ລິ້ງ ສຳຫລັບເຂົ້າຫາ

ວັນສຸກ, ໑໙ ເມສາ ໒໐໒໔

ທ່ານໄບເດັນ ປະເຊີນໜ້າກັບກົດໝາຍຄວາມດຸ່ນດ່ຽງທີ່ເຄັ່ງຄັດ ໃນສົງຄາມອິສຣາແອລ-ກຸ່ມຮາມາສ


ແຟ້ມພາບ - ປະທານາທິບໍດີ ໂຈ ໄບເດັນ ຮັບຟັງ ໃນລະຫວ່າງທີ່ທ່ານ ແລະນາຍົກລັດຖະມົນຕີອິສຣາແອລ ທ່ານເບັນຈາມິນ ເນຕັນຢາຮູ ເຂົ້າຮ່ວມໃນກອງປະຊຸມ ສອງຝ່າຍ ແບບຂະຫຍາຍ ກັບເຈົ້າໜ້າທີ່ລັດຖະບານອິສຣາແອລ ແລະສະຫະລັດ ໃນວັນທີ 18 ຕຸລາ 2023 ທີ່ເທລ ອາວີປ.
ແຟ້ມພາບ - ປະທານາທິບໍດີ ໂຈ ໄບເດັນ ຮັບຟັງ ໃນລະຫວ່າງທີ່ທ່ານ ແລະນາຍົກລັດຖະມົນຕີອິສຣາແອລ ທ່ານເບັນຈາມິນ ເນຕັນຢາຮູ ເຂົ້າຮ່ວມໃນກອງປະຊຸມ ສອງຝ່າຍ ແບບຂະຫຍາຍ ກັບເຈົ້າໜ້າທີ່ລັດຖະບານອິສຣາແອລ ແລະສະຫະລັດ ໃນວັນທີ 18 ຕຸລາ 2023 ທີ່ເທລ ອາວີປ.

ໃນຂະນະທີ່​ການ​ບຸກ​ໂຈມເຂດ​ກາຊາ​ຕີ​ທາງ​ພາກ​ພື້ນ​ຂອງ​ອິດສ​ຣາ​ແອລ ກຳລັງ ໃກ້ເຂົ້າມາ​, ​ປະ​ທາ​ນາ​ທິ​ບໍ​ດີ ໂຈ ໄບເດັນ ກໍກຳ​ລັງ​ປະ​ເຊີນ​ໜ້າ​ກັບຄວາມ​ທ້າ​ທາຍ​ໃນ​ການ​ດຸ່ນ​ດ່ຽງ​ການສະໜັບສະ​ໜູນ​ທີ່ “ໝັ້ນຄົງ” ສຳ​ລັບ​ພັນທະ​ມິດ​ທີ່​ໃກ້​ຊິດ​ທີ່​ສຸດ​ຂອງ​ອາ​ເມຣິ​ກາ ໃນຕາ​ເວັນ​ອອກ​ກາງ ກັບການຮຽກຮ້ອງ​ຂອງສາ​ກົນ ໃນການຄຸ້ມຄອງ​ທີ່ແຂງແກ່ນຂຶ້ນສຳລັບພົນ​ລະ​ເຮືອນ​ຢູ່​ເຂດກາຊາ. ພ້ອມນັ້ນ, ທ່່ານຍັງຈະ​ຕ້ອງ​ພະຍາຍາມ​ຫຼີກ​ລ່ຽງສົງຄາມ​ທີ່​ກວ້າງ​ອອກຢູ່​ຕາ​ເວັນ​ອອກ​ກາງ ອີກດ້ວຍ.

ທ່ານໄບເດັນ ແລະບັນດາຜູ້ຊ່ວຍອາວຸໂສຂອງທ່ານ ໄດ້ແນະນຳໃຫ້ລັດຖະບານ ຂອງນາຍົກລັດຖະມົນຕີ ອິສຣາແອລ ທ່ານເບັນຈາມິນ ເນຕັນຢາຮູ (Benjamin Netanyahu) ໃຫ້ພິຈາລະນາຜົນກະທົບໃນໄລຍະຍາວ ກ່ຽວ​ກັບ ຍຸດທະສາດທີ່ຮຽກຮ້ອງໃຫ້ມີ “ການແກ້ແຄ້ນອັນມະຫາສານ” ຕໍ່ກຸ່ມຮາມາສ.

"ປະທານາທິບໍດີໄດ້ອອກຈາກ​ນະ​ຄອນຫຼວງ ເທລ ອາວີປ (Tel Aviv) ໂດຍ ໝັ້ນໃຈວ່າທ່ານມີໂອກາດເປີດເຜີຍຢ່າງກົງໄປກົງມາ ແລະມີຄວາມໝັ້ນຄົງ ກັບນາຍົກລັດຖະມົນຕີ ເນຕັນຢາຮູ ຢ່າງເປັນສ່ວນຕົວ ແລະຄະນະລັດຖະມົນ ຕີສົງຄາມ," ອີງ​ຕາມ​ກາ​ນ​ກ່າວ​ຂອງທ່ານຈອນ ເຄີບີ (John Kirby), ຜູ້ປະສານງານຂອງສະພາ ຄວາມໝັ້ນຄົງແຫ່ງຊາດດ້ານການສື່ສານຍຸດທະສາດ ຢູ່ກອງ​ປະ​ຊຸມ​ລາຍ​ງານ​ຂອງ​ທຳ​ນຽບ​ຂາວໃນວັນອັງຄານວານນີ້.

ທ່ານກ່າວຕື່ມວ່າ "ທ່ານມີໂອກາດຖາມຄຳຖາມທີ່ຍາກໆກັບພວກເຂົາ ທີ່ທ່ານ ຢາກໃຫ້ພວກເຂົາຖາມຕົນເອງກ່ອນທີ່ພວກເຂົາຈະເລີ່ມຕົ້ນການໂຈມຕີທາງພາກພື້ນດິນຄັ້ງໃຫຍ່."

ນັບຕັ້ງແຕ່ນັ້ນມາ ທ່ານໄບເດັນ ໄດ້ໂອ້ລົມກັບ ທ່ານເນຕັນຢາຮູ ຫຼາຍຄັ້ງ, ເຊິ່ງ ເປັນສ່ວນນື່ງຂອງການຜັກດັນຂອງລັດຖະບານ ໃນການຊື້ເວລາເພີ່ມເຕີມເພື່ອ ຮັບປະກັນການປ່ອຍຕົວປະກັນ, ການແຍກເອົາຊາວອາເມຣິກັນປາແລັສໄຕນ໌ ຫຼາຍຮ້ອຍຄົນທີ່ຕິດຢູ່ໃນເຂດກາຊາ ແລະການຈັດສົ່ງສະບຽງພື້ນຖານທີ່ຈຳເປັນ ຫຼາຍ ໃຫ້ແກ່ພົນລະເຮືອນທີ່ຫຼົບໜີຈາກການໂຈມຕີທາງອາກາດຂອງ ອິສຣາແອລ.

ອ່ານຂ່າວນີ້ເປັນພາສາອັງກິດ

XS
SM
MD
LG