ບັນດາໄອຍະການ ໄນປະເທດ Belgium ກ່າວໃນວັນອັງຄານ
ມື້ນີ້ວ່າ ຕຳຫຼວດໄດ້ຈັບສອງຄົນ ທີ່ສົງໄສວ່າວາງແຜນໂຈມຕີກໍ່
ການຮ້າຍເນື່ອງໃນໂອກາດວັນພັກທ້າຍປີ ຢູ່ໃນນະຄອນ
Brussels.
ເຂົາເຈົ້າກ່າວວ່າ ເຈົ້າໜ້າທີ່ສວນໄດ້ຄົ້ນພົບຫລັກຖານ ທີ່ຊີ້
ໃຫ້ເຫັນເຖິງ “ການຂົ່ມຂູ່ກ່ຽວກັບການໂຈມຕີຮ້າຍແຮງ ທີ່
ອາດແນໃສ່ສະຖານທີ່ຕ່າງໆທີ່ເປັນສັນຍາ ລັກຂອງປະເທດ”
ຂອງການສະຫລອງມື້ກ່ອນວັນຂຶ້ນປີໃໝ່.
ຫ້ອງການໄອຍະການ ບໍ່ໄດ້ເຈາະຈົງເຖິງເປົ້າໝາຍທີ່ອາດມີ
ການໂຈມຕີຢູ່ໃນຖະແຫລງການ. ນອກຈາກເປັນນະຄອນຫລວງຂອງ Belgium ແລ້ວ ນະຄອນ Brussels ຍັງເປັນກອງບັນຊາການໃຫຍ່ຂອງຄະນະກຳມາທິການຢູໂຣບ ແລະ ອົງການ NATO ພ້ອມທັງບັນດາຫ້ອງການຕ່າງໆຂອງສະຫະປະຊາດ.
ການຈັບກຸມໄດ້ມີຂື້ນໃນວັນອາທິດ ແລະວັນຈັນວານນີ້ ຫລັງຈາກການກວດຄົ້ນຢູ່ໃກ້ກັບ
ນະຄອນ Brussels ແລະເມືອງ Leige ທີ່ໄດ້ພົບເຫັນເຄຶ່ອງແບບທະ ຫານ ແລະເອກ
ກະສານໂຄສະນາຊວນເຊື່ອຂອງກຸ່ມລັດອິສລາມ. ບັນດາເຈົ້າໜ້າທີ່ກ່າວວ່າ ບໍ່ໄດ້ພົບ
ເຫັນອາວຸດ ແລະລະເບີດ. ໃນຂັ້ນຕົ້ນທັງໝົດຫົກຄົນໄດ້ຖືກຈັບ ແຕ່ວ່າສີ່ຄົນໄດ້ຖືກປ່ອຍ
ໂຕ. ໜຶ່ງໃນຈຳນວນບັນດາຜູ້ຖືກຈັບໄດ້ຖືກກ່າວຫາວ່າ ເປັນຫົວໜ້າກຸ່ມການກໍ່ການຮ້າຍ
ແລະໄດ້ເກັບເກນເອົາຄົນອຶ່ນໆເຂົ້າໄປ ກໍ່ການຮ້າຍ.
ບັນດາໄອຍະການ ກ່າວວ່າ ຄະດີດັ່ງກ່າວບໍ່ໄດ້ພົວພັນກັບການໂຈມຕີ ໃນວັນທີ 13 ເດືອນ
ພະຈິກ ຢູ່ນະຄອນຫລວງປາຣີ ທີ່ໄດ້ສັງຫານຢ່າງໜ້ອຍ 130 ຄົນ. ຜູ້ຕ້ອງຫາຫລາຍຄົນໃນ
ການໂຈມຕີນັ້ນ ຮວມທັງຫົວຜູ້ທີ່ຄາດວ່າເປັນຜູ້ນຳກຸ່ມ ໄດ້ພົວພັນກັບປະເທດ Belgium.
ເປັນເວລາຫົກອາທິດ ນັບແຕ່ການໂຈມຕີໃນນະຄອນປາຣີ ຕຳຫລວດໃນປະເທດ
Belgium ໄດ້ທຳການຈັບກຸມໃນລະຫວ່າງການບຸກເຂົ້າໄປກວດຄົ້ນເພື່ອຊອກຫາພວກ
ກໍ່ການຮ້າຍ. ໜຶ່ງໃນຈຳນວນການຈັບກຸມ ໄດ້ມີຂື້ນໃນອາທິດແລ້ວນີ້ ເວລາພວກເຈົ້າໜ້າ
ທີ່ ໄດ້ກ່າວຫາຜູ້ຊາຍຄົນໜຶ່ງທີ່ສົງໄສວ່າ ໄດ້ຕິດຕໍ່ກັບພີ່ນ້ອງ ທ້າວ Abdelhamid
Abadaoud ທີ່ຖືກກ່າວຫາວ່າ ເປັນຜູ້ຈັດແຈງກ່ຽວກັບການໂຈມ ຕີຢູ່ໃນນະຄອນປາຣີ.
ທ້າວ Abaaoud ແລະພີ່ນ້ອງ ທີ່ໄດ້ລະບຸໂຕວ່າແມ່ນ ທ້າວ Hasna Ait Boulahcen
ໄດ້ຖືກສັງຫານ ໃນການບຸກເຂົ້າໄປກວດຄົ້ນຂອງເຈົ້າໜ້າທີ່ຕຳ ຫລວດ ໃນເມືອງ Saint
Denis ທີ່ປະເທດຝຣັ່ງ ບໍ່ພໍເທົ່າໃດມື້ຫລັງຈາກການໂຈມຕີ.
ຕຳຫລວດຍັງຊອກຫາ ຜູ້ທີ່ເກີດຢູ່ໃນນະຄອນ Brussels ທ້າວ Salah Abdeslam ຊຶ່ງ
ເປັນຜູ້ຕ້ອງສົງໄສວ່າ ພົວພັນໂດຍກົງໃນການໂຈມຕີນັ້ນ.
