ບັນດາເຈົ້າໜ້າທີ່ ທະຫານ ສະຫະລັດ ກ່າວວ່າ ສິບເອກ
Bowe Bergdahl ເບິ່ງແລ້ວແມ່ນຢູ່ໃນສະພາບດີ ເວລາ
ລາວກັບມາເຖິງສະຫະລັດ ຫລັງຈາກໄດ້ຖືກກັກຂັງເປັນ
ເວລາເກືອບຫ້າປີໂດຍພວກທາລິບານໃນອັຟການິສຖານ.
ພວກເຈົ້າໜ້າທີ່ກ່າວວ່າ ສິບເອກ Bergdahl ຢູ່ໃນສະພາບ
ທີ່ດີພໍ ທີ່ຈະພົບປະ ກັບພວກເຈົ້າໜ້າທີ່ສອບຖາມ ໃນເວລາ
ທີ່ລາວເດີນທາງໄປເຖິງນະຄອນ San Antonio ລັດ Texas
ໃນຕອນເຊົ້າວັນສຸກວານນີ້ ໂດຍເຮືອບິນທະຫານ ທີ່ນຳເອົາ
ລາວ ມາຈາກປະເທດເຢຍຣະມັນ ບ່ອນທີ່ລາວໄດ້ຮັບການປີ່ນປົວນັ້ນ.
ພົນຕີ Joseph DiSalvo ກ່າວວ່າ ສິບເອກ Bergdahl ຈະຮັກສາໂຕຢູ່ສູນກາງປິ່ນປົວ
ຂອງກອງທັບບົກ ໃນນະຄອນ San Antonio ຈົນກວ່າວ່າລາວຈະດີຂື້ນຈາກສະພາບ
ທີ່ລາວໄດ້ຖືກກັກຂັງ.
ບັນດາເຈົ້າໜ້າທີ່ທະຫານ ກ່າວວ່າ ພໍ່ແມ່ຂອງ ສິບເອກ Bergdahl ຍັງບໍ່ໄດ້ມາພົບພໍ້
ລາວ ນັບຕັ້ງແຕ່ລາວໄດ້ກັບມາ ແລະຕາມປົກກະຕິແລ້ວ ທະຫານ ເປັນຜູ້ພິຈາລະນາ
ວ່າ ເວລາໃດລາວຈະພົບກັບຄອບຄົວຂອງລາວໃດ້.
ເຂົາເຈົ້າກ່າວວ່າ ສິບເອກ Bergdahl ຍັງບໍ່ທັນໄດ້ບອກໃຫ້ຮູ້ ກ່ຽວກັບບັນຫາໂຕ້ແຍ້ງ
ໃນການທີ່ລາວຖືກຈັບໂຕໄປ ໃນອັຟການິສຖານ ແລະການປ່ອຍໂຕຂອງລາວ.
ຖະແຫລງການສະບັບນຶ່ງຂອງ ທຳນຽບຫ້າແຈ ໃນວັນສຸກມື້ນີ້ກ່າວວ່າ ທາງກອງທັບ
ຈະສືບຕໍ່ການທົບທວນຢ່າງລະອຽດ ເບິ່ງສະພາບການກ່ຽວກັບການຫາຍໂຕ ໄປຂອງ
ສິບເອກ Bergdah ແລະການຖືກຈັບໂຕໄປຂອງຜູ້ກ່ຽວ.
ກອງທັບສະຫະລັດກ່າວວ່າ ສິບເອກ Bergdahl ໄດ້ຢ່າງໜີຈາກຄ້າຍ ໃນອັຟການິສ
ຖານ ໃນປີ 2009 ບັນດາໝູ່ເພື່ອນທີ່ເປັນທະຫານນຳລາວ ເວລານັ້ນກ່າວວ່າ ລາວ
ໄດ້ໂຕນໜີຈາກ ກົມກອງຂອງລາວດ້ວຍຄວາມສະໝັກໃຈ.
ສິບເອກ Bergdahl ອາຍຸ 28 ປີ ໄດ້ຮັບອິດສະຫລະພາບຂອງລາວເມື່ອສອງອາທິດ
ກ່ອນ ເວລາປະທານາທິບໍດີສະຫະລັດ ທ່ານ Barack Obama ເຫັນດີໃຫ້ມີການແລກ
ປ່ຽນນັກໂທດ ໂດຍປ່ອຍໂຕຜູ້ຕ້ອງສົງໄສເປັນຜູ້ກໍ່ການຮ້າຍ ທາລິບານຫ້າຄົນຈາກຄຸກ
ທະຫານຢູ່ອ່າວ Guantanamo ປະເທດຄິວບາ. ບັນດາສະມາຊິກສະພາຈຳນວນນຶ່ງ
ໄດ້ຕິຕຽນ ປະທານາທິບໍດີ ທີ່ເຫັນດີໃຫ້ມີການແລກ ປ່ຽນນັກໂທດດັ່ງກ່າວ.
Bowe Bergdahl ເບິ່ງແລ້ວແມ່ນຢູ່ໃນສະພາບດີ ເວລາ
ລາວກັບມາເຖິງສະຫະລັດ ຫລັງຈາກໄດ້ຖືກກັກຂັງເປັນ
ເວລາເກືອບຫ້າປີໂດຍພວກທາລິບານໃນອັຟການິສຖານ.
ພວກເຈົ້າໜ້າທີ່ກ່າວວ່າ ສິບເອກ Bergdahl ຢູ່ໃນສະພາບ
ທີ່ດີພໍ ທີ່ຈະພົບປະ ກັບພວກເຈົ້າໜ້າທີ່ສອບຖາມ ໃນເວລາ
ທີ່ລາວເດີນທາງໄປເຖິງນະຄອນ San Antonio ລັດ Texas
ໃນຕອນເຊົ້າວັນສຸກວານນີ້ ໂດຍເຮືອບິນທະຫານ ທີ່ນຳເອົາ
ລາວ ມາຈາກປະເທດເຢຍຣະມັນ ບ່ອນທີ່ລາວໄດ້ຮັບການປີ່ນປົວນັ້ນ.
ພົນຕີ Joseph DiSalvo ກ່າວວ່າ ສິບເອກ Bergdahl ຈະຮັກສາໂຕຢູ່ສູນກາງປິ່ນປົວ
ຂອງກອງທັບບົກ ໃນນະຄອນ San Antonio ຈົນກວ່າວ່າລາວຈະດີຂື້ນຈາກສະພາບ
ທີ່ລາວໄດ້ຖືກກັກຂັງ.
ບັນດາເຈົ້າໜ້າທີ່ທະຫານ ກ່າວວ່າ ພໍ່ແມ່ຂອງ ສິບເອກ Bergdahl ຍັງບໍ່ໄດ້ມາພົບພໍ້
ລາວ ນັບຕັ້ງແຕ່ລາວໄດ້ກັບມາ ແລະຕາມປົກກະຕິແລ້ວ ທະຫານ ເປັນຜູ້ພິຈາລະນາ
ວ່າ ເວລາໃດລາວຈະພົບກັບຄອບຄົວຂອງລາວໃດ້.
ເຂົາເຈົ້າກ່າວວ່າ ສິບເອກ Bergdahl ຍັງບໍ່ທັນໄດ້ບອກໃຫ້ຮູ້ ກ່ຽວກັບບັນຫາໂຕ້ແຍ້ງ
ໃນການທີ່ລາວຖືກຈັບໂຕໄປ ໃນອັຟການິສຖານ ແລະການປ່ອຍໂຕຂອງລາວ.
ຖະແຫລງການສະບັບນຶ່ງຂອງ ທຳນຽບຫ້າແຈ ໃນວັນສຸກມື້ນີ້ກ່າວວ່າ ທາງກອງທັບ
ຈະສືບຕໍ່ການທົບທວນຢ່າງລະອຽດ ເບິ່ງສະພາບການກ່ຽວກັບການຫາຍໂຕ ໄປຂອງ
ສິບເອກ Bergdah ແລະການຖືກຈັບໂຕໄປຂອງຜູ້ກ່ຽວ.
ກອງທັບສະຫະລັດກ່າວວ່າ ສິບເອກ Bergdahl ໄດ້ຢ່າງໜີຈາກຄ້າຍ ໃນອັຟການິສ
ຖານ ໃນປີ 2009 ບັນດາໝູ່ເພື່ອນທີ່ເປັນທະຫານນຳລາວ ເວລານັ້ນກ່າວວ່າ ລາວ
ໄດ້ໂຕນໜີຈາກ ກົມກອງຂອງລາວດ້ວຍຄວາມສະໝັກໃຈ.
ສິບເອກ Bergdahl ອາຍຸ 28 ປີ ໄດ້ຮັບອິດສະຫລະພາບຂອງລາວເມື່ອສອງອາທິດ
ກ່ອນ ເວລາປະທານາທິບໍດີສະຫະລັດ ທ່ານ Barack Obama ເຫັນດີໃຫ້ມີການແລກ
ປ່ຽນນັກໂທດ ໂດຍປ່ອຍໂຕຜູ້ຕ້ອງສົງໄສເປັນຜູ້ກໍ່ການຮ້າຍ ທາລິບານຫ້າຄົນຈາກຄຸກ
ທະຫານຢູ່ອ່າວ Guantanamo ປະເທດຄິວບາ. ບັນດາສະມາຊິກສະພາຈຳນວນນຶ່ງ
ໄດ້ຕິຕຽນ ປະທານາທິບໍດີ ທີ່ເຫັນດີໃຫ້ມີການແລກ ປ່ຽນນັກໂທດດັ່ງກ່າວ.
