ທ່ານ ໄບເດັນ ກ່າວຍົກຍ້ອງ ທ່ານນາງ ແຮຣິສ ວ່າເປັນອະນາຄົດຂອງພັກ​ເດ​ໂມ​ແຄ​ຣັດ ດ້ວຍຄໍາປາໄສທີ່ສະເທືອນອາລົມ

ປະທານາທິບໍດີ ໂຈ ໄບເດັນ ໄດ້ອອກມາຢືນຢັນການແຕ່ງຕັ້ງ ທ່ານນາງ ຄາມາລາ ແຮຣິສ ຂອງພັກເດໂມແຄຣັດ ສໍາລັບນຳພາການຕໍ່ສູ້ກັບ ທ່ານ ດໍໂນລ ທຣຳ ຂອງພັກຣີພັບບລີກັນ ເພື່ອທຳນຽບຂາວ ດ້ວຍການກ່າວຄຳ ປາໄສຢູ່ກອງປະຊຸມໃນວັນຈັນວານນີ້ ໂດຍຍ້ອງຍໍຮອງປະທານາທິບໍດີຂອງ ທ່ານວ່າ ເປັນຄວາມຫວັງທີ່ດີທີ່ສຸດໃນການຮັກສາປະຊາທິປະໄຕຂອງຊາວ ອາເມຣິກັນ.

ທ່ານ ໄບເດັນ ຂຶ້ນ​ເວທີ​ປາ​ໄສ​ໃນ​ການ​ເປີດ​ກອງ​ປະຊຸມແຫ່ງ​ຊາດຂອງພັກ ເດໂມແຄຣັດໃນຕອນກາງຄືນ ​ໂດຍ​ໄດ້ຮັບການຢືນຕົບມືເປັນເວລາຍາວນານ ຈາກບັນດາຜູ້ສັດທາຂອງພັກ ​ແລະກ່າວຄໍາອຳລາ​ພັກ​ທີ່​ທ່ານ​ໄດ້​ຮັບ​ໃຊ້​ມາ​ເປັນ​ເວລາ​ເຄິ່ງສັດຕະວັດ ​ເຖິງ​ແມ່ນຈະ​ຍັງ​ເຫຼືອ​ເວລາ​ທີ່ທ່ານດຳລົງ​ຕຳ​ແໜ່​ງອີກ 5 ​ເດືອນ​ກໍຕາມ.

ດ້ວຍການເຊັດນ້ຳຕາ ຫຼັງຈາກຖືກ​ແນະນໍາໂດຍລູກສາວຂອງທ່ານ, ນາງ ແອສລີ, ທ່ານ ໄບເດັນ ໄດ້ໂບກມືໃສ່ຝູງຊົນທີ່ຖືປ້າຍຂຽນວ່າ “ພວກເຮົາຮັກ ໄບເດັນ.” ທ່ານສະແດງສີໜ້າຍິ້ມແຍ້ມໃສ່ແລ້ວຕອບວ່າ “ຂ້ອຍກໍຮັກພວກເຈົ້າ.”

ທ່ານ ໄບເດັນ ກ່າວວ່າ “ພວກເຈົ້າພ້ອມທີ່ຈະລົງຄະແນນສຽງເພື່ອເສລີພາບ ແລ້ວບໍ? ພວກເຈົ້າພ້ອມທີ່ຈະລົງຄະແນນສຽງເພື່ອປະຊາທິປະໄຕ ແລະເພື່ອ ອາເມຣິກາແລ້ວບໍ? ຂໍໃຫ້ຂ້ອຍຖາມພວກເຈົ້າເບິ່ງ, ພວກເຈົ້າພ້ອມທີ່ຈະ ເລືອກເອົາ ທ່ານນາງ ຄາມາລາ ແຮຣິສ ແລະ ທ່ານ ທິມ ວອລສ໌ ແລ້ວບໍ?”

ດ້ວຍການຕອບໂຕ້ຕໍ່ ທ່ານ ທຣໍາ ຫຼາຍໆຄັ້ງ, ທ່ານ ໄບເດັນ ສັນຍາວ່າ ຈະເປັນ “ອາສາສະໝັກທີ່ດີທີ່ສຸດ” ເທົ່າທີ່ເຄຍມີມາ ສໍາລັບ ທ່ານນາງ ແຮຣິສ ແລະ ຜູ້ປົກຄອງລັດ ມິນນີໂຊຕ້າ ທ່ານ ວອລສ໌, ເຊິ່ງເປັນຄູ່ຮ່ວມແຂ່ງຂັນ ເອົາຮອງຕຳ​ແໜ່ງປະທານາທິບໍດີຂອງທ່ານນາງ.

ຄໍາປາໄສຂອງ ທ່ານ ໄບເດັນ ໃນນະຄອນຊິຄາໂກ ໄດ້ເລີ້ມຕົ້ນການດໍາເນີນ ງານ 4 ມື້ ທີ່ເຕັມໄປດ້ວຍຄວາມກະຕືລືລົ້ນຂອງ ທ່ານນາງ ແຮຣິສ ແລະການ ຜ່ອນຄາຍຈິດໃຈທີ່ ທ່ານ ໄບເດັນ ໄດ້ສະຫຼະການລົງແຂ່ງຂັນເລືອກຕັ້ງອີກຄັ້ງ ຂອງທ່ານ ແລະອະນຸມັດໃຫ້ທ່ານນາງ ດໍາເນີນງານແທນທ່ານ.

ການ​ຕັດສິນ​ໃຈ​ທີ່​ບໍ່​ເຕັມ​ໃຈ​ຂອງ​ປະທານາທິບໍດີ ເພື່ອຖອນໂ​ຕໃນວັນທີ 21 ກໍລະກົດ ທີ່ຜ່ານມາ​ນີ້ ມີ​ຂຶ້ນລຸນ​ຫຼັງມີ​ການ​ກົດ​ດັນ​ຢ່າງ​ໜັກ​ໜ່ວງ​ຈາກ​ບັນດາ​ຜູ້ນຳ​ພັກ​ທີ່​ເປັນ​ຫ່ວງ​ວ່າ ຜູ້​ດຳລົງ​ຕຳ​ແໜ່​ງອາຍຸ 81 ປີ​ ມີອາຍຸຫຼາຍ​ເກີນ​ໄປ​ທີ່​ຈະ​ຊະນະ ຫຼື​ ດຳລົງ​ຕຳ​ແໜ່​ງເພີ້ມອີກ 4 ປີ.

ທ່ານ ໄບເດັນ ກ່າວວ່າ “ຂ້າພະເຈົ້າຮັກວຽກ, ແຕ່ຂ້າພະເຈົ້າຮັກປະເທດຊາດ ຂອງຂ້າພະເຈົ້າຫຼາຍກວ່າ,” ສົ່ງຜົນເຮັດໃຫ້ມີສຽງຮ້ອງໂຮອອກມາວ່າ “ພວກເຮົາຮັກ ທ່ານ ໂຈ.”

ອ່ານຂ່າວດ້ານລຸ່ມນີ້ເປັນພາສາອັງກິດ

CHICAGO, Aug 19 (Reuters) - President Joe Biden cemented the Democratic Party's elevation of Kamala Harris to lead the fight for the White House against Republican Donald Trump with a convention speech on Monday that praised his vice president as the best hope for preserving American democracy.

Biden took center stage on opening night of the Democratic National Convention, drawing an extended standing ovation from the party faithful and delivering a farewell speech to the party he has served for half a century - even with five months left in office.

Wiping away tears after being introduced by his daughter Ashley, Biden waved to the crowd that held signs saying, "We (heart) Biden." Beaming, he responded, "I love YOU."

"Are you ready to vote for freedom? Are you ready to vote for democracy and for America? Let me ask you, are you ready to elect Kamala Harris and Tim Walz?" Biden said.

Taking multiple swipes at Trump, Biden promised to be the "best volunteer" Harris and Minnesota Governor Walz, her vice presidential running mate, had ever seen.

Biden's address in Chicago kicked off a four-day event fueled by enthusiasm for Harris and relief that Biden abandoned his own reelection bid and endorsed her to replace him.

The president's reluctant decision to step aside on July 21 came after heavy pressure from party leaders who worried the 81-year-old incumbent was too old to win or serve four more years.

"I love the job, but I love my country more," Biden said, drawing chants of "We love Joe."