ຮອງປະທານາທິບໍດີສະຫະລັດ ທ່ານ Joe Biden ກ່າວວ່າ ການສັງຫານໝູ່ໃນເມືອງ Orlando ລັດ Florida “ໄດ້ກາຍມາເປັນທີ່ແຈ້ງຂາວຕື່ມຂຶ້ນ ແລະຊື່ຕົງໄປໜ້າ” ໃນຂະນະ
ທີ່ບັນດາຜູ້ສືບສວນພະຍາຍາມພິຈາລະນາເຖິງສາເຫດຢູ່ເບື້ອງຫລັງຂອງການໂຈມຕີ ທີ່ ເຮັດໃຫ້ 49 ຄົນເສຍຊີວິດ ແລະໄດ້ຮັບບາດເຈັບອີກ 53 ຄົນ.
ທ່ານ Biden ບໍ່ໄດ້ບັນລະຍາຍເພີ້ມຕື່ມ ໃນວັນອັງຄານວານນີ້ ແຕ່ໄດ້ກ່າວວ່າ ໃນສອງສາມມື້ຕໍ່ໜ້ານີ້ ປະທານາທິບໍດີ Barack Obama ຈະກ່າວເພີ້ມເຕີມ. ປະທານາທິບໍດີ Obama ມີກຳນົດໄປຢ້ຽມຢາມເມືອງ Orlando ໃນວັນພະຫັດມື້ອຶ່ນນີ້.
ປະທານາທິບໍດີ ໃນຄຳເວົ້າຂອງທ່ານເອງ ໃນວັນອັງຄານວານນີ້ ກ່າວວ່າ ການຍິງສັງຫານນີ້ ແມ່ນໄດ້ກະທຳໂດຍ “ຊາຍໜຸ່ມທີ່ມີຄວາມໂກດແຄ້ນ ຈິດໃຈລົບກວນ ແລະບໍ່ມີຄວາມໝັ້ນຄົງ ທີ່ໄດ້ກາຍມາເປັນຫົວຮຸນແຮງ.” ທ່ານກ່າວວ່າບໍ່ໄດ້ມີການບອກເຖິງກຸ່ມກໍ່ການຮ່້າຍຕ່າງປະເທດໃດໆທີ່ໃຫ້ຄຳແນະນຳ ແກ່ທ້າວ Omar Mateen ອາຍຸ 29 ປີ ໃນການໂຈມຕີຂອງລາວຢູ່ບາກະເທີຍ.
ທ່ານ Obama ກ່າວວ່າ ບັນດາເຈົ້າໜ້າທີ່ຕຳຫລວດ “ໄດ້ກະທຳທຸກຢ່າງເພື່ອຢຸດການ ໂຈມ ຕີດັ່ງກ່າວ” ແຕ່ວ່າ “ສຸຂຸມ” ຍ້ອນຄວາມຍາກລຳບາກ ໃນຄວາມພະຍາຍາມ ທີ່ຈະ ຮູ້ລ່ວງໜ້າຈາກ “ບັນດາຜູ້ກະທໍາການຢ່າງໂດດດ່ຽວ” ໄດ້.
ໂຮງໝໍ Orlando ທີ່ໃກ້ສຸດ ກັບບ່ອນ ສັງຫານໝູ່
ລັດຖະມົນຕີຮັກສາຄວາມປອດໄພພາຍໃນ ທ່ານ Jeh Johnson ກ່າວວ່າບັນດາເຈົ້າໜ້າທີ່ຍັງສືບຕໍ່ເກັບກຳເອົາຂໍ້ມູນກ່ຽວກັບຊີວິດຂອງທ້າວ Mateen ແລະຮຽກຮ້ອງໃຫ້ອອກກົດໝາຍຄວບຄຸມປືນທີ່ "ມີຄວາມໝາຍ ມີຄວາມຮັບ ຜິດຊອບ”.
ທ່ານ Johnson ກ່າວຕໍ່ລາຍການ This Morning ຂອງໂທລະພາບ CBS ວ່າ “ມັນແມ່ນສິ່ງທີ່ ຂ້າພະເຈົ້າຄິດວ່າ ສາທາລະນະຊົນອາເມຣິກັນ ແລະລັດຖະສະ ພາຕ້ອງ ປະເຊີນໜ້າ ແລະຕ້ອງໄດ້ແກ້ໄຂ.”
ບັນດາລູກຄ້າທີ່ບາ Pulse ກ່າວວ່າ ເຂົາເຈົ້າໄດ້ເຫັນທ້າວ Mateen ຢູ່ທີ່ນັ້ນ ເລື້ອຍໆ ໃນ ຫລາຍປີທີ່ຜ່ານມາ. ພວກຄົນອຶ່ນໆກ່າວວ່າ ເຂົາເຈົ້າໄດ້ປະ ເຊີນໜ້າ ”ກັບ ທ້າວ Mateen ແຕ່ງງານສອງຄັ້ງ ຢ່າຮ້າງນຶ່ງເທື່ອ ແລະມີ ລູກຊາຍ ນ້ອຍອາຍຸສາມປີ ຢູ່ໃນຕາໜ່າງການ ໂອ້ລົມກະເທີຍທີ່ໃຊ້ app ຊື່ວ່າ “Jack’d.”
