ອະດີດນັກສືບສວນສອບສວນຄົນໜຶ່ງ ພ້ອມດ້ວຍຄະນະກຳມະ ການ ລັດຖະສະພາ ນຳໜ້າໂດຍພັກ ຣີພັບບລີກັນ ພິຈາລະນາເບິ່ງການໂຈມຕີຫຼາຍຄັ້ງໃນນະຄອນ Benghazi, ປະເທດ
ລີເບຍ, ປີ 2012 ກ່າວວ່າ ເພິ່ນໄດ້ຖືກໄລ່ອອກຈາກວຽກ ຫຼັງຈາກໄດ້ຕໍ່ຕ້ານຄວາມກົດດັນ ເພື່ອເພັ່ງເລັງວຽກການສືບສວນສອບສວນຂອງເພິ່ນ ໃສ່ເລື້ອງ ທ່ານນາງ Hillary Rodham Clinton ແລະ ກະຊວງການຕ່າງປະເທດ.
ພັນຕີທະຫານອາກາດສຳຮອງ Bradley Podliska, ຜູ້ທີ່ໄດ້ບັນລະຍາຍຕົນເອງວ່າເປັນຜູ້ອະນຸລັກນິຍົມ ພັກຣີພັບບລີກັນ, ໄດ້ກ່າວຕໍ່ໜັງສືພິມ The New York Times ແລະ CNN ວ່າໃນເດືອນມີນາທີ່ຜ່ານມາ ຄະນະກຳມະການໄດ້ປະຖິ້ມການສືບສວນສອບສວນທີ່ກວ້າງຂວາງຂອງຕົນ ໃນກໍລະນີທີ່ນໍາໄປສູ່ການຕາຍຂອງຊາວ ອາເມຣິກາ 4 ຄົນລວມທັງເອກອັກຄະລັດຖະທູດ J. Christopher Stevens ໃນ ນະຄອນ Benghazi.
ທ່ານ Podliska ໄດ້ກ່າວວ່າ ຄະນະກຳມະການໄດ້ຫັນຄວາມສົນໃຈໄປໃສ່ທ່ານນາງ Clinton ແລະ ກະຊວງການຕ່າງປະເທດ ຫຼັງຈາກພວກເຂົາເຈົ້າໄດ້ເປີດເຜີຍວ່າ ທ່ານນາງໄດ້້ໃຊ້ເຄື່ອງບໍລິການ ອີເມລ ສ່ວນຕົວໃນເວລາທີ່ທ່ານນາງເປັນລັດຖະມົນຕີຕ່າງປະເທດຢູ່ນັ້ນ.
ການເຄື່ອນໄຫວດັ່ງກ່າວໄດ້ຫຼຸດການເນັ້ນໜັກໃສ່ອົງກອນທີ່ມີສ່ວນຮ່ວມກັບການໂຈມຕີໃສ່ກົງສຸນ ສະຫະລັດ ໃນວັນທີ 11 ກັນຍາ 2012.
ທ່ານ Podliska ໄດ້ກ່າວວ່າ ທ່ານມີແຜນທີ່ຈະດຳເນີນການຟ້ອງຮ້ອງຄະດີສຳລັບການ ສິ້ນສຸດໃນທາງທີ່ຜິດໄວໆນີ້. ເຊິ່ງກໍຍັງຈະສ້າງກໍລະນີ ທີ່ທ່ານໄດ້ຖືກໄລ່ອອກຈາກວຽກ ຍ້ອນວ່າ ທ່ານມີສ່ວນຮ່ວມໃນການຮຽກຮ້ອງໃຫ້ດຳເນີນການຝຶກຊ້ອມການປ້ອງກັນປະເທດ.
ທ່ານນາງ Clinton ຜູ້ນຳໜ້າໃນການຖືກເລືອກໃຫ້ເປັນປະທານາ ທິບໍດີຂອງພັກ ເດໂມແຄຣັດ, ແລະ ບັນດາຜູ້ສະໜັບສະໜູນຂອງທ່ານ ໄດ້ກ່າວຫາບັນດາສະມາຊິກສະພາຕ່ຳສັງກັດ ພັກຣີພັບບລີກັນວ່າ ພະຍາຍາມໃຊ້ຄະກຳມະການ Benghazi ເພື່ອເຮັດໃຫ້ການໂຄສະນາຫາສຽງຂອງທ່ານດຳເນີນໄປຢ່າງບໍ່ລ່ຽນໄຫຼ. ຊຶ່ງເມື່ອບໍ່ດົນມານີ້ໄດ້ເອີ້ນມັນວ່າ “ບໍ່ມີຫຍັງຫຼາຍໄປກວ່າເປັນການກະທຳທີ່ຖືພັກຖືພວກເທົ້ານັ້ນ.”
ຄະນະກຳມະການໃນວັນເສົາວານນີ້ໄດ້ປະຕິເສດຕໍ່ການກ່າວຫາຢ່າງແຮງ. ພວກເຂົາເຈົ້າໄດ້ກ່າວໃນຖະແຫຼງການວ່າ ທ່ານ Poliska ບໍ່ ເຄີຍຍົກຄວາມເປັນຫ່ວງດັ່ງກ່າວໃນເວລາທີ່ລາວຢູ່ກັບຄະນະກຳມະການ, ແລະວ່າໂຕລາວເອງ ໄດ້ໃຊ້ຊັບພະຍາກອນຂອງຄະນະກຳມະການຢາງບໍ່ເໝາະສົມເພື່ອສ້າງບົດລາຍງານ PowerPoint ທີ່ເອີ້ນວ່າ “Hit Piece” ກ່ຽວກັບສະມາຊິກຂອງລັດຖະບານ ໂອບາມາ, ລວມທັງທ່ານນາງ Clinton ເຊິ່ງເຄີຍເປັນລັດຖະມົນຕີການຕ່າງປະເທດໃນເວລານັ້ນ.
ປະທານສະພາຕ່ຳສຽງສ່ວນຫຼາຍທ່ານ Kevin McCarthy ເມື່ອບໍ່ດົນມານີ້ໄດ້ເຊື່ອມຕໍ່ວຽກງານຂອງຄະນະກຳມະການ ໃສ່ຕົວເລກການຢັ່ງຫາງສຽງທີ່ລ່ຽນໄຫຼຂອງທ່ານນາງ Clinton ແລະ ໄດ້ພັນລະນາການທົບທວນທີ່ບໍ່ດີຈາກພັກ ຣີພັບບລີກັນ ແລະ ເດໂມແຄຣັດ. ສະມາຊິກ ພັກຣີພັບບລີກັນ ລັດຄາລີຟໍເນຍ ໄດ້ຖອຍຫຼັງຈາກການວິພາກວິຈານດັ່ງກ່າວນັ້ນ, ແຕ່ພວກເຂົາເຈົ້າໄດ້ທຳລາຍຄວາມພະຍາຍາມຂອງທ່ານເພື່ອກາຍເປັນປະທານສະພາຕ່ຳ ແລະ ໄດ້ຖອນຕົວອອກຈາກການແຂ່ງຂັນເພື່ອສືບທອດທ່ານ John Boehner ທີ່ໄດ້ລາອອກຈາກຕຳແໜ່ງ.
