ປະທານາທິບໍດີ ໂຈ ໄບເດັນ ໄດ້ໃຫ້ອະໄພໂທດແກ່ທ່ານ ຮັນເຕີ, ລູກຊາຍຂອງທ່ານເມື່ອຄືນວັນອາທິດວານນີ້, ສົ່ງຜົນໃຫ້ທ່ານ ຮັນເຕີ ຜູ້ເປັນລູກຊາຍບໍ່ຕ້ອງຮັບໂທດຂັງຄຸກໃນຄະດີອາຍາຂອງລັດຖະບານກາງທີ່ກ່ຽວຂ້ອງກັບອາວຸດປືນ ແລະ ພາສີ, ພ້ອມທັງເປັນການປີ້ນຄຳສັນຍາທີ່ເຄີຍມີວ່າຈະບໍ່ໃຊ້ອຳນາດພິເສດຂອງປະທານາທິບໍດີ ເພື່ອປະໂຫຍດຂອງຄອບຄົວອີກດ້ວຍ.
ປະທານາທິບໍດີສັງກັດພັກເດໂມແຄຮັດ ດັ່ງກ່າວກ່ອນໜ້ານີ້ໄດ້ກ່າວວ່າທ່ານຈະບໍ່ໃຫ້ອະໄພໂທດລູກຊາຍຂອງທ່ານ ຫຼື ຫຼຸດຜ່ອນໂທດຂອງລາວ ຫຼັງຈາກຖືກຕັດສິນວ່າມີຄວາມຜິດໃນສອງຄະດີຢູ່ລັດ ເດລາແວ ແລະ ຄາລິຟໍເນຍ. ການຕັດສິນໃຈດັ່ງກ່າວເກີດຂຶ້ນບໍ່ເທົ່າໃດອາທິດກ່ອນທີ່ທ່ານ ຮັນເຕີ ໄບເດັນ ຈະໄດ້ຮັບໂທດຫຼັງຈາກຖືກຕັດສິນວ່າມີຄວາມຜິດໃນຄະດີປືນ ແລະ ສາລະພາບຜິດໃນຂໍ້ຫາພາສີ ແລະ ບໍ່ເຖິງສອງເດືອນກ່ອນທີ່ທ່ານ ດໍໂນລ ທຣຳ ປະທານາທິບໍດີຄົນໃໝ່ຈະກັບເຂົ້າທຳນຽບຂາວ.
ເຫດການດັ່ງກ່າວເປັນການສະຫຼຸບບັນຫາທາງກົດໝາຍທີ່ດຳເນີນມາຍາວນານຂອງທ່ານ ໄບເດັນ ທີ່ມີອາຍຸໜຸ່ມກວ່າ ຊຶ່ງໄດ້ເປີດເຜີຍຕໍ່ສາທາລະນະວ່າ ທ່ານໄດ້ຢູ່ພາຍໃຕ້ການສອບສວນຂອງລັດຖະບານກາງໃນເດືອນທັນວາ 2020 ນຶ່ງເດືອນຫຼັງຈາກພໍ່ຂອງທ່ານໄດ້ຮັບໄຊຊະນະໃນປີ 2020 ແລະ ຍັງເຮັດໃຫ້ສູນເສຍມູນເຊື້ອຂອງທ່ານ ໄບເດັນ ທີ່ມີອາຍຸສູງກວ່າອີກດ້ວຍ.
ທ່ານ ໄບເດັນ, ເຊິ່ງໃຫ້ຄຳໝັ້ນສັນຍາກັບປະຊາຊົນ ອາເມຣິກັນ ຫຼາຍຄັ້ງວ່າຈະຟື້ນຟູບັນທັດຖານ ແລະ ຄວາມເຄົາລົບຕໍ່ລະບຽບກົດໝາຍຫລັງຈາກກຳດຳລົງຕຳແໜ່ງສະໄໝທຳອິດຂອງທ່ານ ທຣຳ ນັ້ນ, ໃນທີ່ສຸດກໍໄດ້ໃຊ້ຕຳແໜ່ງຂອງທ່ານເພື່ອຊ່ວຍເຫຼືອລູກຊາຍຂອງທ່ານ, ເຊິ່ງເປັນການເຮັດຜິດຄຳສັນຍາຕໍ່ສາທາລະນະທີ່ໃຫ້ກັບຊາວ ອາເມຣິກັນວ່າ ຈະບໍ່ເຮັດສິ່ງດັ່ງກ່າວ.
ໃນຖະແຫຼງການສະບັບນຶ່ງທີ່ເປີດເຜີຍໃນແລງວັນອາທິດວານນີ້, ທ່ານ ໄບເດັນ ໄດ້ກ່າວວ່າ “ຂ້າພະເຈົ້າເຊື່ອໝັ້ນໃນລະບົບຍຸດຕິທຳ, ແຕ່ໃນຂະນະທີ່ຂ້າພະເຈົ້າໄດ້ຕໍ່ສູ້ບັນຫານີ້, ຂ້າພະເຈົ້າກໍຍັງເຊື່ອວ່າ ການເມືອງໄດ້ສົ່ງຜົນກະທົບຕໍ່ຂະບວນການນີ້ ແລະ ມັນໄດ້ນຳໄປສູ່ຂະບວນການຍຸດຕິທຳທີ່ຜິດພາດ.
ການໃຫ້ອະໄພໂທດຄັ້ງໃຫຍ່ຂອງປະທານາທິບໍດີຄວບຄຸມບໍ່ພຽງແຕ່ຄວາມຜິດ ກ່ຽວກັບ ແລະ ພາສີຕໍ່ທ່ານ ໄບເດັນ ທີ່ໜຸ່ມກວ່າເທົ່ານັ້ນ, ແຕ່ຍັງລວມເຖິງ “ຄວາມຜິດອື່ນໆຕໍ່ ສະຫະລັດ ອາເມຣິກາ ທີ່ລາວໄດ້ກໍ່ຂຶ້ນ ຫຼື ມີສ່ວນຮ່ວມໃນຊ່ວງວັນທີ 1 ມັງກອນ 2014 ເຖິງ 1 ທັນວາ 2024” ອີກດ້ວຍ.
ໃນເດືອນມິຖຸນາ ທີ່ຜ່ານມາ ທ່ານ ໄບເດັນ ໄດ້ຕັດສິນໃຈຢ່າງເດັດຂາດວ່າຈະໃຫ້ອະໄພໂທດ ຫຼື ຫຼຸດໂທດໃຫ້ລູກຊາຍຂອງທ່ານຫຼືບໍ່ ໂດຍບອກກັບນັກຂ່າວຂະນະທີ່ລູກຊາຍຂອງທ່ານຕ້ອງຂຶ້ນສານໃນຄະດີປືນທີ່ລັດ ເດລາແວ ວ່າ “ຂ້າພະເຈົ້າປະຕິບັດຕາມຄຳຕັດສິນຂອງຄະນະຕຸລາການ. ຂ້າພະເຈົ້າຈະບໍ່ໃຫ້ອະໄພໂທດລາວ.”
ອ່ານຂ່າວນີ້ເປັນພາສາອັງກິດ
President Joe Biden pardoned his son, Hunter, sparing the younger Biden a possible prison sentence for federal felony gun and tax convictions and reversing his past promises not to use the extraordinary powers of the presidency for the benefit of his family.
The Democratic president had previously said he would not pardon his son or commute his sentence after convictions in the two cases in Delaware and California. The move on Sunday night comes weeks before Hunter Biden was set to receive his punishment after his trial conviction in the gun case and guilty plea on tax charges, and less than two months before President-elect Donald Trump is set to return to the White House.
It caps a long-running legal saga for the younger Biden, who publicly disclosed he was under federal investigation in December 2020 — a month after his father’s 2020 victory — and casts a pall over the elder Biden's legacy.
Biden, who time and again pledged to Americans that he would restore norms and respect for the rule of law after Trump's first term in office, ultimately used his position to help his son, breaking his public pledge to Americans that he would do no such thing.
In a statement released Sunday evening, Biden said, “I believe in the justice system, but as I have wrestled with this, I also believe raw politics has infected this process and it led to a miscarriage of justice.”
The president's sweeping pardon covers not just the gun and tax offenses against the younger Biden, but also any other “offenses against the United States which he has committed or may have committed or taken part in during the period from January 1, 2014 through December 1, 2024.”
In June, Biden categorically ruled out a pardon or commutation for his son, telling reporters as his son faced trial in the Delaware gun case, “I abide by the jury decision. I will do that and I will not pardon him.”
ຟໍຣັມສະແດງຄວາມຄິດເຫັນ