນ ທ່ານ Li Yuanchao
ແລ້ວທ່ານ Biden ກ່າວວ່າ ສາຍພົວພັນລະຫວ່າງສະຫະລັດແລະຈີນ ສ່ວນໃຫຍ່ແມ່ນ
ສໍາຄັນ ແລະສະລັບສັບຊ້ອນ ຊຶ່ງມີຄວາມຈໍາເປັນໃນການຮັກສາບໍາລຸງ ໂດຍການ
ພົວພັນລະດັບ ສູງ.
ການຢ້ຽມຢາມຄັ້ງນີ້ ມີຂຶ້ນນຶ່ງມື້ ຫຼັງຈາກທ່ານໄດ້ຢ້ຽມຢາມຍີ່ຢຸ່ນ ພັນທະມິດຂອງສະຫະລັດ
ບ່ອນທີ່ທ່ານໄດ້ກ່າວເຖິງຄວາມເປັນຫ່ວງເປັນໃຍຢ່າງເລິກເຊິ່ງ ກ່ຽວກັບເຂດປ້ອງກັນທາງ
ອາກາດໃໝ່ຂອງຈີນ ໃນເຂດທະເລຈີນຕາເວັນອອກນັ້ນ.
ຫຼັງຈາກທີ່ໄດ້ພົບປະກັບນາຍົກລັດຖະມົນຕີຍີ່ປຸ່ນທ່ານ Shinzo Abe ແລ້ວ ທ່ານ Biden
ໄດ້ເເນະນໍາວ່າ ໃຫ້ຈັດຕັ້ງມາດຕະການສ້າງຄວາມໄວ້ເນື້ອເຊື່ອໃຈຊຶ່ງກັນແລະກັນຮວມ
ທັງ ຊ່ອງທາງໃນການສື່ສານສຸກເສີນ ເພື່ອຊ່ອຍຫຼຸດຜ່ອນຄວາມຕຶງຄຽດລົງ.
ປະເທດຈີນ ເພື່ອທໍາການເຈລະຈາຫາລື ທີ່ຄາດວ່າຈະເພັ່ງເລັງ
ໃສ່ເຂດປ້ອງກັນທາງອາກາດໃໝ່ທີ່ເປັນບັນຫາໂຕ້ແຍ້ງຂອງ
ປັກກິ່ງ ຊຶ່ງຮວມທັງໝູ່ເກາະ ທີ່ທາງຍີ່ປຸ່ນ ກໍໄດ້ອ້າງເອົາກໍາມະ
ສິດນັ້ນນໍາ.
ທ່ານ Biden ໄດ້ໄປຮອດນະຄອນຫຼວງປັກກິ່ງ ໃນວັນພຸດມື້ນີ້
ບອ່ນທີ່ທ່ານໄດ້ໃຫ້ຄຳໝັ້ນສັນຍາວ່າ ຈະນໍາເອົາບັນຫາດັ່ງກ່າວ
ນີ້ ຂຶ້ນມາໂອ້ລົມ ໃນຂະນະທີ່ພົບປະກັບປະທານປະເທດຈີນ
ທ່ານ Xi Jinping ແລະບັນດາຜູ້ນໍາຂັ້ນສູງອື່ນໆຂອງຈີນນໍາ.
ໃນການຢ້ຽມຢາມເປັນເວລານຶ່ງມື້ຂອງທ່ານ Biden ແມ່ນເລີ່ມຕົ້ນທີ່ສະຖານທູດສະຫະລັດ
ປະຈໍາກຸງປັກກິ່ງ ບ່ອນທີ່ທ່ານໄດ້ຊຸກຍູ້ໃຫ້ຊາວຈີນກຸ່ມນຶ່ງ ທີ່ໄປຂໍວີຊ່ານັ້ນວ່າ “ໃຫ້ທ້າທາຍ
ຕໍ່ລັດຖະບານ.”
ຊຶ່ງທ່ານ Biden ກ່າວວ່າ: “ຄວາມຄິດປະດິດສ້າງໃໝ່ໆ ສາມາດມີຂຶ້ນໄດ້ ກໍຕໍ່ເມື່ອ
ທ່ານສາມາດຫາຍໃຈເຂົ້າອອກໄດ້ຢ່າງເສລີ ກ້າທ້າທາຍຕໍ່ລັດຖະບານ ທ້າທາຍ
ຕໍ່ບັນດານາຍຄູ ແລະ ທ້າທາຍຕໍ່ບັນດາຜູ້ນໍາທາງສາສະໜາ.”
ຫຼັງຈາກການພົບປະໃນເວລາຕໍ່ມາ ກັບຄູ່ຕໍາແໜ່ງຝ່າຍຈີນ ທ່ານ Li Yuanchao
ແລ້ວທ່ານ Biden ກ່າວວ່າ ສາຍພົວພັນລະຫວ່າງສະຫະລັດແລະຈີນ ສ່ວນໃຫຍ່ແມ່ນ
ສໍາຄັນ ແລະສະລັບສັບຊ້ອນ ຊຶ່ງມີຄວາມຈໍາເປັນໃນການຮັກສາບໍາລຸງ ໂດຍການ
ພົວພັນລະດັບ ສູງ.
ການຢ້ຽມຢາມຄັ້ງນີ້ ມີຂຶ້ນນຶ່ງມື້ ຫຼັງຈາກທ່ານໄດ້ຢ້ຽມຢາມຍີ່ຢຸ່ນ ພັນທະມິດຂອງສະຫະລັດ
ບ່ອນທີ່ທ່ານໄດ້ກ່າວເຖິງຄວາມເປັນຫ່ວງເປັນໃຍຢ່າງເລິກເຊິ່ງ ກ່ຽວກັບເຂດປ້ອງກັນທາງ
ອາກາດໃໝ່ຂອງຈີນ ໃນເຂດທະເລຈີນຕາເວັນອອກນັ້ນ.
ຫຼັງຈາກທີ່ໄດ້ພົບປະກັບນາຍົກລັດຖະມົນຕີຍີ່ປຸ່ນທ່ານ Shinzo Abe ແລ້ວ ທ່ານ Biden
ໄດ້ເເນະນໍາວ່າ ໃຫ້ຈັດຕັ້ງມາດຕະການສ້າງຄວາມໄວ້ເນື້ອເຊື່ອໃຈຊຶ່ງກັນແລະກັນຮວມ
ທັງ ຊ່ອງທາງໃນການສື່ສານສຸກເສີນ ເພື່ອຊ່ອຍຫຼຸດຜ່ອນຄວາມຕຶງຄຽດລົງ.
