ຕຳຫຼວດແບລຈ້ຽມ ໄດ້ຈັບຜູ້ຕ້ອງສົງໄສກໍ່ການຮ້າຍ 12 ຄົນ ຫລັງຈາກໄດ້ບຸກເຂົ້າໄປກວດ ຄົ້ນເຮືອນຫລາຍໆຫລັງຢູ່ໃນທົ່ວປະເທດໃນວັນສຸກແລະຕອນເຊົ້າວັນເສົາມື້ນີ້ ອີງຕາມຖະ ແຫຼງຂ່າວຂອງຫ້ອງໄອຍະການລັດຖະບານກາງ.
ຫ້ອງການໄອຍະການກ່າວວ່າ ຕຳຫຼວດໄດ້ກວດຄົ້ນເຮືອນ ຢູ່ໃນ 16 ເມືອງສ່ວນໃຫຍ່ແລ້ວແມ່ນໃນບໍລິເວນອ້ອມແອ້ມນະຄອນຫຼວງ Brussels ແລະໄດ້ນຳເອົາຕົວ 40 ຄົນ ໄປສອບປາກຄຳ ແລະຈາກຈຳນວນດັ່ງກ່າວ ໃນທີ່ສຸດຕຳຫຼວດກໍໄດ້ຈັບ 12 ຄົນ.
ອີງຕາມຖະແຫຼງຂ່າວແລ້ວ ຕຳຫຼວດໄດ້ບຸກເຂົ້າໄປກວດຄົ້ນ ໂດຍປາສະຈາກ ບັນຫາຮ້າຍແຮງໃດໆ.
ແບລຈ້ຽມຍັງຢູ່ພາຍໃຕ້ຄຳປະກາດເຕືອນໃຫ້ລະວັງກ່ຽວກັບພວກກໍ່ການຮ້າຍຫຼັງຈາກໄດ້ມີ ການໂຈມຕີທີ່ສະໜາມບິນແລະທາງລົດໄຟໃຕ້ດິນໃນນະຄອນ Brussels ເມື່ອເດືອນມີນາ ຜ່ານມາ ທີ່ເຮັດໃຫ້ 32 ຄົນເສຍຊີວິດແລະສະຖານທີ່ທັງສອງໄດ້ຢຸດກິດຈະການເປັນເວລາ ຫຼາຍໆມື້.
