ລິ້ງ ສຳຫລັບເຂົ້າຫາ

ວັນເສົາ, 04 ກຸມພາ 2023

ນາຍ Bin Laden ມີລູກ 4 ຄົນ ຂະນະທີ່ຫຼົບລີ້ ໜີການຕາມລ່າໂຕ


Participants of the Conference of European Rabbis carry candles as they commemorate the 75th anniversary of Kristallnacht in front of Brandenburg Gate in Berlin, Germany. The 'Kristallnacht'  or 'crystal night' - also referred to as 'night of broken glass' -  when Nazis conducted a wave of violent anti-Jewish pograms on the streets of Berlin and other cities in 1938.

ພັນລະຍາ​ຜູ້​ທີ່​ໜຸ່ມສຸດຂອງນາຍ Bin Laden ​ໄດ້​ເປີດ​ເຜີຍ​ວ່າ ​ຫົວໜ້າ ຂອງ​ກຸ່ມ​ກໍ່​ການ
ຮ້າຍ al-Qaida ​ໄດ້ໄຊ້​ເວລາສ່ວນ​ໃຫຍ່​ຂອງ​ລາວຫລົບ ​ລີ້ຢູ່​ຕາມ​ເມືອງຕ່າງໆ​ໃນ
ປາ​ກິ​ສຖານ​ໂດຍຍ້າຍບ່ອນ​ຫລົບ​ລີ້ຢູ່ເລື້ອຍໆ ​ແລະ​ເປັນ​ພໍ່​ຂອງ​ເດັກນ້ອຍ​ສີ່​ຄົນ.

ລາຍ​ລະ​ອຽດກ່ຽວ​ກັບ​ຊີວິດ​ຂອງນາຍ Bin Laden ຫຼັງ​ຈາກ​ການ​ໂຈມ ຕີສະຫະລັດ​ໃນວັນ
ທີ 11 ​ເດືອນ​ກັນຍາ​ປີ 2001 ​ໄດ້​ບັນທຶກ​ຢູ່​ໃນ​ລາຍ ງານການ​ສອບ​ສວນນາງ Amal
Ahmed Abdulfattah ຜູ້​ເປັນແມ່ ໝ້້າຍ​ຂອງນາຍ Bin Laden ທີ່​ເປັນ​ຊາວ​ເຢ​ເມນ
ອາຍຸ 30 ປີ​.

ນາງ Abdulfattah ​ໄດ້​ໃຫ້ການ​ແກ່​ບັນດາ​ນັກ​ສືບສວນ​ວ່າ ຄອບ​ຄົວ​ຂອງ​ນາງໄດ້
“ແຕກ​ກະ​ຈັດກະ​ຈາ​ຍ” ກັນ​ຢູ່​ຫຼາຍໆເດືອນຫຼັງຈາກການ​ໂຈມ​ຕິີ. ນາງ​ກ່າວ​ວ່​າ ນາງ​ໄດ້​ກັບ
ຄືນໄປ​ຢູ່​ກັບ ນາຍ Bin Laden ອີກ​ໃນ​ປີ 2002 ທີ່ເມືອງ Peshawar ​ແລະ​ຫລັງ​ຈາກ
ນັ້ນ​ໄດ້​ຍ້າຍ​ໄປ​ຢູ່​ເຂດ​ຮ່ອມ​ພູ Swat.

ຫລັງ​ຈາກ​ນັ້ນ​ຕໍ່​ມາ​ອີກ ​ເຂົາ​ເຈົ້າ​ໄດ້​ຍ້າຍ​ໄປ​ຢູ່​ເມືອງ Haripur ໃກ້​ໆກັບ​ເມື​ອງ​ເອກຂອງ
ປາ​ກິ​ສຖານ ກຸງອິສລາມາ​ບັດ. ​ໃນ​ລະຍະ​ເວລາ​ນີ້ ນາງ​ກ່າວ​ວ່າ ນາງ​ໄດ້​ອອກ​ລູກ​ສອງ​ຄົນ
ຢູ່​ໂຮງໝໍຂອງ​ລັດຖະບານ ​ແຕ່ລະ​ເທື່ອ​ນາງໄດ້​ໃຊ້​ເວລາ​ຢູ່ໃນໂຮງໝໍສອງ​ແຫ່ງພຽງ​ແຕ່
“ສອງ​ຫລື​ສາມ​ຊົ່ວ​ໂມງ​ເທົ່າ​ນັ້ນ.”

ໃນ​ທີ່​ສຸດຄອບຄົວ​ຂອງ​ນາງ​ໄດ້​ໄປ​ຕັ້ງ​ຖີ່​ນຖານ​ທີ່​ເມືອງ Abbottabad ​ໃນ​ປີ 2005 ບ່ອນ
ທີ່​ລາວ​ໄດ້​ລູກ​ອີກ​ສອງ​ຄົນ. ນາຍ Bin Laden ​ໄດ້​ຖືກ​ສັງຫານ​ທີ່​ເມືອງ Abbottabad ​
ເວລາ​ໜ່ວຍ​ກ້າ​ຕາຍ​ຂອງສະຫະລັດ ບຸກ​ໂຈມ​ຕີ​ເມື່ອ​ເດືອນ​ພຶດ​ສະພາ​ແລ້ວນີ້.
ນາງ Abdulfattah ​ໄດ້​ຮັບ​ບາດ​ເຈັບ​ຢູ່​ທີ່​ຂາ ຈາກ​ການ​ໂຈມ​ຕີດັ່ງກ່າວ.

ປັດ​ຈຸ​ບັນ​ນີ້ ນາງ Abdulfattah ຢູ່​ໃນ​ຄວາມ​ຄຸ້​ມຄອງ​ຂອງລັດຖະບານ ປາ​ກິ​ສຖານ ພ້ອມ
ດ້ວຍ​ພັນລະຍາ​ຂອງນາຍ Bin Laden ອີກ​ສອງ​ຄົນ ​ແລະ​ລູກ​ອີກ​ຫຼາຍໆ​ຄົນ. ທະນາຍ
ຄວາມ​ຂອງ​ເຂົາ​ເຈົ້າ ກ່າວ​ວ່າ ​ລາວ​ຄາດ​ວ່າ​ເຂົາ​ເຈົ້າ​ຈະ​ຖືກ​ຟ້ອງໃນ​ວັນ​ຈັນ​ນີ້​ໃນ​ຂໍ້​ຫາ​ຢູ່​ໃນ
ປາ​ກິ​ສຖານ ຢ່າງຜິດ​ກົດໝາຍ ຊຶ່ງ​ຈະມີ​ໂທດ​ຖືກຕິດ​ຄຸກ​ເຖິງ​ຫ້າ​ປີ.

ທ່ານອາດຈະມັກເລື້ອງນີ້ຄືກັນ

XS
SM
MD
LG