ລິ້ງ ສຳຫລັບເຂົ້າຫາ

ສານແຫ່ງນຶ່ງ​ຂອງ Tunisia ​ໄດ້​ຕັດ​ສິນ​ໂທດໃນ​ວັນ​ຈັນວານນີ້ ໃຫ້ຈໍາ​ຄຸກ​ທ່ານ Zine
el-Abidine Ben Ali ປະທານາທິບໍດີ​ ທີ່ຖືກຂັບໄລ່ອອກຈາກອຳນາດ​ເປັນ​ເວລາ
15 ປີ.

ອະດີດ​ຜູ້​ນໍາຂອງ Tunisia ບໍ່​ໄດ້​ປະກົດ​ຕົວໃນການດຳເນີນຄະດີຄັ້ງນີ້ ຊຶ່ງ​ທ່ານໄດ້
ປະ​ເຊີນ​ໜ້າ​ກັບ​ຂໍ້​ຫາລັກລອບ​ຄ້າ​ຢາ​ເສບ​ຕິດ, ອາວຸດ ​ແລະ​ວັດຖຸ​ໂບຮານ​ອື່ນໆ​ນັ້ນ.

ນີ້​ແມ່ນ​ການ​ດໍາ​ເນີນ​ຄະດີ​ຄັ້ງ​ທີ່ 2 ຕໍ່​ທ່ານ Ben Ali ນັບແຕ່ທ່ານ​ໄດ້​ຫຼົບໜີໄປຢູ່
Saudi Arabia ​ໃນ​ເດືອນ​ມັງກອນ​ທີ່​ແລ້ວ ທ່າມກາງ​ການ​ປະ​ທ້ວງ​ຕໍ່ຕ້ານ​ການ​ປົກຄອງ
ຂອງທ່ານ ທີ່ມີ​ມາ​ນານ​ກ່ວາ 23 ປີ​ແລ້ວ​ນັ້ນ.

ທະນາຍຄວາມ​ຂອງ​ທ່ານ​ Ben Ali ​ໄດ້​ກ່າວ​ໃນ​ວັນ​ຈັນ​ວານ​ນີ້​ວ່າ ​ທ່ານ Ben Ali ບໍ່ໄດ້ຮັບການດຳເນີນຄະດີແບບຍຸດຕິທຳ ແລະທ່ານໄດ້ຖອນໂຕຈາກການໄປຟັງຄຳ
ໃຫ້ການຢູ່ສານທີ່ນະຄອນ​ຫຼວງ​ Tunis.

ໃນ​ເດືອນ​ແລ້ວ​ນີ້​ອະດີດ​ທ່ານ​ປະທາ​ນາ​ທິບໍດີ Ben Ali ​ແລະ​ພັນ​ລະ​ຍາ ທ່ານ​ນາງ
Leila Trabelsi ​ໄດ້​ຖືກຕັດສິນໂທດລັບຫຼັງວ່າມີຄວາມຜິດໃນການຍັກ ຍອກເອົາ
ເງິນແລະຂໍ້ຫາອື່ນໆ ຫຼັງຈາກໄດ້ມີການພົບເຫັນເພັດພອຍແລະເງິນຫຼວງຢູ່ທີ່ທຳ
ນຽບແຫ່ງນຶ່ງຂອງພວກທ່ານນັ້ນ. ພວກ​ທ່ານ​ທັງ​ສອງ​ຕ່າງກໍ​ຖືກ​ຕັດສິນໂທດຈໍາ​ຄຸກ
ຄົນ​ລະ 35 ປີ.

ທ່ານ Ben Ali ໄດ້ປະນາມການຕັດສິນດັ່ງກ່າວ ແລະ​ເອີ້ນວ່າ ເປັນການຕັດສິນ​ທີ່​ລໍ້​ຫຼິ້ນ.

XS
SM
MD
LG