ລິ້ງ ສຳຫລັບເຂົ້າຫາ

ວັນຈັນ, ໒໒ ເມສາ ໒໐໒໔

ພິທີອະພິເສກສົມລົດ ຂອງກະສັດພູຖານ (ເບິ່ງສະໄລດ໌)


ກະສັດ Jigme Khesar Namgyal Wangchuc (ຊ້າຍ) ແລະພະລາຊີນີ Jetsun Pema ຫຼັງພິທີອະພິເສກສົມລົດ (13 ຕຸລາ 2012)
ກະສັດ Jigme Khesar Namgyal Wangchuc (ຊ້າຍ) ແລະພະລາຊີນີ Jetsun Pema ຫຼັງພິທີອະພິເສກສົມລົດ (13 ຕຸລາ 2012)

ກະສັດຂອງພູຖານຊຶ່ງເປັນປະເທດປະເທດນ້ອຍໆໃນເຂດພູຫິມະໄລນັ້ນ ໄດ້ຊົງອະພິເສກສົມ
ລົດກັບເຈົ້າສາວທີ່ເປັນສາມັນຊົນ ແລະຊົງສວມມົງກຸດໃຫ້ນາງເປັນລາຊີນີຂອງພະອົງ.

ກະສັດ Jigme Khesar Namgyel Wangchuck ທີ່ມີພະຊົນມາຍຸ 31 ພັນສາຊຶ່ງເປັນ
ກະສັດທີ່ໜຸ່ມນ້ອຍທີ່ສຸດໃນໂລກນັ້ນ ໄດ້ຊົງອະພິເສດສົມລົດກັບນາງ Jetsun Pema ອາຍຸ
21 ປີຕາມພິທີທາງພຸດສາສະໜາໃນວັນພະຫັດມື້ນີ້ ທີ່ວັດແຫ່ງນຶ່ງໃນເມືອງ Punakha ຊຶ່ງ
ເປັນລາຊະທານີເກົ່າຂອງປະເທດນັ້ນ.

ພິທີອະພິເສກສົມລົດໄດ້ສ້າງຄວາມປະທັບໃຈໃຫ້ແກ່ຜູ້ຄົນໝົດທັງປະເທດ ໂດຍທີ່ພວກນັກ
ຮຽນໄດ້ພາກັນແຕ່ງຄຳກອນສະແດງອອກເຖິງຄວາມດີອົກດີໃຈແລະຜູ້ຄົນໄດ້ພາກັນຝຶກແອບ
ການຟ້ອນລຳເພື່ອສະເຫຼີມສະຫຼອງ.

ກະສັດ Wangchuck ທີ່ໄດ້ຮັບການສຶກສາມາຈາກປະເທດຕາເວັນຕົກໄດ້ສືບສັນຕິວົງເປັນ
Druk Gyalpo ຫຼືກະສັດແຫ່ງດິນແດນມັງກອນສະນັ່ນຟ້າອົງທີ 5. ນອກນັ້ນ ລາສະດອນ
ບາງຄົນຍັງເອີ້ນພະອົງວ່າ ເປັນກະສັດຂອງປະຊາຊົນ.

ກະສັດ Wangchuck ເປັນກະສັດທີ່ຄອງ​ບັນລັງ ພາຍໃຕ້ລັດຖະທຳມະນູນຂອງພູຖານອົງ
ທຳອິດໃນປີ 2008 ສອງປີຫຼັງຈາກພະລາຊະບິດາຂອງພະອົງ ຄືກະສັດ Jigme Singye ໄດ້ຊົງສະລະລາຊະບັນລັງດ້ວຍຄວາມສະມັກໃຈແລະຊົງມີຄຳສັ່ງໃຫ້ຮ່າງລັດຖະທຳມະນູນຂຶ້ນ
ມາ ແລະຫຼັງຈາກນັ້ນພູຖານກໍໄດ້ຫັນປ່ຽນໄປສູ່ການປົກຄອງແບບປະຊາທິປະໄຕທີ່ມີສະພາ
ແຫ່ງຊາດ.

XS
SM
MD
LG