ລິ້ງ ສຳຫລັບເຂົ້າຫາ

ວັນຈັນ, ໒໖ ກຸມພາ ໒໐໒໔

ປ. ໄບເດັນ ແລະ ທ່ານແມັກຄາທີ ຈະພົບປະ​ກັນ ເພື່ອ​ເຈ​ລະ​ຈາ​ເລື້ອງເພດານໜີ້ສີນ


ປທານາທິບໍດີໂຈ ໄບເດັນ ສົນທະນາກັບ ປະທານສະພາຕໍ່າ ທ່ານແຄວິນ ແມັກຄາທີ ຢູ່ລັດຖະສະພາສະຫະລັດ ທີ່ນະຄອນຫລວງວໍຊິງຕັນ ວັນທີ 17 2023
ປທານາທິບໍດີໂຈ ໄບເດັນ ສົນທະນາກັບ ປະທານສະພາຕໍ່າ ທ່ານແຄວິນ ແມັກຄາທີ ຢູ່ລັດຖະສະພາສະຫະລັດ ທີ່ນະຄອນຫລວງວໍຊິງຕັນ ວັນທີ 17 2023

ປະທານາທິບໍດີສະຫະລັດ ທ່ານໂຈ ໄບເດັນ ແລະປະທານສະພາຕໍ່າ ທ່ານແຄວິນ ແມັກຄາທີ ຈະພົບປະກັນໃນວັນຈັນມື້ນີ້ ທີ່ທຳນຽບຂາວ ໃນຂະນະທີ່​ທ່ານ​ເຈ​ລະ​ຈາຫາລືກ່ຽວກັບການ​ເພີ້ມ​ຂີດ​ຈຳ​ກັດ​ໃນ​ການ​ກູ້ຢືມເງິນຂອງລັດຖະບານ.

​ຄະ​ນະ​ເຈ​ລະ​ຈາຂອງທັງສອງຝ່າຍ ໄດ້ພົບປະກັນ​ດົນກວ່າສອງຊົ່ວໂມງໃນວັນອາທິດວານນີ້ ໃນຂະນະທີ່ທ່າ​ນໄບເດັນ ແລະທ່ານແມັກຄາທີ ໄດ້ໂອ້ລົມກັນທາງໂທສະສັບ ຊຶ່ງແຕ່ລະທ່ານ​ຕ່າງ​ກໍບັນລະຍາຍວ່າ​ໄປ​ໄປ​ໃນທາງບວກ.

“ເປັນໄປດ້ວຍດີ ທີ່ພວກເຮົາຈະ​ໂອ້​ລົມກັນອີກ​ໃນມື້ອື່ນ” ທີ່ທ່ານໄບເດັນ ໄດ້ກ່າວຕໍ່ບັນດານັກຂ່າວ ເວລາກັບຄືນມາເຖິງນະຄອນຫລວງວໍຊິງຕັນ ຈາກກອງປະຊຸມສຸດຍອດ​ກຸ່ມ ຈີ ເຈັດ ​ທີ່ປະເທດຍີ່ປຸ່ນ.

ທ່ານແມັກຄາທີ ກ່າວວ່າ ການໂອ້ລົມທາງໂທລະສັບໄດ້ “​ໃຫ້​ດອກ​ອອກຜົນ.”

“ຂ້າພະເຈົ້າຄິດວ່າ ພວກເຮົາສາມາດແກ້ໄຂບັນຫາເຫລົ່ານີ້ຈຳນວນນຶ່ງ ຖ້າຫາກທ່ານເຂົ້າໃຈວ່າ ພວກເຮົາກຳລັງເບິ່ງຫຍັງ” ທ່ານແມັກຄາທີ່ໄດ້ກ່າວ. ແຕ່ຂ້າພະເຈົ້າ​ແມ່ນເປັນທີ່​ຈະແຈ້ງຕໍ່ທ່ານນັບ​ແຕ່ຕອນເລີ້ມຕົ້ນ. ພວກເຮົາຕ້ອງຈ່າຍເງິນໃຫ້ໜ້ອຍລົງກວ່າປີທີ່ຜ່ານມາ.”

ລັດຖະບານອາດບໍ່​ສາ​ມາ​ດ​ບັນ​ລຸ​ການ​ຕົກ​ລົງ ແລະ​ບໍ່ສາມາດທີ່ຈະ​ປະ​ຕິ​ບັດ​ພັນ​ທະ​ຮັບ​ຜິດ​ຊອບ​ທາງດ້ານການເງິນ ໄວທັນກັບວັນທີ 1 ມິຖຸນາ ຈະມາເຖິງນີ້.

ອ່ານຂ່າວນີ້ເປັນພາສາອັງກິດ

XS
SM
MD
LG