ຮອງປະທານາທິບໍດີ ສະຫະລັດ ທ່ານ ໂຈ ບາຍເດັນ ໄດ້ປະກາດໃນວັນພຸດທີ່ຜ່ານມາວ່າ ທ່ານຈະບໍ່ລົງແຂ່ງຂັນເອົາຕຳແໜ່ງ ປະທານາທິບໍດີໃນປີໜ້ານີ້, ເຊິ່ງເປັນການສິ້ນສຸດການຄາດຄະເນກ່ຽວກັບວ່າ ທ່ານຈະພະຍາຍາມເປັນຄັ້ງທີສາມ ສຳລັບທຳນຽບ ຂາວຫຼືບໍ່. ການປະກາດຂອງທ່ານ Biden ເຫັນວ່າເປັນປະໂຫຍດ ສຳລັບຜູ້ມີຄະແນນສຽງນຳໜ້າ ຂອງພັກເດໂມແຄຣັດ ທ່ານນາງ Hilary Clinton. ນັກຂ່າວວີໂອເອ Jim Malon ມີລາຍງານກ່ຽວ ກັບ ເລື່ອງນີ້ເຊິ່ງ ພຸດທະສອນ ຈະນຳລາຍລະອຽດມາສະເໜີທ່ານ.
ຕິດຕາມດ້ວຍພັນລະຍາຂອງທ່ານ, ທ່ານນາງ Jill ແລະ ປະທານາທິບໍດີ ບາຣັກ ໂອບາມາ, ຮອງປະທານາທິບໍດີ ໂຈ ບາຍເດັນ ໄດ້ຢຸດການຄາດຄະເນທີ່ສວນກຸຫຼາບຂອງ ທຳນຽບຂາວ.
ທ່ານ ບາຍເດັນ ໄດ້ພິຈາລະນາການລົງແຂ່ງ ເອົາຕຳແໜ່ງປະທານາ ທິບໍດີ ແມ່ນກະທັ້ງໃນຂະນະທີ່ທ່ານຮັບມື ກັບການເສຍຊີວິດຂອງລູກຊາຍຂອງທ່ານ, ທ່ານ ໂບ ບາຍເດັນ ໃນເດືອນພຶດສະພາທີ່ຜ່ານມາ.
ທ່ານ ໂຈ ບາຍເດັນ ກ່າວວ່າ “ໃນຂະນະທີ່ຄອບຄົວຂອງຂ້າພະເຈົ້າ ແລະ ຂ້າພະເຈົ້າ ເອງໄດ້ຜ່ານຜ່າເວລາແຫ່ງຄວາມໂສກເສົ້າ, ຂ້າພະເຈົ້າໄດ້ກ່າວວ່າ ທຸກຢ່າງຕາມສິ່ງທີ່ຂ້າພະເຈົ້າໄດ້ກ່າວ ໃນເວລານັ້ນ ແລະ ອີກເທື່ອໜຶ່ງສຳລັບຄົນອື່ນໆ ມັນອາດ ເປັນການຊັດເຈນວ່າ ຂະບວນການ, ຮອດເວລາທີ່ພວກເຮົາຜ່ານຜ່າມັນໄປ, ໄດ້ປິດປະຕູສຳລັບ ການໂຄສະ ນາເອົາຕຳແໜ່ງປະທານາທິບໍດີ ທີ່ເປັນຈິງ ແລະ ວ່າມັນອາດຈະຖືກປິດ. ຂ້າພະເຈົ້າໄດ້ສະຫຼຸບວ່າ ມັນໄດ້ປິດລົງແລ້ວ.”
ເວລາແຫ່ງຄວາມໂສກເສົ້າຂອງທ່ານ ບາຍເດັນ ໃນເວລານັ້ນໄດ້ນຳອອກໃຫ້ສະທາລະນະ ເຫັນ, ລວມທັງການປະກົດຕົວ ໃນລາຍການ The Late Show ກັບ Stephen Colbert ເມື່ອເດືອນທີ່ຜ່ານມາ.
ທ່ານ ໂຈ ບາຍເດັນ ໄດ້ກ່າວວ່າ “ຂ້າພະເຈົ້າບໍ່ຄິດວ່າຜູ້ຊາຍ ຫຼື ຜູ້ຍິງຄົນໃດຄວນລົງ ສະໝັກເປັນປະທານາທິບໍດີ ຍົກເວັ້ນ, ໜຶ່ງ, ພວກເຂົາເຈົ້າຕ້ອງຮູ້ຢ່າງຄົບຖ້ວນ ວ່າ ເປັນຫຍັງພວກເຂົາເຈົ້າຈຶ່ງຢາກເປັນປະທາ ນາທິບໍດີ. ແລະ ສອງ, ພວກເຂົາເຈົ້າ ສາມາດແນມເບິ່ງ ຄົນທົ່ວໄປ ທີ່ ຢູ່ນອກນັ້ນ ແລະ ກ່າວວ່າ ຂ້າພະເຈົ້າຂໍສັນຍາຕໍ່ ບັນດາທ່ານ, ບັນດາ ທ່ານມີ ໝາກຫົວໃຈຂອງ ຂ້າພະເຈົ້າ, ດວງວິນຍານຂອງຂ້າ ພະເຈົ້າ, ພະລັງງານຂອງຂ້າພະເຈົ້າ, ແລະ ຄວາມຫຼົງໄຫຼທີ່ຈະເຮັດໃນສິ່ງນີ້.”
ທ່ານ ບາຍເດັນ ໄດ້ກ່າວວ່າ ທ່ານຈະຮຽກຮ້ອງໃຫ້ສະມາຊິກພັກ ເດໂມແຄຣັດ ທີ່ລົງແຂ່ງ ຂັນໃນປີ 2016 ນີ້ ຈົ່ງສືບສານຕໍ່ປະຫວັດ ຂອງ ປະທານາທິບໍດີ ໂອບາມາ.
ທ່ານ ໂຈ ບາຍເດັນ ເວົ້າວ່າ “ແຕ່ໃນເມື່ອຂະພະເຈົ້າບໍ່ສາມາດເປັນຜູ້ ລົງແຂ່ງຂັນ, ຂ້າພະ ເຈົ້າກໍຈະບໍ່ມິດງຽບ. ພັກການເມືອງນີ້, ປະເທດ ຂອງພວກເຮົາ, ຈະສ້າງ ຄວາມຜິດພາດ ທີ່ເສົ້າສະຫຼົດໃຈ ຖ້າພວກເຮົາ ຍ່າງໜີຈາກ ຫຼື ພະຍາຍາມທີ່ຈະ ລົບລ້າງມໍລະດົກຂອງທ່ານ ໂອບາມາ.”
ຜູ້ມີຄະແນນນຳໜ້າໃນການແຂ່ງຂັນຂອງພັກເດໂມແຄຣັດ ທ່ານນາງ Hilary Clintonໄດ້ອອກຖະແຫຼງການເອີ້ນທ່ານ ບາຍເດັນ ວ່າເປັນ “ຜູ້ຊາຍທີ່ດີ” ແລະເປັນ “ຮອງປະ ທານາທິບໍດີທີ່ຍິ່ງໃຫຍ່.”
ທ່ານນາງ Clinton ເບິ່ງຄືວ່າ ຈະໄດ້ຜົນປະໂຫຍດຈາກການຕັດສິນ ໃຈຂອງທ່ານ ບາຍເດັນ ໃນຂະນະທີ່ທ່ານນາງປະເຊີນໜ້າ ກັບຄູ່ ແຂ່ງທ່ານ Bernie Sanders.
ນັກວິເຄາະ John Fortier ກ່າວວ່າ ສະມາຊິກພັກເດໂມແຄຣັດບາງ ຄົນອາດຮູ້ສຶກເສຍໃຈ ທີ່ທ່ານໂຈ ບາຍເດັນບໍ່ໄດ້ລົງສະໝັກແຂ່ງຂັນ.
ສ່ວນທ່ານ Norm Ornstein ກ່າວວ່າ ຜົນງານໃນການໂຕ້ວາທີ ທີ່ ເຂັ້ມແຂງຂອງທ່ານ ນາງ Clinton ໃນສັບປະດາທີ່ຜ່ານມາຄູ່ກັບການປະກາດຂອງທ່ານ ບາຍເດັນ ໄດ້ເຮັດ ໃຫ້ຖານະ ຂອງການເປັນຜູ້ມີຄະແນນສຽງນຳໜ້າ ໃນການແຂ່ງຂັນຂອງທ່ານນາງ ແຂງແກ່ນ ຂຶ້ນ.
ທ່ານ Norm Ornstein ໄດ້ເວົ້າວ່າ “ມັນມີກໍລະນີອັນແທ້ຈິງ ທີ່ຈະເຮັດໃຫ້ທ່ານນາງ Clinton ໄດ້ຮັບໄຊຊະນະ. ທ່ານນາງສາມາດໃຫ້ຢູ່ ໃນໄລຍະຫ່າງທີ່ພຽງພໍຈາກ ລັດຖະ ບານ ໂອບາມາ ແຕ່ຮັກສາສິ່ງທີ່ ເປັນແງ່ບວກທີ່ມີຢູ່ນັ້ນ. ແຕ່ຖ້າວ່າທ່ານ ນາງອາດປະສົບກັບບັນ ຫາຂອງໂຕທ່ານນາງເອງ, ແລ້ວຄວາມປະສົງທີ່ຈະມີ ປ່ຽນແປງນັ້ນ ກໍ ສາມາດມີ ຄວາມເປັນໄປໄດ້ຢ່າງມະຫາສານ.”
ທ່ານ ໂຈ ບາຍເດັນ ກ່າວວ່າ ທ່ານຈະເອົາໃຈໃສ່ກ່ຽວກັບຈຸດສຳຄັນໆ ຕ່າງໆ ຂອງທ່ານ ໂອບາມາ ໃນເວລາຂອງການເປັນຮອງປະທານາ ທິບໍດີ ທີ່ຍັງເຫຼືອຢູ່ຂອງທ່ານ.
